Ɨnû 18:6 - Ikan feg

⁶ Mbə̀ ghiyə ibo kwàʼ icheg ne wì ya ghi abə bəd ndəŋ. Inug mbe ne wì ya ghi inən, mbə̀ ywite ibo achug abe. Mbə̀ nyamba mənoʼ ka ka aghəm abe nàʼ ibo. Mbə̀ naʼa məyi inga toʼ ze ne wì ya bə nàʼ inən.

Meta’

⁶ Mbə̀ ghɨ ənɨ məd ɨchî nɨ wɨ̀ nyaʼa ghɨ̌ ənɨ bə̂d cherə. Ɨnû mbe nɨ wɨ̀ nyaʼa ghɨ̌ ənɨ ə nən, mbə̀ wi ɨ bɔ ɨghəm be. Mbə̀ nyam mɨnoʼ mbɨ ka ɨghəm be nàʼ ɨ bɔ. Mbə̀ naʼ àmei ɨŋga toʼ ze nɨ wɨ̀ nyaʼa bə̀ nàʼ ɨ nən.

Ɨnû 18:6 Խաչաձեւ Հղումներ

2 Timotì 4:14

Àlèzandà we ne tànga ighi ane itə̰, wì fàʼ anug tibɔ̀ŋ ne che ibo inum. Anɔŋisəg biri nàʼ chùd ibo ane àfàʼì ze ne wì fàʼi.

Ɨnû 13:10

Wə̀d ne mbi fə beri ni gwì aməd mbi biri bə gwì aməd. Wə̀d ne mbi beri ni zweti aməd ane ibeg ibid, wì biri bə̀ ku ane ibeg ibid. Anug azo̰ ya kə̀bə̀ gha bəd Ŋwiye nyimbi fìŋ bə̀ bèrì ibḛfiŋ.

Ɨnû 14:10

Ŋwiye biri gaŋ abɔ̀ʼ məd si chə aməd. Ane ya icheg ni gha wì fə zì mənoʼ inga toʼ məd ne chəyi wì nyàmbi, ane ghì gha wì no. Ŋwiye biri chə tengàŋ ane iywid, inga sɔfɔ̀ imbìghè abə mbè angirə̀ ìzḛzḛ fɔrɔ imbìghè abə Ŋwan njə̀g.

Ɨnû 16:19

Asiŋi kyen ze ya sanda iba itad. Iben kyen ijìm inga isəg ya buʼə. Ŋwiye ya kɔndi Babilɔ̀n kyen we, ane si nàʼ toʼ mənoʼ ibo. Mənoʼ mbe ya chwìye gha Ŋwiye ya fə taŋ.

Ɨnû 17:2

Məfɔn igun isəg fə nɔ̀kì tì məd abu abu. Bəd inga isəg fə no mənoʼ mbe ne wì ya nàʼi inɔb be. Mənoʼ mbe ya anug ni nɔ̀kì tì məd abu abu.”

Ɨnû 17:4

Àyi we ya zì iku ndwi we ne məfɔn mbe zìyè. Wì ya ghì ngwèn igun ìwi nyɔd ane ndəŋ ne mbi tangi ane gol, fɔrɔ ndəŋ ne ya ateg àka inun bə̀ fɔrɔ ane ndəŋ ne ya mə̀pə! Wì ya nyimi toʼ ne mbi tangi ane gol. Inug tibɔ̀ŋ yeti yeti tì izṵ inug mbe ne wì yaya nɔ̀kɔ̀ mbaŋà abu abu ya sweg inga toʼ ze.

Ɨnû 18:20

Bəd məjìm mbe ne yaʼi ikaŋ àbɔ̀ŋɔ, mbə̀ gyendi imbə̀ʼ icheg ne Ŋwiye fə nimni aməd! Bəd Ŋwiye tì bədtɔm Kristo fɔrɔ bədkə̀n Ŋwiye, mbə̀ gyendi imbə̀ʼ icheg ne Ŋwiye fə zì isaʼi igun məd imbə̀ʼ inug tibɔ̀ŋ mbe ne wì ya ghi inən!”