Lk 12:5 - Ikan feg

⁵ Mə biri chwi wə̀d ne mbe koʼi ni bɔ. Mbə̀ bɔ Ŋwiye imbə̀ʼ icheg ne, məd we tì wì zwèti wə̀d bə̀ kiri bèrì ika ni màʼ tengàŋ inga asiŋi ichə. E! À ya Ŋwiye ne mbə̀ koʼi ni bɔ.

Meta’

⁵ Àyɨə mə bɨrɨ patɨ əwən ɨmbə̀ʼ wə̀d we nɨ tɨ̀ mbə bɔ. Mbə̀ bɔ yeʼ Ŋwiə̀, ɨmbə̀ʼ ɨghəm nɨ ənɨ wɨ̀ zwiirɨ bə̂d, wɨ̀ kɨrɨ berɨ ɨka nɨ maʼ mɨ̀mə̌d ɨŋga əsɨ ɨchə. Ee, mə ghà ɨ nən ni mbə̀ bɔ əməd!

Lk 12:5 Խաչաձեւ Հղումներ

Matìyò 10:28

Imbə̀ʼ mbə̰ bɔ awən bəd mbe ne zwète nyàmnyɔd ne chəyi tì mbi zweti azwighi. Mbə̀ bɔ yaʼ Məd we ne tì wì nìmni nyàmnyɔd bə̀ nìmni azwighi inga asiŋi ichə.

Matìyò 25:41

Wì biri ghà abə bəd mbe ne yaʼi ibo aba abo təŋ gha, ‹Mbə̰ ya bəd ndɔ̀n! Mbə̀ nɔʼɔ iban inum ghò nyi inga iywid ighə̀m imɔʼ, ne ìmə Mbaʼ ya fə tangi nɔ̀ŋì abə Debrə̀ tì mbè angirə̀ məd.

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Matìyò 5:22

Anug ne mə ghà inən amad anìŋ ya gha: Wə̀d mɔ̀ʼɔ mə̀ gaŋ tì ìwi ifi, mbi biri saʼ aməd. Wə̀d mɔ̀ʼɔ mə̀ zɔ̀mbì ìwi ifi, itog bəd ne sàʼa aben biri saʼ aməd. Wə̀d mə ghà abə ìwi ifi gha, ‹Àghò ya anen!› Wə̀d we ne gha ane kyeri gha mbi biri màʼ aməd inga iywid nɔʼ mèg, ne ya asiŋi ichə.

Mk 13:23

Ane, mbə̀ we awən. Mə fə ghà inug ijìm inən bɔŋ nyùmə̀ we se kòʼò.”

1 Tèsàlonikà 4:6

Ane anug azo̰, imbə̀ʼ wə̀d mɔ̀ʼɔ abɔ̀ʼ inən ghiyə yi anug tibɔ̀ŋ abə ìwi ifi kə̀ nyə̀ʼ aməd. Anɔŋisəg biri chə bəd mbe ne ghìyə̀ tiku inug tibɔ̀ŋ ìto̰ tijìm kwàʼ icheg ne tì ya fə gha inən bə̀ pàti awən.

Mə̀Hibrù 10:31

Anug ne wə̀d ijìm beri ni taŋ bɔ ya gha imbə̀ʼ wì nɔʼ nyi ikye abo abə Ŋwiye we ne yaʼi izɔm.

2 Pità 2:4

Chəyi Ŋwiye ya waʼi inug tibɔ̀ŋ ìmbi mbè angirə̀ anyumə̀ ne mbi ya ghi tìzughə ibo. Wì ya kɔd awɔb màʼ inga asiŋi ichə ne fḭ̀yḛ kyìm gha mbe chughi se ghɔ̀mɔ̀ aneg ze ne Ŋwiye biri saʼ isəg.

Ɨnû 14:7

Wì ya ghà ane gì ka ka gha, “Mbə̀ bɔ Ŋwiye bə̀ nàʼ ighumni ibo imbə̀ʼ icheg ne nyùmə̀ we ne məd biri saʼ bəd fə kòʼ. Mbə̀ ghumni aməd we ne ya tangi ikaŋ àbɔ̀ŋɔ, tàngi ìseg, tàngi igyi tìbà bə̀ tàngi ìdùrì!”

Ɨnû 15:4

O Anɔŋisəg! Àkə we ne chəyi wì biri bɔ awe? Àkə we ne chəyi wì biri ghumni awe? À ya məyi àghò tèzìʼì ne zḛ. Bəd inga iben ijìm biri yeʼe se ghùmnə awe ine imbìghè imbə̀ʼ icheg ne àghò fə ghì wə̀d ijìm bàd ìmbe ìfàʼì ne təm kòʼ.”

Ɨnû 20:14

Ane, mbi ya màʼ iwu fɔrɔ aben iwu bəd inga atəŋ iywid kyen. Atəŋ iywid kyen ze ya iwu we ne pè ane ibe.