1 Kɔrèn 5:7 - Meta’

⁷ Mbə̀ chɨ ɨfuʼ ənun we nɨə ghɨ̀ ni ŋgə̀ŋ kɔʼ, ɨmbə̀ʼ mbə̀ yeʼ ɨghabɨ ə ŋgə̀ŋ fi nɨ chəi ɨfuʼ we nɨə ghɨ̀ ni ŋgə̀ŋ kɔʼ ɨŋga. Mə kyerɨ ni mbə yɨə kaŋ əne, ɨmbə̀ʼ ɨghəm nɨ mbɨ nyaʼa nàʼ ə Kristo ənɨ əghɨ ə̀fà ɨgwɨ mba ɨnû rɨbɔ̀ŋ. Məd yɨ ɨghabɨ ə wan njɨ̀g we nɨ mɨ̀Jû nyaʼə kyem əni Əchwɨ̂ ə Che-ɨgun.

Ikan feg

⁷ Ikuchèg tibɔ̀ŋ we ya àfòrì anun. Mbə̀ chìye kwàʼ ajìm. Àze biri ghì gha mbə̀ zen mànì. Tesiʼ ya gha, mbə̰ ya bəd ne zḛ mànì icheg aburi ngə̀ŋ feg ne chəyi àfòrì inga. Mbə̰ ya bəd ne zḛ mànì imbə̀ʼ icheg ne Ŋwiye ya nàʼ Kristo ane aghi àfàtì imbə̀ʼ ìmba inug tibɔ̀ŋ. Kristo ya icheg ŋwan njə̀g we ne mə̀Ju mbe kyème ane Iteri Chègun.

1 Kɔrèn 5:7 Խաչաձեւ Հղումներ

Matìyò 13:33

Yeso nyaʼa ghà ənû ə mɨgɨ ə cherə əmbɨ mɨ̀mə̌d ni, “Ənû ɨfɔ̀n rɨkaŋ yɨ ɨghabɨ ɨfuʼ we nɨə ghɨ̀ ni ŋgə̀ŋ kɔʼ, nɨ əyi nyaʼa nɨŋ tɔpɨ mbɨ əburɨ ə ŋgə̀ŋ ɨŋga ɨkaŋ kyeŋ tad pè ənɨ ŋgə̀ŋ ze nyaʼa kɔʼɔ.”

Mk 14:12

À nyaʼa ɨgwɨ əni rɨtu ze nɨ mbɨ nyaʼə jɨgə ŋgə̀ŋ nɨ chəi mbɨ zɨ ɨfuʼ we nɨə ghɨ̀ ni ŋgə̀ŋ kɔʼ ɨŋga, ənɨ yɨ əni ze nɨ mbɨ nyaʼə kyemə wan njɨ̀g Əchwɨ̂ ə Che-ɨgun, mə̀mə̀ə̀nɨ̀-ɨnû Yeso nyaʼa ghà ɨ bɔ ni, “À kə̀b ni tɨ̀ wo tekɨ əsɨ ɨ ne ə yi nɨ à bɨrɨ jɨg Əchwɨ̂ ə Che-ɨgun ə?”

Jn 1:29

À nyaʼa əni ze nɨ beenɨ, Jɔ̌n we nɨ nyaʼə nàʼ mɨnib nyaʼa zə ə Yeso ənɨ nyaʼə yeʼe əsɨ məd. Əne wɨ̀ nyaʼa ghà ni, “Mbə̀ zə, wɔ̂ yɨə Wan njɨ̀g Ŋwìə̀. Məd wɨə ghɨ̀ ni Ŋwìə̀ waʼ ɨnû rɨbɔ̀ŋ bə̂d mbe rɨŋga ɨsɨg!

Jn 1:36

Wɨ̀ nyaʼa zə ə Yeso ənɨ wɨ̀ nyaʼə yèn i, əne wɨ̀ nyaʼa ghà ni, “Mbə̀ zə, wɔ̂ yɨə Wan njɨ̀g Ŋwìə̀!”

Jn 19:14

À nyaʼa ɨghabɨ əzi ə ka əni ze nɨ mbɨ nyaʼə tekɨ ɨnyod bɔŋ jɨg Əchwɨ̂ ə Che-ɨgun, Pailèt nyaʼa ghà əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni, “Mbə̀ zə, à yɨ ə ɨfɔ̀n wɔ̂!”

Rm 3:25

Ŋwiə̀ nyaʼa chà əməd ənɨ əghɨ ə̀fà ɨmbə̀ʼ ənəm əməd ə so mba ɨnû rɨbɔ̀ŋ ənjìm ɨchî nɨ tɨ̀ nuŋ fîŋ ɨgwɨ məd. Ŋwìə̀ nyaʼa chwi ənjìm ɨnyiʼ fîŋ ni tə wɨə ghɨ̀ ɨnû nɨ kuʼnɨ ɨchî nɨ chəi wɨ̀ nyaʼa chə bə̂d mbe nɨ nyaʼa be ghɨ̀ ɨnû rɨbɔ̀ŋ.

1 Kɔrèn 10:17

Chiŋ ŋgə̀ŋ mei mɔʼ, əne mbà mbe nɨ nɔʼɔ mbɨə jɨgə tɨ ənɨ ə chiŋ ŋgə̀ŋ ze mɔʼ. Əze ə chwi ni tɨ̀ yɨə nyamnyod mɔʼ.

1 Kɔrèn 5:13

À yɨə Ŋwìə̀ bɨrɨ saʼ bə̂d mbe nɨ chəi ɨŋga ɨfetɨ bə̂d Kristo. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mbə̀ fid ɨzɨg we nɨ yeʼ əkaʼ nən.”

Efesùs 4:22

Mbɨ nyaʼa chwi ɨ nən ni mbə̀ waʼ nyamnyod ənun, əne yɨ ɨnû ənun mbe nɨ mbə̀ nyaʼə ghɨ̀ə̀. Ɨnû ənun mbe yɨ tɨfeenɨ rɨbɔ̀ŋ te nɨ nyaʼə tambɨ əwən bə̀ chəkɨ əwən.

Ɨnû 5:12

Ɨ mbɨə nyaʼə kwerɨ ɨkyî ənɨ ə gɨ̂ kǎ kǎ ghàə̀ ni, “Wan njɨ̀g we nɨ mbɨ nyaʼa kyemɨ ə kùʼ ni mbɨ naʼ ɨka, naʼ mbɔ̂n, naʼ ɨwe, naʼ ɨwumnɨ bə̀ naʼ ɨzeŋɨ zeŋɨ ɨ bɔ. Wɨ̀ bə̀ kùʼ ni mbɨ zɨ əbɔrəbɔd ɨgwɨ məd!”