1 Kɔrèn 15:2 - Meta’

² Mbə bɨrɨ jwɨ̀ rəŋgəʼ ənjìm ɨkə̂n chɔ̀m wɔ̂ əwù ze nɨ mbə̀ yim ɨŋgam Ŋwiə̀ we nɨ mə̀ gha ɨ nən wɨ kàànɨ̀. Mbə mɨ ton ghɨ ə əne, njɨ ɨnû mbe nɨ mbə̀ benɨ yɨ ətu ə̀kǒ.

Ikan feg

² Mbə̰ biri pum anjìm ikən chɔm gho̰ àmə yaʼ ne mbə̀ nyimi Ìngam Ŋwiye we ne mə̀ ya gha inən kwàʼ icheg chɔm. Àmə chəyi ane, nji inug mbe ne mbə̀ nɔŋi ibḛfiŋ igun ya ati ako.

1 Kɔrèn 15:2 Խաչաձեւ Հղումներ

Lk 8:13

Ɨghɨ mbe nɨ nyaʼa feŋ ɨgun ɨwɔ̌ yɨə bə̂d mbe nɨ ənɨ mbɨ fə zu ɨŋgam we, mbɨ nɨŋ ənɨ ɨghaʼi. Àyɨə chəi wɨ nyɨ ɨŋga fîŋ tɨ mɨ̀mə̌d. Ɨ mbɨə ben ɨŋgam we ənɨ ɨkə nyùmə̀, àyɨə ənumbɨ ə mɨ yeʼe, mbɨ chɨ̀ tə fîŋ tɨ ənɨ ənû ze nɨ mbɨ benɨ.

Ɨ̀fàʼì 2:47

Ɨ mbɨə nyaʼə bə̀ yiirɨ ə Ŋwiə̀ ɨnɔ̂n. Bə̂d mɨjìm nyaʼa bə̀ ghaʼ mɨ̀mə̌d. Ə̀nùŋɨ̀sɨg wɨə nyaʼə yìə̀ bə̂d mbe nɨ nyaʼə jwɨ̀ rəŋgəʼ əbɔʼ ɨnun mɨ̀mə̌d ɨni jìm.

Ɨ̀fàʼì 8:13

Saimòn ziə nyaʼa ben ə Kristo. Ənɨ mbɨ nyaʼa fə naʼ mɨnib ɨ bɔ, wɨ̀ nyaʼa kɔ beenɨ əbɔʼ Filip. Wɨ̀ nyaʼa zə ɨnweenɨ-ɨnû mbɨ ɨnû yiirɨ kyeŋ mbe nɨ Filip nyaʼə ghɨ̀ə̀, mbɨ chè əməd.

Rm 1:16

Chəi mɨ ətu ə nìd ɨmbə̀ʼ ɨkə̂n chɔ̀m, ɨmbə̀ʼ ɨghəm nɨ ɨkə̂n chɔ̀m yɨ ɨka Ŋwiə̀ nɨə chɨ̀ə̀ wə̀d jìm we nɨ benɨ rəŋgəʼ. Wɨ̀ bɨrɨ be chɨ mɨ̀Jû, beenɨ chɨ̀ bə̂d mbe nɨ kaʼi mɨ̀Jû.

Rm 11:22

Mbə̀ zə ɨchî nɨ Ŋwìə̀ ə ghɨ̀ ɨ̀chɔ̀m bə̀ tɔə. Ɨ wɨə tɔ əmbɨ ə bə̂d mbe nɨə gù ənû, àyɨə ɨ wɨə ghɨ̀ ɨ̀chɔ̀m ənɨ ə nən, əne mbə̀ chub àmei ɨŋga ɨ̀chɔ̀m məd. Mbə mɨ ton ghɨ ə əne, wɨ̀ bɨrɨ bɨ sob əwən waʼ.

1 Kɔrèn 1:18

Ɨŋgam ɨmbə̀ʼ ɨchî nɨ Yeso nyaʼa kwɨ əzed ə baʼnɨ yɨ ənû əneŋ əmbɨ ə bə̂d mbe nɨə nimə, àyɨə əmbɨ mbà mbe nɨə jwɨ̀ rəŋgəʼ, ɨŋgam we ə chwi ɨchî nɨ Ŋwìə̀ berɨ ɨka.

1 Kɔrèn 1:21

Ŋwìə̀ nyaʼa nɨŋ i ɨwe ghɨ̀ ni tɨ bə̂d nɨŋ ə ɨwe bə̂d mɨ̀sɔŋɨchù kyerɨ əməd. Əne zɨə nyaʼa bɔ̀ŋ ɨ bɔ ni wɨ̀ chɨ bə̂d rəŋgəʼ ənjìm ɨchî nɨ mbɨ nyaʼa ben ənû əneŋ ze nɨ tɨ̀ nyaʼə ghàə̀.

