1 Pità 3:17 - Meta’

¹⁷ ɨmbə̀ʼ ɨghəm nɨ zɨə bɔ̀ŋ ni mbə zə ŋgəʼ ɨmbə̀ʼ ɨchî nɨ mbə̀ə ghɨ̀ ɨ̀chɔ̀m ɨchî nɨ Ŋwiə̀ kəbɨ, chè ɨchî nɨ zə ŋgəʼ ənɨ mbə̀ə ghɨ ɨnû rɨbɔ̀ŋ.

Ikan feg

¹⁷ Àmə yaʼ aghi ne Ŋwiye kə̀bi, nji ze bɔ̀ŋ ni zən ngəʼ imbə̀ʼ anug chɔm, chè ni zən ngəʼ imbə̀ʼ anug tìbɔŋ ne àghò ghi.

1 Pità 3:17 Խաչաձեւ Հղումներ

Matìyò 26:39

Ənɨ wɨ̀ nyaʼa ghà əne, wɨ̀ nyaʼa yèndɨ̀ wò ɨmbì rɨpiî, pè kub ɨfě ə si, kɔ̀ŋgɨ̀ ə Ŋwiə̀ ghà ni, “Mɨ Mbǎʼ, ɨchî mɨ chwiə, à ghɨ̀ ŋgəʼ zɔ̂ chè rɨ ɨgwɨ num. Àyɨə ghɨ yeʼ ənû ze nɨ à kə̀bɨ, kaʼi əze nɨ mə̀ kəbɨ.”

Matìyò 26:42

Ənɨ Yeso nyaʼa ghà əne, wɨ̀ nyaʼa yì wò kɔ̀ŋgɨ̀ ə Ŋwiə̀ ənɨ ɨghəm nɨ pe be ghà ni, “Mɨ Mbǎʼ, à mɨ yeʼ ni chəi ɨchî cherə nɨ tɨ̀ à ghɨ̀ ni ŋgəʼ zɔ̂ chè rɨ ɨgwɨ num, njɨ ghɨ ɨchî nɨ à kə̀bɨ.”

Ɨ̀fàʼì 18:21

Àyɨə ənɨ wɨ̀ nyaʼa sɨə wo ə, wɨ̀ nyaʼa kàʼ mɨ̀mə̌d ni, “Ŋwìə̀ mɨ benɨ, mə bɨrɨ wɨrɨ yeʼe əsɨ nən.” Ənɨ wɨ̀ nyaʼa ghà əne, wɨ̀ nyaʼa nyɨ əbaŋ ɨgyɨ̀ nɔʼ rɨ ə Efesùs.

Ɨ̀fàʼì 21:14

Ɨchî nɨ chəi ənɨ tɨ̀ rɨ̀ nyaʼa kwepɨ ənû ze nɨ nyaʼa ɨŋga fîŋ məd, tɨ̀ nyaʼa sàŋ, əne ghà ni, “Ə̀nùŋɨ̀sɨg ghɨ̀ ənû ze nɨ wɨ̀ kəbɨ.”

1 Pità 1:6

Əne mbə ghaʼrɨ əwən ɨmbə̀ʼ ənû zɔ̂ nɨ Ŋwìə̀ fə ghɨ̌, ka à be yeʼi ni tɨ̀nîn bə̂d mbɨə kɨrɨ kwaʼnɨ əwən ənɨ ɨnû nɔnɔʼ, mbə̀ mbɨə bə̀ kɨrɨ wo zə ŋgəʼ ənɨ ɨkə nyumə̀.

1 Pità 2:15

Ŋwìə̀ nyaʼa kə̀b yeʼ ni mbə̀ ghɨ ɨnû nɨ kuʼnɨ ɨmbə̀ʼ kubrɨ mɨchû ɨneŋ bə̂d mbe nɨə ghà ɨnû nɨ chəi mbɨ kyerɨ.

1 Pità 2:20

Njìm kɨə ye, nɨ à mɨ gu ənû, mbɨ som əwe, à nyìʼ ə? Àyɨə à mɨ ghɨ ənû nɨ kuʼnɨ, əne zə ŋgəʼ ɨmbə̀ʼ əzɨ əwən, Ŋwiə̀ bɨrɨ zɨ əbɔrəbɔd ɨgwɨ ne.

1 Pità 3:14

Àyɨə ka mbə bè yeʼə zəə ŋgəʼ ɨmbə̀ʼ ɨchî nɨ mbə̀ə ghɨ̀ ɨnû nɨ kuʼnɨ, Ŋwìə̀ bɨrɨ zɨ əbɔrəbɔd ɨgwɨ nən. Əne tɨ mbə̀ bɔ ə, kɨ̀ bè nwìʼ ə nyamnyod.

1 Pità 4:15

Wə̀d mɔʼɔ rəbɔʼ nən mɨ yeʼə zəə ŋgəʼ, tɨ wɨ̀ zə i ɨmbə̀ʼ ɨghəm nɨ wɨ̀ zwiirɨ wə̀d, kɨ̀ ɨmbə̀ʼ ɨghəm nɨ wɨ̀ jɨ̂, kɨ̀ ɨmbə̀ʼ ɨghəm nɨ wɨ̀ ghɨ ənû rɨbɔ̀ŋ, kɨ̀ ɨmbə̀ʼ ɨghəm nɨ wɨ̀ zɨ i ɨchû ɨŋga ɨnû bə̂d cherə.

1 Pità 4:19

Əne bə̂d mbe nɨə zəə ŋgəʼ ɨchî nɨ Ŋwiə̀ kəbɨ, chè ɨmbì ghɨ ɨnû nɨ kuʼnɨ. Mbɨ bə nàʼ ə ɨ̀tènɨ̀ əmbɨ Ŋwìə̀ we nɨ nyaʼa tekɨ mɨ̀mə̌d. Məd wɨə ghɨ̀ ɨnû jìm mbe nɨ wɨ̀ kaʼi.