Mə̀Hibrù 2:16 - Ikan feg

¹⁶ Ze dù zen gha kayi mbè angirə̀ ne məd we wètè. Wì ya wètè yaʼ bɔn ne du inga aghaŋ inəbi àzi Abràham.

Meta’

¹⁶ Zɨə zeŋ ni kaʼi mbɨ̀aŋgɨrə̀ nɨ wɨə wèèrɨ̀ə̀. Ɨ wɨə wèèrɨ̀ə̀ yeʼ bɔn tɨ ənɨ əghaŋ ə Abràham.

Mə̀Hibrù 2:16 Խաչաձեւ Հղումներ

Rm 2:25

Ze chwi gha, anug ne ŋwed wə̀d bèrì ighumni anyumə̀ ne mbə̰ mbe nɔ̀ŋɔ̀ mə̀nɔ̀ʼɔ̀ Muse. Àmə yaʼ ne mbə̰ mbe gùghə̀ mə̀nɔ̀ʼɔ̀ Muse, ane ya gha, anug ne ŋwed wə̀d ya ati ako.

Gàlesìyà 3:16

Anug ze ne Ŋwiye ya ghum kàʼ ya abə Abràham tì ŋwan ne biri ghum yaʼ ane aghaŋ inəbi məd. Chəyi Ìngam Ŋwiye gha à ya abə bɔn ane aghaŋ inəbi məd. Anug ze ya kayi abə bɔn nɔʼ nɔʼ. Ane ya gha, à ya abə wə̀d imɔʼ. Wə̀d we ya Kristo.

Gàlesìyà 3:29

Icheg ne mbə̀ yaʼi ane anug amɔʼ tì Kristo, ane ya gha, mbə̰ ya inəbi ìwi Abràham. Ane, ineʼi we ne Ŋwiye ya kàʼi ni nàʼ abə aghaŋ inəbi Abràham ya bə̀ ìwən.

Mə̀Hibrù 12:10

Ìmba mə̀mbaʼ igun isəg ya chə awa ane icheg ne koʼi inɔb. Mbi ya chə awa ane iki nyumə̀. Àsi Ŋwiye, wì ya chə awa ni wètì awa gha tè təm zen icheg məd.

Mə̀Hibrù 2:15

Ane, wì biri pumni bəd mbe ne yaya chùghə icheg məfeg anjìm icheg ne mbi yaya bɔ iwu.

Mə̀Hibrù 2:17

À ya aton ne wì ya kòʼi ni yaʼ icheg məfi fɔrɔ njàbi məd ane inug ijìm, ni gha wì biri yaʼ atog wə̀d igun bəd mbàn Ŋwiye ne fàʼà abə Ŋwiye ane ìzi fìŋ ijìm, bə̀ bèrè àsɔ̀mnəfiŋ igun bəd, si nàʼ ìwi nyɔd ane aghi àfàtì ni ghì gha Ŋwiye waʼ inug tibɔ̀ŋ bəd.

Mə̀Hibrù 6:16

Bəd ya zɔ̀mɔ̀ nyɔd ane ikum wə̀d ne chè awɔb. Mbi ya mə̀ zɔ̀m ane, chəyi mbe ywìrè tàŋà anug ze.

1 Pità 1:20

Ŋwiye ya fə chɔʼ Yeso Kristo bɔŋ se tànga isəg, si ya gha, à ya məyi inga ineg mbo̰ ne si nwìyḛ̀ ne Ŋwiye ghi gha bəd kyeri aməd. Wì ya ghì ane ni wètì awən.