Ɨ̀fàʼì 2:22 - Ikan feg

²² Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Meta’

²² “Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

Ɨ̀fàʼì 2:22 Խաչաձեւ Հղումներ

Matìyò 12:28

Kə̀ àmə yaʼ ne mə kàmna izwighi tibɔ̀ŋ ane ika ne Azwighi Ŋwiye naʼi inum, nji ane ya gha, anug ìfɔ̀n Ŋwiye fə yeʼe inən.

Matìyò 2:23

Wì ya pè chùghi asiŋi ze ne mbe kàrà ane Nazarèd. Àzo̰ ghì anug ne bədkə̀n Ŋwiye ya gha ze dù ane tesiʼ. Anug ze ya gha, “Mbi biri se kàrà aməd ane wə̀d a Nazarèd.”

Matìyò 9:8

Anyumə̀ ne inɔ̰ bəd we ya bàri anug ne du, mbi ya bɔ, se ghùmnə Ŋwiye we ne nàʼi iku ika gho̰ abə bəd.

Lk 11:20

Àmə yaʼ aghi ne mə̀ ya chìyè izwighi tibɔ̀ŋ ane ika ne Ŋwiye nàʼi inum, àze chwi gha, anug ìfɔ̀n Ŋwiye fə yeʼe se abɔ̀ʼ inən.

Lk 18:37

Mbi ywìtì ibo gha, “À ya Yeso we a Nazarèd we chè.”

Lk 24:18

Ìwi mɔ̀ʼɔ abɔ̀ʼ inɔb ne ikum məd ya Klopàs ya biri ibo gha, “Àghò kə wə̀d tìsɔ̀ʼ inga Jèrusalèm ne chəyi àghò kyèri inug ni du angu inga ineg mbo̰?”

Jn 1:45

Filib ya nɔ̀ʼ ghò bàd wə̀d mɔ̀ʼɔ ne ikum məd ya Nàtanìyè, ghà ibo gha, “Tè bàd wə̀d we ne Muse ya ŋwàʼri inug imbə̀ʼ aməd inga mə̀nɔ̀ʼɔ̀, ne bədkə̀n Ŋwiye ya bə̀ ŋwàʼrì inug imbə̀ʼ aməd. Ikum məd ya Yeso. À ya ŋwan Jòseb we a Nazarèd.”

Jn 10:37

Àmə yaʼ ne chəyi mə̀ fàʼà inug mbe ne ìmə Mbaʼ kə̀bi gha mə fàʼa, imbə̀ʼ mbə̰ nɔŋɔ awən ibḛfiŋ igun inum.

Jn 11:47

Mə̀farìsi mbe tì itog bəd mbàn Ŋwiye fɔrɔ bəd mbe ne sàʼa aben ya chughi aseg, nyìmi ifeti, se bìre gha, “Ze kə anìŋ, tì ghə̀nə tì wə̀d gho̰? Mbə̀ nḛ iyeti inug ne wì ya fàʼà.

Jn 12:17

Inɔ̰ bəd we ne ya yaʼi tì məd anyumə̀ ne wì ya kàri Lazarɔ̀s inga iseg, zwemni aməd ane iwu, mbi ya chè imbìghè ni chètì anug ne ya du.

Jn 15:24

Icheg ne mə ghi inug ne chəyi wə̀d mɔ̀ʼɔ kə kweʼì ghì inɔb, mbi biri nyimi awɔb ane ìmbɔb inug tibɔ̀ŋ. À ya ane imbə̀ʼ icheg ne, mbɔb bàd iyeti inug mbe bə̀ kiri pab amə, bə̀ pàb ìmə Mbaʼ.

Jn 19:19

Payilèd ya ŋwàʼrì àŋwàʼrì mɔ̀ʼɔ, kɔ̀mbì ane atog azed abaʼri ze. Wì ya ŋwàʼrì igun gha, “Yeso we a Nazarèd, ifɔn mə̀Ju”.

