Ɨ̀fàʼì 15:6 - Ikan feg

⁶ Ane, Bədtɔm Kristo tì itog bəd inga ifeti bəd Kristo ya bɔ̀mbì ni nèn anug ze kwàʼ icheg chɔm.

Meta’

⁶ Bə̂d tom Kristo mbe mbɨ ə bə̂d mbe nɨ nyaʼə chà ɨfetɨ nyaʼa bòmnɨ̀ ɨmbə̀ʼ nweenɨ ənû zɔ̂.

Ɨ̀fàʼì 15:6 Խաչաձեւ Հղումներ

Matìyò 18:20

Ze yaʼ anìŋ imbə̀ʼ icheg ne asiŋi ze ne bəd məbe kə̀ mətad fɔti angu inga ìmə ikum, mo we angu tì inɔb.”

Ɨ̀fàʼì 11:30

Mbi ya chɔ̀pì ighi mbe ane, nàʼ abə Bànabàs tì Sɔl gha mbe niŋ ghò zì ikye abo abə itog bəd Kristo mbe a Jùdeyà.

Ɨ̀fàʼì 15:2

Ane, Pɔl tì Bànabàs ya gwì achɔb ka ka se tàŋà inug mbe tì bəd mbe. Achɔb ze ya ghì mbi chɔʼ Pɔl tì Bànabàs fɔrɔ bəd Kristo ndəŋ tɔm awɔb gha mbe kɔʼ ghò a Jèrusalèm ghò nwèndi anug ze abə bədtɔm Kristo fɔrɔ abə itog bəd inga ifeti bəd Kristo.

Ɨ̀fàʼì 15:22

Bədtɔm Kristo tì itog bəd inga ifeti bəd Kristo we a Jèrusalèm tì bəd Kristo məjìm ya chuʼri chɔʼ mbaŋà tibe inga inɔb chà gha mbe gho a Antìyɔ̀g tì Pɔl fɔrɔ Bànabàs. Mbaŋà te ya Sayilàs tì Judàs we ne mbi yaya bə̀ kàrà aməd ane Basabàs. Mbɔb ya yaʼ itog bəd inga ifeti bəd Kristo we a Jèrusalèm.

Ɨ̀fàʼì 15:25

Ane, tè chùghi aseg chɔʼ mbaŋà mɔ̀ʼɔ chà inən tì Bànabàs fɔrɔ Pɔl ne ya ìmba mə̀sə̀ʼ ne tì taŋ kɔ̀ŋ.

Ɨ̀fàʼì 15:4

Anyumə̀ ne mbi ya gho pè a Jèrusalèm, ifeti bəd Kristo tì bədtɔm Kristo fɔrɔ itog bəd inga ifeti bəd Kristo ya niŋ awɔb kwàʼ icheg chɔm. Pɔl tì Bànabàs ya mə̀tì inug ijìm ne Ŋwiye ya che inga inɔb fàʼ.

Ɨ̀fàʼì 16:4

Icheg ne mbi yaya yḛ̀ isiŋi isiŋi, mbi yaya nè mə̀tə̀ tikə te ne bədtɔm fɔrɔ itog bəd inga ifeti bəd Kristo we a Jèrusalèm ya niŋi isɔbi anug gha bəd Kristo nɔŋɔ. Mbɔb yaya ghà abə bəd gha mbe nɔŋɔ tikə te tijìm.

Ɨ̀fàʼì 21:18

Àsi aneg abɔ̀ʼ, mba məjìm tì Pɔl ya ghò ni zən Jem. Tì ya pè zən Jem tì itog bəd inga ifeti bəd Kristo ne ya yaʼi angu.

Ɨ̀fàʼì 6:2

Bədtɔm mbe ìghum chɔ̀b ibe ya zug ane, fèti mə̀mə̀nənùg məjìm ghà inɔb gha, “Chəyi ze biri bɔ̀ŋ gha tì waʼ anug ni ghàm Ìngam Ŋwiye ghò yaʼ ane anug ni ghàpì tijəg.

Mə̀Hibrù 13:17

Mbə̀ ya zùgrə ìmbən itog bəd ane anug Ŋwiye bə̀ ya fàʼà inug mbe ne mbɔb mbe ghà inən. Àzɔb àfàʼì ya ni kyèʼrì awən. À ya mbɔb ne biri təm imbìghè abə Ŋwiye ni mə̀tì inug imbə̀ʼ awən. Mbə̀ ya zùgrə awɔb, ni ghì gha mbi biri ya fàʼà àzɔb àfàʼì ane igyendi, kayi ane agaŋ. Mbi mə̀ ya fàʼà nè gàŋa, chəyi ze biri wètì awən.

Mə̀Hibrù 13:7

Mbə̀ kɔndi itog bəd mbe ne ya ghum ghà Ìngam Ŋwiye imbə̀ʼ Kristo inən bə̀ kɔ̀ndi ìwɔb ikuchèg. Ane, mbə̀ ya ghìyə̀ inug icheg inɔb bə̀ nɔ̀ŋɔ̀ ìwən ibḛfiŋ igun Ŋwiye icheg inɔb.