1 Kɔrèn 11:2

Mə wɨə ben əwən ɨmbə̀ʼ ɨghəm nɨ mbə mbɨə kɔndɨ əmɨ ənɨ ɨnû jìm. Mə wɨə bə̀ ben əwən ni mbə mbɨə ghɨ̀ àmei ɨchî nɨ mə̀ nyaʼa chwi ɨ nən.

1 Kɔrèn 15:14

À mɨ bə̀ yeʼ nɨ chəi Ŋwìə̀ nyaʼa zwemnɨ ə Kristo, njɨ ɨŋgam Ŋwiə̀ we nɨ tɨə ghàə̀ yɨ ətu ə̀kǒ. Ə ɨbenɨ yɨə bə̀ ətu ə̀kǒ.

2 Kɔrèn 2:15

Tɨ̀ yɨ ɨghabɨ əghɨ ze nɨə nyùʼrɨ ɨfɔ chɔ̀m nɨ Kristo ə nàʼ əmbɨ ə Ŋwiə̀. Tɨ̀ wɨə nyùʼrɨ ɨfɔ chɔ̀m əkaʼ bə̂d mbe nɨ Ŋwìə̀ ə chɨ̀ rəŋgəʼ bə̀ fɔrɨ əkaʼ mbe nɨə nimə.

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

Gàlesìyà 3:4

Ɨnû nɔnɔʼ mbe nɨ nyaʼa ghɨ̌ ənɨ ə nən wa nyaʼa ətu ə̀kǒ ə? Chə̂, ka à yɨə nyaʼa i ətu ə̀kǒ.

Efesùs 2:8

Ɨchî nɨ mbə̀ benɨ, Ŋwìə̀ fə ghɨ̀ ɨ̀chɔ̀m ənɨ nən chɨ̀ əwən rəŋgəʼ. Kaʼi mbə̀nə ghɨ ənû zɔ̂. À yɨ ɨneʼe nɨ nɔʼ rɨ əmbɨ ə Ŋwiə̀.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

2 Tès 2:15

Əne kyɨə bɔŋgɔb, mbə̀ təm kàànɨ̀, yim ɨnû mbe nɨ tɨ̀ nyaʼa chwi ɨ nən kɨ̀ à kɨ ənɨ mɨŋgam mbe nɨ tɨ̀ nyaʼə ghàə̀ kɨ̀ ɨŋga ə̀ŋwàʼnɨ̀ ze nɨ tɨ̀ ŋwaʼnɨ ɨ nən.

2 Timotì 1:9

Ŋwìə̀ nyaʼa chɨ əwa rəŋgəʼ, əne tɔŋ əwa ni tɨ̀ yeʼ mbi bə̂d ɨmbə̀ʼ chub ɨzeŋɨ zeŋɨ. Chəi tɨ̀ nyaʼa ghɨ ənû ə mɔʼɔ bɔŋ wɨ̀ nyaʼa sɨə tɔŋ əwa. Wɨ̀ nyaʼa tɔŋ əwa ɨmbə̀ʼ ɨghəm nɨ wɨ̀ nyaʼa fə nuŋ əne. Wɨ̀ nyaʼa bə̀ tɔŋ ɨmbə̀ʼ ɨ̀chɔ̀m məd we nɨ wɨ̀ nyaʼa fə ghɨ ənɨ ə na rəŋwe rəŋwe ənjìm ə Kristo Yeso.

Mə̀Hibrù 10:23

Tɨ̀ jeŋgɨ yim ɨnû mbe nɨ tɨ̀ benɨ bə̀ nùŋ ɨkɔndɨ wòm, ɨmbə̀ʼ ɨghəm nɨ Ŋwìə̀ bɨrɨ ghɨ ɨnû mbe nɨ wɨ̀ kaʼi.

Mə̀Hibrù 2:1

Tɨ̀ jeŋgɨ zɨ̀ ətu ənɨ ɨnû mbe nɨ tɨ̀ fə zu, ɨmbə̀ʼ tɨ rɨ̀ saŋ a ɨnû mbe sɨə beenɨ yeʼ əbɔʼ ɨnû cherə.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

Jems 2:14

Mbɨ bɔŋgɔb, njìm nɨ wə̀d bɨrɨ jɨg kɨə yè, əwù ze nɨ wɨ̀ gha ni tə ben ə? Tɨ̀ ɨbenɨ we chɨ̀ əməd rəŋgəʼ ə?

Jems 2:17

Əne ɨbenɨ tə̀zìʼ wi nɨ chəi ɨnû chɔ̀m mbe nɨ wə̀d ə ghɨ̀ə̀ əbɔʼ yɨ ətu ə̀kǒ.

Jems 2:26

Ɨchî nɨ nyamnyod nɨ chəi əzwî yɨ ətu ə̀kǒ, əne bə̂, ɨbenɨ nɨ chəi ɨnû chɔ̀m mbe nɨ wə̀d ə ghɨ̀ə̀ yɨ ətu ə̀kǒ.