Jn 3:2

Wə̀d gho̰ ya ghò abə Yeso izimi pè ghà ibo gha, “Àchwitìnùg, tè kyèri gha àghò ya wə̀d ne Ŋwiye cha gha wì chwiti inug ina imbə̀ʼ icheg ne chəyi wə̀d mɔ̀ʼɔ ne tì wì ghi iyeti inug mbo̰ kirəndə à ya wə̀d ne Ŋwiye yaʼi tì məd.”

Jn 4:48

Yeso ya ghà ibo gha, “Mbə̰ ya anìŋ, kirənde mbə̀ bàd ineni inug tì iyeti inug, chəyi mbə̀ biri nɔ̀ŋì ibḛfiŋ igun inum.”

Jn 5:36

Si ya gha, mə bèrì anug ne chwìye gha wə̀d ne mə̀ yaʼi ìwiwən ze chè anug ze ne Jɔn ya gha. Àfàʼì ze ne ìmə Mbaʼ zì inga ìmə ikye abo gha mə fàʼà, a ze ghàmà imbə̀ʼ amə. Àfàʼì azo̰ ajìm ze chwìye gha à ya ìmə Mbaʼ cha amə.

Jn 6:14

Anyumə̀ ne bəd ya bàri ayeti anug azo̰ ne Yeso ya ghi, mbi ya se gha, “Kwàʼ tesiʼ, wə̀d gho̰ ya wə̀dkə̀n Ŋwiye we ne Ŋwiye ya gha wì biri yeʼe igun isəg.”

Jn 6:27

Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

Jn 7:31

Anug ne angu ya gha, bəd ndan ndàn inga inɔ̰ we ya nɔ̀ŋì ìwɔb ibḛfiŋ igun məd. Mbi yaya bìre gha, “Anyumə̀ ne Wə̀d we ne Ŋwiye zɔ̀ʼi biri yeʼe, wì wa biri fàʼ iyeti inug ne che mbo̰ ne wə̀d gho̰ we fàʼà?”

Jn 9:33

Àkə aghi ne chəyi wə̀d gho̰ nɔ̀ʼi abə Ŋwiye, nji chəyi tì wì fàʼ anug icheg azo̰.”

Ɨ̀fàʼì 13:16

Pɔl ya zug ane, nɔ̀ʼ təm titighe, mə̀ʼ ane abo gha bəd chim tizi. Anyumə̀ ne bəd ya chimi tizi, wì ya ghà gha: “Ìmba məfi mə̀Izre fɔrɔ mbə̰ mbe ne kayi mə̀Ju ne ghùmnə Ŋwiye, mbə̀ zug.

Ɨ̀fàʼì 14:27

Anyumə̀ ne mbi ya pe a Antìyɔ̀g, mbi ya feti bəd Kristo məjìm, ghà inug ijìm mbe ne Ŋwiye ya ghi anjìm inɔb bə̀ ghà icheg ne wì ya fìʼì inɔnjì abə bəd mbe ne kayi mə̀Ju gha mbe nɔŋi ibḛfiŋ igun Kristo.

Ɨ̀fàʼì 2:19

Mə biri ghì inug yeti yeti ikaŋ àbɔ̀ŋɔ fɔrɔ igun isəg. Isiŋi biri bàŋ icheg anəm. Mbə̰ biri bàd iywid fɔrɔ ndiʼ nɔʼ nɔʼ.

Ɨ̀fàʼì 2:43

Bədtɔm Kristo yaya ghìyə̀ iyeti inug nɔʼ nɔʼ. Ane, ibɔ Ŋwiye ya sweg inga fìŋ abə bəd məjìm.

Ɨ̀fàʼì 21:28

Mbi yaya se kyḛ tɔ̀ŋɔ bəd gha, “Mə̀Izre! Mbə̀ ziye abo wètì awa. Aŋa ya wə̀d we ne yḛ̀ nè chwìte inug abə bəd isiŋi ijìm gha, bəd se bà̰ mə̀Izre bə̀ bà̰ mə̀nɔ̀ʼɔ̀ Muse bə̀ bà̰ fɔrɔ mbàn Ŋwiye izo̰. Məd bə̀ ywìrì niŋ bəd ne kayi mə̀Ju nyi inga mbàn Ŋwiye, chìkì asiŋi ìzḛzḛ azo̰.”

