Ɨ̀fàʼì 19:9 - Ikan feg

⁹ Si ya gha, bəd mɔ̀ʼɔ abɔ̀ʼ inɔb ya ghùbì ìtɔb fìŋ. Chəyi mbi ya bḛ anug ne Pɔl yaya ghà. Bəd ya ko se ghàmà inug tibɔ̀ŋ imbə̀ʼ Ikuchèg we ne Anɔŋisəg Yeso yaya chwìte. Ane, Pɔl ya sàŋì awɔb, nɔ̀ʼ yi. Wì ya niŋ mə̀mə̀nənùg Yeso se mùghə̀ tì inɔb tòʼrò inug inɔb ineg ijìm inga ichamì we abə Tayiranùs.

Meta’

⁹ Àyɨə mbɨ mɔʼɔ nyaʼa koorɨ mbə ɨ̀tǒŋ. Chəi mbɨ nyaʼa ben ənû ze nɨ Pɔ̂l nyaʼə ghàə̀. Mbɨ nyaʼa kɔ ghà ɨnû rɨbɔ̀ŋ ɨmbə̀ʼ Ɨnə̂njɨ̀ we nɨ Ə̀nùŋɨ̀sɨg nyaʼa chwiə. Əne Pɔ̂l nyaʼa jwɨ̀ i rəkaʼ mɨ̀mə̌d. Wɨ̀ nyaʼa nɨŋ bə̂d mbe nɨ nyaʼa ben ə Kristo mbɨ ni, mbɨ kɔ taŋ ɨni jìm ɨŋga ɨ̀chàm we nɨ Tìranùs nyaʼə chwi ɨnû ɨŋga.

Ɨ̀fàʼì 19:9 Խաչաձեւ Հղումներ

Matìyò 15:14

Mbə̀ saŋa awɔb! Mbɔb ya məfəg ni nyimi ibo abə məfəg ndəŋ ni chwi inɔnjì inɔb. Ifəg mə̀ nyìmi abo abə ifəg ndəŋ, mbɔb mbe mə̀be biri fen inga ibighi.”

Matìyò 16:4

Iwaŋ bəd gho̰ ne ghìyə̀ inug tibɔ̀ŋ ne chəyi mbe bə̀ nɔ̀ŋɔ̀ fìŋ igun Ŋwiye ya kə̀bə̀ ni bàd yaʼ ayeti anug. Si ya gha, chəyi Ŋwiye biri ghì ayeti anug inən chèyi ane àze ne ya du abə Jonà.” Yeso ya ghàm ane, si nɔ̀ʼ sàŋì awɔb ghò yi.

Matìyò 26:55

Yeso ya si bìri abə tinɔ̰ bəd mbe gha, “Mbə kə̀ si yèʼe ni gwì amə tì tibeg ibid fɔrɔ mboʼ icheg ni gha mo ya tìka iji? Mə yaya chùghə inga mbàn Ŋwiye mà ineg ijìm, chwìte inug inən, chəyi mbə̀ ya gwi amə.

Jn 12:40

“Ŋwiye fə fə̀ghì àzɔb aghə bə̀ ghì ìtɔb fìŋ tu, ni ghì gha chəyi tì mbi bàd isiŋi, chəyi tì mbi bə̀ kyèri anug chɔm. Ane, chəyi mbi biri bə̀ŋì ìtɔb fìŋ yèʼe inum ni ghì gha mə̀ ghuyə awɔb.”

Ɨ̀fàʼì 11:26

Anyumə̀ ne wì ya bàri aməd, wì ya niŋ aməd yèʼe a Antìyɔ̀g. Ane, Bànabàs tì Sɔl yaya nyìme ifeti tì inɔ̰ bəd Kristo we, chwìte inug inɔb anene fituʼ ifibì chuʼ. À ya a Antìyɔ̀g ne mbi ya ko ni kàrì mə̀mə̀nənùg ane bəd Kristo.

