Matìyò 10:1 - Ikan feg

¹ Yeso ya tɔŋi ìmbi mə̀mə̀nənùg mbe ìghum chɔ̀b ibe, nàʼ ika inɔb gha mbe kamni izwighi tibɔ̀ŋ chì inga bəd, bə̀ ghù aku aghɔn ajìm.

Meta’

¹ Yeso nyaʼa tɔŋ mbi mə̀mə̀ə̀nɨ̀-ɨnû mbe wum chɔ̀b rɨ̀be əsɨ ni, əne nàʼ ɨka əmbɨ mɨ̀mə̌d ni mbɨ chɨ ɨzwî rɨbɔ̀ŋ, vɨ̀ ɨwɔn jìm bə̀ vɨ̀ ɨnɔʼɔ jìm.

Matìyò 10:1 Խաչաձեւ Հղումներ

Lk 10:19

Mbə̀ zug! Mə fə nàʼ ika inən ni yèn igun jo fɔrɔ igun mbi tìkafoʼ. Mə bə̀ nàʼ ika inən ni chè tika wə̀d ìpàb tijìm. Chəyi aghi mɔ̀ʼɔ biri ghì awən ka.

Lk 24:49

Mə biri nàʼ Azwighi Ŋwiye ze ne ìmə Mbaʼ ya kàʼi gha zìye biri nàʼ inən. Si ya gha, mbə̀ chughi a Jèrusalèm aŋa ghɔ̀m, pè ane nyùmə̀ ne Azwighi Ŋwiye yeʼe ikaŋ àbɔ̀ŋɔ igun inən si nàʼ ika inən.”

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

Jn 3:27

Jɔn ya ywìtì inɔb gha, “Chəyi wə̀d ya bèrè aghi mɔ̀ʼɔ kirənde à ya Ŋwiye nàʼi ibo.

Lk 6:13

Anyumə̀ ne ituʼ ya chəghi, wì ya kàrì ìmbi mə̀mə̀nənùg, ghò inga inɔb chɔʼ bəd ìghum chɔ̀b ibe kàrì awɔb ane bədtɔm.

Lk 21:15

Imbə̀ʼ mbə̰ nwìʼè awən nyɔd ane imbə̀ʼ icheg ne mə̀ biri nàʼ iwe fɔrɔ ìngam inən ne chəyi tì ìwən wə̀d ìpàb mɔ̀ʼɔ chè awən.

Ɨ̀fàʼì 19:15

Aneg mɔ̀ʼɔ, azwighi tibɔ̀ŋ ya ghà inɔb gha, “Mə kyèri Yeso bə̀ kyèri Pɔl. Àsi awən, mbə̰ kə mə̀we?”

Jn 17:2

Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Jn 6:70

Yeso ya ywìtì gha, “Imbə̀ʼ à ya mo chɔʼi awən, mbə̰ mbo̰ ìghum chɔ̀b ibe? Si ya gha, wə̀d ifibì abɔ̀ʼ inən ya Debrə̀!”

Jn 3:35

Mbaʼ kɔ̀ŋ ìwi Ŋwan. Ane, wì fə sàŋì inug ijìm ibo ikye ibo.

Ɨnû 12:1

Iyeti inug ne che ibo ya dù ikaŋ àbɔ̀ŋɔ. Àyi mɔ̀ʼɔ ya yaʼ angu ne ya zi nyùmə̀ ane ìzi ndwi. Wì ya nɔ̀ŋì ìmbi ighog igun iməg bə̀ zì aghi atog ifɔn ne beri titəm iməg ìghum chɔ̀b ibe.

Matìyò 26:47

Icheg ne Yeso yaya kiri ghamà, Judàs we ne ya yaʼi wə̀d mɔ̀ʼɔ abɔ̀ʼ mə̀mə̀nənùg məd mbe ìghum chɔ̀b ibe ya pè. Inɔ̰ bəd yaya yḛ̀ abɔ̀ʼ Judàs tì tibeg ibid fɔrɔ mboʼ. À ya itog bəd mbàn Ŋwiye fɔrɔ itog bəd inga aben ya cha awɔb.

Matìyò 26:20

Àsi ikwikwiri we, Yeso ya chughi aseg ni jəg tì ìmbi mə̀mə̀nənùg mbe ìghum chɔ̀b ibe.

Matìyò 19:28

Yeso ya ghà inɔb gha, “Mə ghà tesiʼ inən, anyumə̀ ne Ŋwiye biri bə̀ŋì ighi ijìm ane mbi feg, Ŋwan Wə̀d biri chùghi igun atən ifɔn ìzḛzḛ məd. Mbə̰ mbo̰ ìghum chɔ̀b ibe ne beni abɔ̀ʼ inum biri si chùghi igun itən ifɔn se sàʼa tinəbi Izre te ìghum chɔ̀b ibe.

Matìyò 6:13

Imbə̀ʼ àghò saŋa awe gha àkwàʼrì nyi igun ina. Chìye awa ikye abo abə Wə̀d Tibɔ̀ŋ.›

Matìyò 4:23

Yeso yaya yḛ̀ mà isiŋi ijìm inga Galìli. Wì yaya nè chwìte inug inga ìmbɔb məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya ghùyə̀ aku aghɔn ajìm ne yaʼi igun bəd.

Matìyò 9:35

Yeso yaya ghò inga iben ijìm, mbi kwa kwa tì mbi kyen kyen. Wì yaya yḛ̀ nè chwìte inug inga məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya bə̀ yḛ̀ nè ghùyə̀ aku aghɔn ajìm ne bəd yaya ghɔ̰̀.

Matìyò 9:38

Mbə̀ chaʼra Ŋwiye gha Wə̀d ne beri mben wè cha bəd àfàʼì inga ìzi mben, mbe niŋ ighi məd.”