2 Kɔrèn 11:1 - Ikan feg

¹ Mə kə̀b gha mbə̀ ywirì bèrì inyimbifiŋ sàŋì amə mə ghama iki piʼì icheg anen. Mbə̀ bere inyimbifiŋ!

Meta’

¹ Mə kə̀b ni mbə̀ yim fîŋ mbɨ num ɨchî nɨ mə fundɨ rɨpiî. Mbə̀ wom yim fîŋ mbɨ num!

2 Kɔrèn 11:1 Խաչաձեւ Հղումներ

Matìyò 17:17

Yeso ya ywìtì gha, “Chəyi iwaŋ bəd gho̰ tèchɔ̀ŋ beri ibḛfiŋ. Mbɔb mbe ghìyə̀ inug ne chəyi mbi koʼi. Mə kə ywìri chughi tì inən ane agha ne sa iye? Mə̀ kə anìŋ ywìri nyimi fìŋ tì inən ane agha ne bə sa iye? Mbə̀ niŋ ŋwan mbaŋà we yèʼe nàʼ inum.”

Ɨ̀fàʼì 18:14

Anyumə̀ ne Pɔl ya kə̀bi ni ghàm, Gàliyò ya ghà abə mə̀Ju mbe gha, “Mə̀Ju, mbə̀ zug! Àkə aghi ne mbə̀ kə pùti isaʼi igun mbaŋà ìzo̰ gha wè gùg nɔ̀ʼɔ̀ mɔ̀ʼɔ, kə̀ gha wè ghì anug tibɔ̀ŋ kyen mɔ̀ʼɔ, nji mə bèrì aton ni zug anug ze ne mbə̰ mbe ghà.

Ɨ̀fàʼì 26:29

Pɔl ya ywìtì gha, “Ìmə ichaʼri Ŋwiye ya gha àghò tì bəd mbo̰ ne zùghə inug mbo̰ ne mə ghà amad anìŋ, mbə̀ yaʼ icheg inum. Mə kə̀b gha, kə̀ àkə ane iki nyumə̀ kə̀ ane nyumə̀ ne sa, mbə̀ yaʼ icheg inum. Si ya gha, imbə̀ʼ mbə̰ yaʼ awən bəd ndə̀ŋ icheg inum.”

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

1 Kɔrèn 3:18

Imbə̀ʼ wə̀d tàmba yi ìwi nyɔd. Wə̀d mɔ̀ʼɔ abɔ̀ʼ inən mə kɔ̀ndi gha zìye bèrì iwe icheg ne bəd igun isəg mbe nḛ̀ bəd iwe, wì beri ni bə̀ŋə̀ si yaʼ icheg anen imbə̀ʼ bèrì iwe tesiʼ.

1 Kɔrèn 4:10

Mba ya inen imbə̀ʼ icheg ne tì yaʼi bəd àfàʼì Kristo. Àsi awən, mbə̰ ya bəd iwe imbə̀ʼ icheg ne mbə̀ yaʼi ane ifɔti tì Kristo. Tè bɔd, mbə̰ si kà. Bəd mbe wèghè awa se ghùmnə awən.

1 Kɔrèn 4:8

Imbə̀ʼ mbə̰ fə bèrì ìmbən ighi ijìm kə̀ kayi ane? Imbə̀ʼ mbə̰ fə bèrì ikab? Imbə̀ʼ mbə̰ fə si məfɔn atog inən ka chəyi awa? Mə taŋ kɔ̀ŋ kwàʼ tesiʼ gha mbə yaʼ məfɔn ni gha mba biri bə yaʼ məfɔn abɔ̀ʼ inən.

2 Kɔrèn 11:19

Icheg ne mbə̀ kɔndi gha mbə bèrì iwe, mbə̰ mbe kɔ̀ŋɔ̀ ni ya zùghə inug ne inen mbe ghà.

2 Kɔrèn 11:21

À ya tìnìrètog inum ni bḛ gha chəyi tì ya beri fìŋ ni ghì ane. Wə̀d mɔ̀ʼɔ mə̀ kə̀ bèrì anug ne tì wì təm kɔ̀m igo igun, nji mo inum bə̀ bèrì. Mbə̀ si mə̀ ghàmà mə anìŋ icheg anen.

2 Kɔrèn 11:4

Aton ya gha, mbə̰ ya zàmbà niŋ inug ijìm ne bəd mbe yèʼe pè ghà inən. Kə̀ àkə mbi ghà inug imbə̀ʼ Yeso ndəŋ ne kayi ìwe ne tì ya gha inən, ka mbi yèʼe tì Azwighi ndəŋ ne kayi àze ne mbə̀ ya niŋi ina, ka mbi chètì ikən chɔm ndəŋ ne kayi we ne mbə̀ ya zughi ina, mbə̰ ya zàmbà bḛ witì kɔ̀ndi.

2 Kɔrèn 12:11

Mə we ghìyə̀ inug icheg anen. À ya mbə tḭ amə gha mə se ghìyə̀ inug icheg anen. À ya mbə̰ ya beri ni chwi gha mə we ghìyə̀ inug ne koʼi. Ka mə̀ ya aghi ako, chəyi mə̀ kə chè bəd mbe ne bəd mɔ̀ʼɔ mbe kàrà ane “bədtɔm kyen kyen”.

2 Kɔrèn 5:13

Àmə yaʼ aghi ne chəyi ìmba itog yaʼ inga icheg chɔm, nji à ya imbə̀ʼ Ŋwiye. Ìmba itog mə yaʼ inga icheg chɔm, nji à ya imbə̀ʼ awən.

Mə̀Hibrù 5:2

Məd ya bɔ̀tɔ ane fìŋ tì bəd bə̀ bèrè àsɔ̀mnəfiŋ igun bəd mbe ne fèbrè inug imbə̀ʼ icheg ne chəyi mbi kyeri. Aton ya gha, wì kyeri gha zìye ini bɔd ane mənɔnjì nɔʼ nɔʼ icheg ne bəd bə̀ bɔd.