Jn 13:8 - Ikan feg

⁸ Pità ya ywìtì gha, “Indèʼ, chəyi àghò biri nɔ̀ʼ sò ìmbum ighog ka.” Yeso ya ywìtì ibo gha, “Àmə chəyi mə̀ so ìmbe ighog, kyeri gha, chəyi àghò biri ywiri yaʼ ane anug amɔʼ tì inum.”

Meta’

⁸ Pità nyaʼa ghà ɨ bɔ ni, “Chəi à bɨrɨ nɔ so mbɨ ɨwu!” Yeso nyaʼa wììrɨ̀ ɨ bɔ ni, “À mɨ yeʼ nɨ chəi mə̀ so mbe ɨwu, njɨ kyerɨ ni chəi à berɨ ənû ə mɔʼɔ nɨ ghɨ mbɨ num.”

Jn 13:8 Խաչաձեւ Հղումներ

Matìyò 16:22

Pità ya niŋ aməd ghò iban ko kyḛ aməd gha, “Anɔŋisəg, Indèʼ ka! Imbə̀ʼ iku anug gho̰ nɔ̀ʼ zə̰ yi awe!”

Matìyò 21:29

Wì ya ywìtì gha, ‹Chəyi mə̀ biri ghò›. Si ya gha, amad ya sà, wì bəŋi ìzi fìŋ ghò fàʼ.

Matìyò 26:33

Pità ya ywìtì abə Yeso gha, “Ka mə̀mə̀nənùg mbo̰ məjìm nòrò awɔb sàŋì awe, chəyi mə̀ biri nɔʼ ghì ane.”

Matìyò 26:35

Pità ya ywìtì gha, “Ka ze bì chwi gha mbi biri zweti awe, bə̀ zweti amə, chəyi mə̀ biri nɔ̀ʼ to̰ awe.” Mbin tì mə̀mə̀nənùg məjìm ya bə̀ ghà məyi ane.

Jn 13:6

Icheg ne wì yaya sò ìmbɔb ighog ane, wì ya pè igun Sayimùn Pità, Sayimùn Pità ghà ibo gha, “Anɔŋisəg, àghò kə anìŋ jiʼè kə̀bə̀ ni sò ìmbum ighog?”

Jn 13:9

Sayimùn ya si ywìtì gha, “Anɔŋisəg, àmə yaʼ ane, imbə̀ʼ àghò so awe məyi ìmbum ighog. Àghò bə̀ sò ìmbum ibo fɔrɔ àmə atog!”

Jn 3:5

Yeso ya ywìtì ibo gha, “Mə ghà kwàʼ tesiʼ ine gha, Chəyi wə̀d ne tì wì nyi inga anug ìfɔ̀n Ŋwiye, kirəndə mbi gwi aməd ane mənib fɔrɔ ane Azwighi Ŋwiye.

Ɨ̀fàʼì 22:16

Ane, àghò kə amad anìŋ ghɔ̀mɔ̀ aghə? Nɔ̀ʼɔ titighe, niŋ mənib, dèg abə Anɔŋisəg wì so ìmbe inug tibɔ̀ŋ.›

1 Kɔrèn 6:11

Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

Efesùs 5:26

Wì ya ghì ane ni sò awɔb gha mbe zen, bə̀ sò awɔb ane Ìngam Ŋwiye icheg ne mbe sò wə̀d ane mənib.

Kòlosè 2:18

Imbə̀ʼ mbə̰ saŋa awən gha bəd mɔ̀ʼɔ ya kɔ̀mɔ̀ igo inən imbə̀ʼ icheg ne mbɔb mbe gha Ŋwiye we ghàmà inɔb inga inati njə̀m. Tiku bəd te ya kə̀bə̀ gha bəd mənyìʼ swi nyɔd aseg bə̀ ghùmni mbè angirə̀. Mbɔb ya ghìyə̀ ane ni chwi inən gha chəyi mbə̀ koʼi ni bèrì ineʼi we ne Ŋwiye nɔŋi inən icheg ne mbə̀ yaʼi ane anug amɔʼ tì Kristo. Imbə̀ʼ mbə̰ bḛ awən. Mbɔb ya nɔ̀ nyɔd ati ako, ghàmà yaʼ inug ne tikɔndi wə̀d te chwìte.

Kòlosè 2:23

Tiku mə̀nɔ̀ʼɔ̀ te fug inug ne beri iwe icheg ne mbe chwìte inug ne wə̀d mənyìʼ ghì ni chwi gha məd we ghùmnə Ŋwiye. Mə̀nɔ̀ʼɔ̀ mbe ya imbə̀ʼ inug icheg: anug ni swi nyɔd aseg tì anug ne bəd mbe chə ìtɔb nyàmnyɔd ni ghumni Ŋwiye. Si ya gha, chəyi mə̀nɔ̀ʼɔ̀ mbe beri ika ni ghì gha imbə̀ʼ wə̀d si ywiri ghiyə yi inug tibɔ̀ŋ mbe ne nyàmnyɔd məd ze ghə̀ʼrə̀.

Tayitùs 3:5

chì awa inga ngəʼ. Wì ya chì awa inga ngəʼ imbə̀ʼ icheg ne wì beri àsɔ̀mnəfiŋ igun ina, kayi imbə̀ʼ inug chɔm ne tì ya ghi. Wì ya pumni awa icheg ne Azwighi Ŋwiye ya sò awa tì zen bə̀ bə̀ŋì awa tì si yaʼ icheg bɔn bɔd. Azwighi Ŋwiye ya bə̀ nàʼ ìtḛ̀ feg ina.

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

Ɨnû 7:14

Mə ya ywìtì ibo gha, “Masà, Chəyi mə̀ kyeri. À ya àghò kyèri.” Wì ya ghà inum gha, “Aŋa ya bəd mbe ne fə che inga ngəʼ ze ne chè abo, si ya gha, chəyi mbi ku. Mbi fə sò ìtɔb ndwi maʼi inga anəm ze Ŋwan njə̀g ti se fùyə.