2 Kɔrèn 3:8 - Meta’

⁸ Ɨzeŋɨ zeŋɨ we mɨ nyaʼə te əne, njɨ ka ə̀fàʼì ze nɨ Əzwî ə Zeŋɨ ə nàʼə̀ wa bɨrɨ yeʼe i mbɨ ɨzeŋɨ zeŋɨ nɨə te chè əbɔ ə?

Ikan feg

⁸ Ane, àkə chəyi àfàʼì ze ne Azwighi Ŋwiye ze fàʼà biri bèrì ìzḛzḛ njandi njandi chè ìwi mə̀nɔ̀ʼɔ̀?

2 Kɔrèn 3:8 Խաչաձեւ Հղումներ

Jn 1:17

Ŋwìə̀ nyaʼa naʼ tɨkə ənjìm ə Mose, àyɨə ɨ̀chɔ̀m mbɨ rəsìʼ nyaʼa yeʼe ənjìm ə Yeso Kristo.

Jn 7:39

Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

1 Kɔrèn 3:16

Chəi mbə̀ kyerɨ ni mbə yɨə mbàn Ŋwìə̀ mbɨ ni Əzwî ə Ŋwiə̀ ə zɨ ɨŋga nən ə?

2 Kɔrèn 11:4

Mə wɨə ghà əne ɨmbə̀ʼ ɨghəm nɨ mbə mbɨə zàmbɨ̀ə̀ benə wə̀d mɔʼɔ we nɨ yeʼe ghà ɨnû ɨ nən ɨmbə̀ʼ ə Yeso cherə chè rɨ ənɨ we nɨ tɨ̀ nyaʼa gha ɨ nən ɨmbə̀ʼ əməd, kɨ̀ ɨmbə̀ʼ əzwî ə cherə chè rɨ ənɨ əze nɨ mbə nyaʼa nɨŋɨ, kɨ̀ mbə zu ɨkə̂n chɔ̀m cherə chè rɨ ənɨ we nɨ mbə nyaʼa benɨ.

2 Kɔrèn 3:17

Tɨ̀nîn Ə̀nùŋɨ̀sɨg yɨ Əzwî ze, əne əsɨ ze nɨ Əzwî Ə̀nùŋɨ̀sɨg ə yeʼ əŋgu, bə̂d mbɨ ənɨ ə ɨghəm.

2 Kɔrèn 3:6

Wɨ̀ fə ghɨ̀ ni tɨ̀ kuʼ nɨ fàʼ əton fɨso fi. Ka fɨso fi fe yɨ i əghɨ nɨ mbɨ ŋwaʼnɨ. Fɨso fe yɨ rɨ əmbɨ ə Əzwî. Tɨkə te nɨ mbɨ ŋwaʼnɨ tɨə yeʼe mbɨ ɨvɨ, àyɨə Əzwî ə zɨə nàʼ ɨ̀tènɨ̀.

2 Kɔrèn 3:7

Tɨkə te nɨ mbɨ nyaʼa chəb ɨgun əbapɨ əti tɨə nyaʼə yeʼe mbɨ ɨvɨ. Tɨ nyaʼa kɔ mbɨ ɨzeŋɨ zeŋɨ ghɨ̀ ni tɨ mɨ̀Izre neŋ ə ɨfě Mose ɨchî nɨ wɨ nyaʼə teə. Ɨzeŋɨ zeŋɨ we wɨə nyaʼə sɨ̀grə̀ nimə.

2 Kɔrèn 3:9

Ə̀fàʼì ze nɨə zɨ ɨsaʼi ɨgwɨ ə bə̂d mɨ nyaʼa yeʼe mbɨ ɨzeŋɨ zeŋɨ, njɨ əze nɨə yeʼe mbɨ ɨnû nɨ təm kùʼnɨ̀ bɨrɨ yeʼe mbɨ ɨzeŋɨ zeŋɨ nɨ che əbɔ!

Gàlesìyà 3:14

Kristo Yeso nyaʼa ghɨ̀ əne ɨmbə̀ʼ əbɔrəbɔd ze nɨ Ŋwìə̀ nyaʼa kaʼi əmbɨ Abràham ə nyɨ ɨgun ə bə̂d mbe nɨ kaʼi mɨ̀Jû. Ɨchî nɨ zɨə yeʼ əne, Əzwî ə Zeŋɨ ze nɨ Ŋwìə̀ nyaʼa kaʼi ə bɨrɨ nyɨ ɨgwɨ na ənjìm ɨchî nɨ tɨ̀ nuŋ fîŋ ɨgwɨ məd.

Gàlesìyà 5:5

Tɨ̀ wɨə kàŋə̀ wòmə̀ nɨ Ŋwìə̀ ghɨ tɨ̀ təm kùʼnɨ̀ ənjìm ɨchî nɨ tɨ̀ nuŋ fîŋ ɨgwɨ məd. Ɨ wɨə ghɨ̀ əne ənjìm Əzwî əməd.

Efesùs 2:18

À yɨə Kristo ghɨ ni mba mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû, tɨ̀ berɨ ɨnə̂njɨ̀ nɨ wò əmbɨ ə Mbǎʼ ənjìm Əzwî ə Zeŋɨ.

2 Tès 2:13

Mba bɔŋgɔb nɨ Ə̀nùŋɨ̀sɨg ghaʼi kwàʼ rɨŋgəʼ, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən, ɨmbə̀ʼ ɨghəm nɨ Ŋwiə̀ nyaʼa chɔʼ əwən ɨmbə̀ʼ chɨ rəŋgəʼ ənjìm ɨchî nɨ Əzwî ə Ŋwìə̀ ə ghɨ mbə zeŋ bə̀ fɔrɨ ənjìm ɨchî nɨ mbə̀ ben rəsìʼ.

1 Pità 1:2

Ŋwìə̀ Mbǎʼ nyaʼa chɔʼ əwən ni mbə̀ yeʼ mbi bə̂d ɨchî nɨ wɨ̀ nyaʼa fə nuŋɨ. Əzwî əməd ə fə ghɨ̀ mbə zeŋ, ɨmbə̀ʼ mbə̀ zuunɨ ə Yeso Kristo bə̀ ghɨ̀ ni ənəm əməd ze nɨ wɨ̀ nyaʼa chəmnɨ ə zeŋnɨ əwən. Ɨ̀chɔ̀m Ŋwiə̀ mbɨ əbɔrəbɔd əməd yeʼe ɨgwɨ nən ɨ ə̀bù ə̀bù.