Matìyò 4:3 - Ikan feg

³ Debrə̀ ya ghò ibo pè ghà ibo gha, “Àghò mə yaʼ Ŋwan Ŋwiye, ghàma abə iteg gho̰ we bəŋə ane ngə̀ŋ.”

Meta’

³ Əne Debɨ̀rə̀ we nyaʼa wò ghà ɨ bɔ ni, “Àwɔ̀ mɨ kàŋ yeʼ Wan Ŋwìə̀, ghà əti zɔ̂ ə beŋ ənɨ ə ŋgə̀ŋ.”

Matìyò 4:3 Խաչաձեւ Հղումներ

Matìyò 14:33

Bəd mbe ne ya yaʼi inga abaŋ igyi ze ya ko se ghùmnə Yeso gha, “Kwàʼ tesiʼ, àghò ya kwàʼ Ŋwan Ŋwiye.”

Matìyò 16:16

Sayimùn Pità ya ywìtì gha, “Àghò ya Wə̀d we ne Ŋwiye zɔ̀ʼi, Ŋwan ìwi Ŋwiye we ne yaʼi izɔm.”

Matìyò 26:63

Yeso ya chim yi tizi. Ane, atog wə̀d igun bəd mbàn Ŋwiye we ya ghà ibo gha, “Gha àze anug tesiʼ ane ikum Ŋwiye we ne yaʼi izɔm, àghò kə Wə̀d we ne Ŋwiye zɔ̀ʼi, ne yaʼi Ŋwan Ŋwiye?”

Matìyò 3:17

Gì mɔ̀ʼɔ ya si ghàm ikaŋ àbɔ̀ŋɔ gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd.”

Mk 1:1

Icheg ne ikən chɔm imbə̀ʼ Yeso Kristo we ne ya Ŋwan Ŋwiye ya ko angu.

Mk 3:11

Anyumə̀ ne bəd mbe ne izwighi tibɔ̀ŋ ya yaʼi inga inɔb yaya bàrà aməd, mbi ya gùghə̀ aseg ibo imbìghè, kyḛ ane gì ka ka gha, “Àghò ya Ŋwan Ŋwiye!”

Mk 5:7

kyen ane gì ka ka gha, “Yeso Ŋwan Ŋwiyekɔʼ, àghò kə̀ beri anug ye ni ghì tì inum? Mə boʼ ibo ine ane ikum Ŋwiye gha imbə̀ʼ àghò chə awe aghum!”

Lk 1:35

Angirə̀ ya ywìtì ibo gha, “Azwighi Ŋwiye biri yeʼe igun ine. Ika Ŋwiyekɔʼ biri bə kəndi awe. Ane, bəd biri se kàrà ŋwan ìzḛzḛ gho̰ ne àghò biri gwi, ane Ŋwan Ŋwiye.

Lk 22:70

Mbɔb məjìm ya biri ibo gha, “Ane ya gha àghò ya Ŋwan Ŋwiye?” Wì ya ywìtì inɔb gha, “Mbə̀ fə ghà àzən aghi gha mə̀ ya ìwi awən.”

Lk 4:3

Debrə̀ ya ghà ibo gha, “Àghò mə yaʼ Ŋwan Ŋwiye, ghàma abə iteg gho̰ we bəŋə ane ngə̀ŋ.”

Lk 4:41

Izwighi tibɔ̀ŋ ya dù inga bəd nɔʼ nɔʼ se kyen gha, “Àghò ya Ŋwan Ŋwiye!” Wì ya kyen awɔb. Chəyi wì ya nàʼ apan inɔb ni ghàm imbə̀ʼ icheg ne mbɔb ya kyeri gha məd ya Wə̀d we ne Ŋwiye zɔ̀ʼi.

Lk 4:9

Debrə̀ ya ywìrì niŋ aməd ghò a Jèrusalèm pè kɔʼ ghò igun idɔm mbàn Ŋwiye, ghà ibo gha, “Àghò mə yaʼ Ŋwan Ŋwiye, təm aŋa nəg aseg,

Jn 1:34

Mə fə bàd. Mə ya anìŋ fə bə̀ ghà inən gha, Aŋa ya kwàʼ Ŋwan Ŋwiye.”

Jn 1:49

Nàtanìyè ya kyen gha, “Àchwitìnùg! Àghò ya Ŋwan Ŋwiye! Àghò ya ifɔn mə̀Izre!”

Jn 20:31

Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.

Jn 9:35

Yeso ya zug gha, mbe kàmni wə̀d we chì inga ichamì Ŋwiye, wì ghò kə̀b aməd, bàd. Wì ya bàd aməd ane, ghà ibo gha, “Àghò zì ìwe ibḛfiŋ igun Ŋwan Wə̀d?”

Ɨ̀fàʼì 9:20

Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

2 Kɔrèn 1:19

À ya ane ne Yeso Kristo bə yaʼ. Məd ya Ŋwan Ŋwiye we ne mo tì Sìvanòs fɔrɔ Timotì ya ghàmi inən imbə̀ʼ aməd. Chəyi məd we gha “E” ywìrì nɔ̀ʼ gha “Indèʼ.” Məd ya fàʼà inug ijìm ne Ŋwiye kàʼi.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

1 Tèsàlonikà 3:5

À ya aton ne mə̀ ya cha Timotì gha wì yeʼe nwendi icheg ne ìwən ibḛfiŋ igun Yeso yaʼi. Chəyi tì mə ya ywìrì nyìʼ. Mə yaya bɔ gha imbə̀ʼ wə̀d we ne kwàʼrà bəd nɔ̀ʼ kwàʼrì awən ghì àza àfàʼì inən ze chè ako.

Mə̀Hibrù 12:16

Imbə̀ʼ wə̀d mɔ̀ʼɔ abɔ̀ʼ inən ya nɔ̀kɔ̀ yi mbaŋà kə̀ mə̀yi abu abu. Imbə̀ʼ wə̀d mɔ̀ʼɔ bə yaʼ yi icheg Esawò ne chəyi wì ya kyeri Ŋwiye. Esawò yaya ghìyə̀ inug ne chəyi mbi koʼi imbìghè abə Ŋwiye. Chəyi wì yaya bə̀ bɔ Ŋwiye. Wì ya fèn àzi ati ŋwan mbèg ane akaŋ ighijəg.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

Mə̀Hibrù 7:3

Chəyi Mèkisedèg gho̰ ya bèri ngɔb kə̀ mbaʼ kə̀ mə̀mbaʼ kyen. Chəyi aneni mɔ̀ʼɔ ne chwìye gha mbi ya gwi aməd kə̀ wì ya ku. Məd ya yaʼ wə̀d mbàn Ŋwiye ane ighə̀m imɔʼ kwàʼ icheg ne Ŋwan Ŋwiye bə̀ yaʼ.

1 Jɔn 3:8

Wə̀d ne ghìyə̀ inug tibɔ̀ŋ ya wə̀d Debrə̀ imbə̀ʼ icheg ne Debrə̀ ya ko se ghìyə̀ inug tibɔ̀ŋ kwàʼ ane nyumə̀ ne Ŋwiye ya tangi isəg. Aton ne Ŋwan Ŋwiye ya yeʼe inga isəg ya ni chìkì àfàʼì Debrə̀.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.