Matìyò 5:8 - Ikan feg

⁸ Ŋwiye zì àbɔrɔ̀bɔd igun bəd mbe ne ìtɔb fìŋ zḛ, imbə̀ʼ icheg ne mbɔb biri bàd aməd.

Meta’

⁸ Ŋwìə̀ zɨ əbɔrəbɔd ɨgun ə bə̂d mbe nɨ fîŋ tɨ mɨ̀mə̌d zeŋɨ, ɨmbə̀ʼ ɨghəm nɨ mbɨ bɨrɨ zə əməd.

Matìyò 5:8 Խաչաձեւ Հղումներ

Ɨ̀fàʼì 15:9

Chəyi wì ghi gha icha yaʼ igun ina tì inɔb. À ya imbə̀ʼ icheg ne mbi bḛ Yeso ne wì sò ìtɔb fìŋ.

1 Kɔrèn 13:12

Amad anìŋ, tì we bàrà inug mbi ndwìʼrè. Anyumə̀ ne Kristo biri ywiri yeʼe, tì biri bàd Ŋwiye kwàʼ icheg chɔm. Amad anìŋ, mə kyèri məyi inug mɔ̀ʼɔ imbə̀ʼ Ŋwiye. Si ya gha, nyùmə̀ we yèʼe ne Yeso Kristo biri bə̀ndì yeʼe. Anyumə̀ we, mə biri taŋ kyeri Ŋwiye kwàʼ icheg ne Ŋwiye kyèri amə.

2 Kɔrèn 7:1

Ìmbum mə̀sə̀ʼ ne mə̀ taŋ kɔ̀ŋ, icheg ne Ŋwiye kàʼi ni fàʼ inug mbo̰ ina, tè chiye ìwa nyɔd fɔrɔ àza azwighi ane inug ijìm mbe ne ghìyə̀ ghà wə̀d ghiyə inug tibɔ̀ŋ se fàʼà inug ijìm inga ìzḛzḛ bə̀ bɔ Ŋwiye.

Tayitùs 1:15

Inug ijìm ya zḛ abə bəd mbe ne ìtɔb fìŋ zḛ. Àsi bəd mbe ne chəyi ìtɔb fìŋ zḛ, chəyi inug mbe zḛ inɔb. Chəyi fìŋ ze zḛ abə wə̀d ne chəyi wì nɔŋi ibḛfiŋ igun Kristo. Tesiʼ ya gha, ìtɔb tikɔndi fɔrɔ ìtɔb fìŋ fə bə mànì.

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

Mə̀Hibrù 9:14

Ane ya gha, anəm Kristo ze ne Azwighi Ŋwiye ze ne yaʼi ane ighə̀m imɔʼ, ze ya ghi wì tutì ni sò ìmba inug tibɔ̀ŋ ne chəyi məd ya gùghi anug, ze bèrì ika ni chì awa inga inug mbe ne ghìyə̀ iwu yèʼe igun ina. Ze bə̀ bèrì ika ni ghì gha tì ya fàʼà abə Ŋwiye we ne yaʼi izɔm.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

Jems 4:8

Mbə̀ tindi iban Ŋwiye, wì biri tindi iban inən. Mbə̰ mbe ne ghìyə̀ inug tibɔ̀ŋ, mbə̀ so ìmbən ibo! Mbə̰ mbe ne beri fìŋ ibe ibe, mbə̀ so ìtən fìŋ!

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

Ɨnû 22:4

Mbɔb biri bàd ìfe Ŋwiye. Mbi biri bə ŋwàʼrì ikum Ŋwiye igun ìmbɔb ikəŋi isi.