Ɨ̀fàʼì 14:4

Bəd mbe inga asiŋi ze ya ghàpà ane iba ibe. Mbi mɔ̀ʼɔ ya bḛ inug mbe ne mə̀Ju yaya ghà. Mə̀mbin ya bḛ yaʼ inug mbe ne bədtɔm Kristo yaya ghà.

Ɨ̀fàʼì 17:4

Bəd mɔ̀ʼɔ abɔ̀ʼ mə̀Ju mbe ne ya zughi ìngam we bḛ, ya beni abɔ̀ʼ Pɔl tì Sayilàs. Bəd nɔʼ nɔʼ mɔ̀ʼɔ a Gris ne ghùmnə Ŋwiye fɔrɔ mə̀yi kyen kyen mɔ̀ʼɔ ya bə̀ bèni abɔ̀ʼ inɔb.

Ɨ̀fàʼì 19:23

Anyumə̀ we, achɔb ka ka ya gwid a Efesùs imbə̀ʼ Ikuchèg we ne Anɔŋisəg yaya chwìte.

Ɨ̀fàʼì 19:30

Pɔl ya kə̀b ni dù ghò kɔti inɔ̰ bəd we, si ya gha, chəyi mə̀mə̀nənùg Kristo ya bḛ ka.

Ɨ̀fàʼì 20:31

Mbə̀ we awən imbə̀ʼ tiku bəd te, bə̀ kɔ̀ndi gha, ane tituʼ titad, mə yaya pàta awən imɔʼ imɔʼ tì məsi aghə.

Ɨ̀fàʼì 22:4

Mə yaya chɔ̀ʼɔ ibɔʼì ighog abə bəd mbe ne ya beni abɔ̀ʼ Inɔnjì gho̰ ne Kristo yaya chwìte. Mə yaya zwète ìmbi mɔ̀ʼɔ. Mə yaya gwìtè mbaŋà fɔrɔ mə̀yi kɔ̀rɔ ghò nàʼà gha mbe ziye inga nəb ndəŋ .

Ɨ̀fàʼì 24:21

À ya məyi anug azo̰ amɔʼ ne mə̀ ya gha abə bəd ne sàʼa aben ane gì ka ka. Mə ya gha, ‹Mbə̰ ya anìŋ sàʼa mə imbə̀ʼ icheg ne mə bḛ gha bəd biri ghum zweme ane iwu!›”

Ɨ̀fàʼì 28:22

Tì biri kiri kɔ̀ŋ ni zug ìte tikɔndi imbə̀ʼ icheg ne mba kyèri gha bəd mbe to̰ ifɔti feg gho̰ isiŋi ijìm.”

Ɨ̀fàʼì 7:51

Mbə̰ ya bəd ne kà atog! Ìtən fìŋ fɔrɔ ìmbən ìtɔ̀ŋi ya icheg ìmbi bəd mbe ne kayi mə̀Ju: Mbə̰ ya ghìyə̀ inug kwàʼ icheg ìmbən mə̀mbaʼ aneg. Chəyi mbə̰ mbe zùgrə Azwighi Ŋwiye mà nyumə̀ ijìm!

Ɨ̀fàʼì 9:2

Àŋwàʼrì ze ya ni tòʼrì wə̀d ne Sɔl yaʼi abə bəd inga məchamì Ŋwiye mbe a Dàmaskòs. Ze biri ghì mbɔb kyeri gha Sɔl mə̀ bàd bəd mɔ̀ʼɔ angu ne bène abɔ̀ʼ Inɔnjì we ne Yeso yaya chwìte, kə̀ àkə mə̀yi kə̀ àkə mbaŋà, məd we tì wì gwitì awɔb kɔd niŋ ghò a Jèrusalèm ane bəd ndəŋ.

Rm 11:7

Tì kə ywìrè gha? Chəyi mə̀Izre ya beri aghi ne mbi yaya kə̀bə̀. À ya məyi bəd mbe ne Ŋwiye ya chɔʼi ya bàri ighi mbe ne mbi yaya kə̀bə̀. Si ya gha, chəyi àzin tì àbùʼì bəd yaya ywìrè zùgrə anug ne Ŋwiye yaya ghà inɔb.

