2 Kɔrèn 12:2 - Ikan feg

² Mə kyèri wə̀d mɔ̀ʼɔ ne yaʼi wə̀d Kristo. Ŋwiye ya ghì wì kɔʼ ghò nyi inga àbɔ̀ŋɔ ze ne pè ane itad. Kə̀ wì ya ghò nyi ane nyàmnyɔd kə̀ kayi ane nyàmnyɔd, chəyi mə̀ kyeri. Tèchɔ̀ŋ ya fə si tituʼ ìghum chɔ̀b ikwe ne anug azo̰ ya du.

Meta’

² Mə kyerɨ mbaŋə̀ Kristo mɔʼɔ, nɨ ɨghəm ɨwu fə che wum chɔ̀b rɨkwè, nɨ Ŋwìə̀ nyaʼa ghɨ̌ wɨ̀ wò ɨkaŋ we nɨ che rɨkaŋ jìm. Kɨ̀ wɨ̀ nyaʼa wo ənɨ i nyamnyod kɨ̀ ənɨ əzwî, chəi mə kyerɨ, à yɨə Ŋwìə̀ kyerɨ.

2 Kɔrèn 12:2 Խաչաձեւ Հղումներ

Lk 24:51

Icheg ne wì yaya zìyè àbɔrɔ̀bɔd igun inɔb ane, Ŋwiye ya niŋ aməd ikaŋ àbɔ̀ŋɔ.

Jn 6:56

Wə̀d ne kuri ìmə nyàmnyɔd bə no àmə anəm tengàŋ biri yaʼ ane anug amɔʼ tì inum, mə bə̀ yaʼ ane anug amɔʼ tì məd.

Ɨ̀fàʼì 14:6

Ane, anyumə̀ ne bədtɔm mbe ya zughi anug ne mbi yaya chùʼrə imbə̀ʼ awɔb, mbi ya nòrò ghò a Listrà fɔrɔ a Debè, ne ya isiŋi inga aba aben ze a Làyìkonìyà. Mbi ya bə̀ nòrò ghò fɔrɔ inga isiŋi mbe ne yaʼi iban iban.

Ɨ̀fàʼì 22:17

Mə ya bə̀ndì ghò a Jèrusalèm. Anyumə̀ ne mə̀ yaya chàʼrà Ŋwiye inga mbàn Ŋwiye, anatì njə̀m mɔ̀ʼɔ ya chè amə.

Rm 16:10

Mbə̀ chaʼra Apelès. Məd fə chwi gha zìye ya kwàʼ wə̀d Kristo. Mbə̀ chaʼra bəd mbe ne yaʼi inga nəb Àristobulùs.

Rm 16:3

Mbə̀ chàʼri Priskà tì Àkwilà. Mbɔb ya fɔrɔ fàʼà tì inum abə Yeso Kristo.

Rm 16:7

Mbə̀ chaʼra Àndrònikùs tì Junìyàs. Mbɔb ya mə̀Ju ne tì ya yaʼi inɔn tì inɔb inga nəb ndəŋ . Bədtɔm Kristo ya niŋ awɔb ane ijiʼi bəd. Mbɔb ya bḛ Kristo bɔŋ mo se bḛ.

Rm 16:9

Mbə̀ chaʼra Òbanùs. Məd ya wə̀d àfàʼì Kristo abɔ̀ʼ ina. Mbə̀ chaʼra Stakìs. Məd ya ìmə ìsə̀ʼ ne mə̀ taŋ kɔ̀ŋ.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

2 Kɔrèn 11:11

Mə kə ghàmà anìŋ imbə̀ʼ icheg ne chəyi mə̀ kɔ̀ŋɔ̀ awən? Indèʼ! Ŋwiye kyèri gha mə kɔ̀ŋ awən.

2 Kɔrèn 13:5

Mbə̀ kwaʼri ìtən nyàmnyɔd bə̀ nḛ̀ gha mbə nɔ̀ŋì ibḛfiŋ igun Kristo. Àmə yaʼ aghi ne mbə̀ bari gha chəyi Yeso Kristo yaʼi inga ìtən fìŋ, ane ya gha mbə fə gùg àkwàʼrì ze.

2 Kɔrèn 5:17

Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

2 Kɔrèn 5:21

Ŋwiye ya ghì gha Kristo yaʼ wə̀d inug tibɔ̀ŋ ne chəyi wì ya beri anug tibɔ̀ŋ. Ŋwiye ya ghì ane ni gha tì we tì tì təm kòʼ imbìghè abə Ŋwiye anyumə̀ ne tì yaʼi ane ifɔti tì Kristo.

Gàlesìyà 1:22

Chəyi tifeti bəd Kristo te a Jùdeyà ya kiri bari amə.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Efesùs 4:10

Ane, wə̀d we ne ya swiʼi aseg, à ya məd ya bə kɔʼ ghò ikaŋ àbɔ̀ŋɔ ni si yaʼ inga ighi ijìm isiŋi ijìm.

1 Tèsàlonikà 4:17

Anyumə̀ ne mbi zweme, Ŋwiye biri si niŋ awa mba mbe ne si bùʼ igun isəg, ne yaʼi izɔm, tì gho fɔ̀ti abɔ̀ʼ inɔb inga pàʼ ikaŋ. Mba məjìm biri si bɔ̀mbì tì Anɔŋisəg inga ifə, ikaŋ. Tì biri si yaʼ tì məd ane ighə̀m imɔʼ.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

Mə̀Hibrù 9:24

Aton ya gha, chəyi Kristo ya nyi inga asiŋi ze ne zḛ mànì inga mbàn Ŋwiye ne mbi tangi ane ibo, ne ya afugri ane ighi mbe ne yaʼi ikaŋ àbɔ̀ŋɔ. Wì ya nyi kwàʼ ikaŋ àbɔ̀ŋɔ si təm imbìghè abə Ŋwiye atog ina.

Ɨnû 1:10

À ya yaʼ igun aneg ze ne bəd Kristo mbe ghùmnə Anɔŋisəg, Azwighi Ŋwiye ya nyi inga inum, mə zug gì ka ka inum anjìm. Gì ze ya ghàm icheg tàŋ gha,

Ɨnû 12:5

Àyi we ya gwi ŋwan mbaŋà. Ŋwan mbaŋà we ya we ne beri ni tùmbì bəd məjìm igun isəg ane ika ijìm. Mbi ya zàmbì wèbì ŋwan mbaŋà we ghò tì ìwiwən abə Ŋwiye ghò nɔ̀ŋì igun atən ifɔn məd.

Ɨnû 4:2

Kwàʼ ati ati, Azwighi Ŋwiye ya ghì mə bàd atən ifɔn mɔ̀ʼɔ ikaŋ àbɔ̀ŋɔ ne wə̀d mɔ̀ʼɔ yaʼi igun ichughi.