Ɨ̀fàʼì 22:8

Mə ya biri gha, ‹Anɔŋisəg, àghò kə we?› Wì ya ywìtì inum gha, ‹Mo ya Yeso we a Nazarèd, ne àghò we chɔ̀ʼɔ ìmbum ibɔʼì ighog.›

Ɨ̀fàʼì 24:5

Tè fə bàd gha mbaŋà ìzo̰ ya wə̀d ne kə̀bə̀ isaʼi. Məd we ghìyə̀ gha mə̀Ju inga isiŋi ijìm se gwìye achɔb tàra aben. Mbaŋà ìzo̰ ya atog wə̀d igun ifeti məNazàren.

Ɨ̀fàʼì 26:26

Mbè, aton ne mə ghà inug mbo̰ ine anìŋ ne chəyi mə̀ bɔ ya gha, àghò fə kyeri inug mbo̰ ijìm imbə̀ʼ icheg ne chəyi inug mbo̰ ya du inə̀mbi.

Ɨ̀fàʼì 26:9

Mo inum ya kɔndi gha mə we tì mə ghì inug nɔʼ nɔʼ ni chìkì anug Yeso we a Nazarèd.

Ɨ̀fàʼì 3:12

Anyumə̀ ne Pità ya bàri inɔ̰ bəd we, wì ya ghà inɔb gha, “Məmbon, mbə̰ mə̀Izre, anug azo̰ kə chè awən iye? Mbə kə se nḛ̀ awa nḛ icheg ni gha à ya ane ìwa ika kə̀ anjìm ìmba inug chɔm ne tì ghi wə̀d gho̰ nɔ̀ʼ se yḛ̀?

Ɨ̀fàʼì 3:6

Pità ya si ghà ibo gha, “Chəyi mə̀ beri ikab ni nàʼ ine. Aghi ne mə̀ beri, mə biri nàʼ ine. Mə ghà ine ane ikum Yeso Kristo we a Nazarèd, nɔ̀ʼɔ, yèn!”

Ɨ̀fàʼì 4:10

nji mbə̰ tì bəd məjìm inga Izre, mbə̀ kyeri gha, wə̀d gho̰ ne təmi inən imbìghè anìŋ, à ya ika we ne yaʼi inga ikum Yeso Kristo we a Nazarèd ghi aməd wì bɔ̀ti. Məd ya Yeso we ne mbə̀ ya kɔ̀mbi igun azed abaʼri, si ya gha, Ŋwiye ya zwemni aməd ane iwu.

Ɨ̀fàʼì 5:35

Anyumə̀ ne mbi ya cha awɔb isəg, wì ya ghà abə bəd mbe ne sàʼa aben gha, “Mə̀Izre, mbə̀ we awən tì anug azo̰ ne mbə̰ mbe kə̀bə̀ ni ghì tì mbaŋà ìto̰.

Ɨ̀fàʼì 6:14

Tè kə̀ zug icheg ne məd we gha Yeso we a Nazarèd biri buʼ mbàn Ŋwiye izo̰, bə̀ kɔ̀pi məcheg aben mbe ne Muse ya nàʼi ina.”

2 Kɔrèn 12:12

Inug ne ghìyə̀ bəd kyere gha wə̀d ya wə̀dtɔm Kristo ya iyeti inug kyen kyen fɔrɔ ineni. Mə ya ghì inug mbo̰ inən bə̀ bèrì inyimbifiŋ ni chwi gha mo ya wə̀dtɔm Kristo.

Mə̀Hibrù 2:4

Ŋwiye zìye ini ya chwi ineni nɔʼ nɔʼ bə̀ fàʼ iyeti inug kyen kyen ni chwi gha inug ijìm mbe ne mbɔb yaya ghà ya tesiʼ. Ane, Azwighi Ŋwiye yaya bə̀ ghàpà tineʼi abə bəd icheg ne Ŋwiye kɔ̀ŋi.