Rm 9:18

Ane, məd Ŋwiye biri bèrì àsɔ̀mnəfiŋ igun wə̀d ne wì də̀bi, bə̀ ghì gha fìŋ tu abə wə̀d ne wì də̀bi.

1 Kɔrèn 16:9

Mə biri chughi angu ane imbə̀ʼ icheg ne Ŋwiye fə fìʼì apan chɔm inum ni fàʼ àfàʼì kyen kyen angu. Ŋwiye fìʼì ane, si ya gha, chəyi bəd nɔʼ nɔʼ kə̀bi gha mə faʼa àfàʼì ze.

1 Timotì 6:5

Inug mbe ya ghìyə̀ gha achɔb ya zàmbà dùwə̀ inga bəd ne chəyi mbi beri fìŋ chɔm fɔrɔ inga bəd mbe ne chəyi mbe ghà inug tesiʼ. Bəd inug ako mbo̰ ya kɔ̀ndɔ gha anug Ŋwiye ya inɔnjì ne tì mbi chè angu bèrì ikab.

2 Timotì 1:15

Àghò kyeri gha bəd Kristo məjìm inga aba aben ze a Esìyà fə waʼ amə. Fìgelùs tì Hèmògenès fə bə̀ waʼ amə.

2 Timotì 3:5

Bəd biri yaʼ icheg bəd ne nyimi anug Ŋwiye, si ya gha, mbi biri to̰ awɔb ika we ne yaʼi inga anug Ŋwiye ze. Imbə̀ʼ àghò ya jə̀grə awe tì tiku bəd te.

2 Timotì 4:2

Àghò ghama Ìngam Ŋwiye abə bəd. Chuʼri ìwe nyɔd ni gha àghò mənyìʼ ghàm Ìngam Ŋwiye mà nyumə̀ ijìm, kə̀ bəd kɔ̀ŋ ni zug kə̀ chəyi. Àghò ghiyə gha bəd mbe ne ghìyə̀ inug ne chəyi mbi koʼi, mbe kɔpɔ. Àghò ghama gaŋ abə bəd ne ghìyə̀ inug tibɔ̀ŋ. Nyimbi fìŋ ni nəri bəd bə̀ nàʼ tikə inɔb.

Mə̀Hibrù 3:13

Ane, Tèchɔ̀ŋ, mbə̀ ya nə̀rə ìtən fiŋ mbə̰ mbə̰ ineg ijìm. Mbə̀ ghiyə ane ni gha chəyi anug tibɔ̀ŋ mɔ̀ʼɔ biri tambi awən si ghì ìtən fìŋ tu.

2 Pità 2:12

Bəd mbo̰ ya ghàmà chàpà inug ne chəyi mbɔb kyeri. Mbɔb ya icheg nyam ne chəyi iwe, ne fàʼà məyi inug ne kɔ̀ʼɔ inɔb inga fìŋ. Mbɔb ya icheg nyam ne kweghe məyi ni gha bəd ghum gwì awɔb zwèti. Bəd mbo̰ biri bə ghum ku nim icheg nyam.

2 Pità 2:2

Bəd nɔʼ nɔʼ biri ko se fàʼà tiku inug bə bə te ne mbɔb mbe fàʼà, bə̀ se ghà inug bə bə imbə̀ʼ ikuchèg tesiʼ we bəd koʼi ni bèrì.

Jûd 1:10

Àsi bəd mbo̰, mbi ya ghàmà chàtà inug mbe ne chəyi mbi kyeri. Mbi ya ghìyə̀ inug icheg nyam mben, bə̀ fàʼà inug icheg ne ìtɔb fìŋ te chwìye gha mbe faʼa. Inug mbe ne mbɔb mbe ghìyə̀, à ya mbiwən mbe chìkə̀ ìwɔb.