1 Pità 2:7 - Ikan feg

⁷ Inən mbə̰ mbe ne nɔŋi ibḛfiŋ igun məd, iteg we taŋ bɔ̀ŋ. Àsi abə bəd mbe ne chəyi mbi nɔŋi ibḛfiŋ igun məd, “Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibug nəb.”

Meta’

⁷ Əmbɨ mbə̀n mbe nɨ benɨ, ɨti we ə bɔ̀ŋ kwàʼ rɨŋgəʼ, àyɨə əmbɨ mbe nɨ chəi mbɨ benɨ, “Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb,”

1 Pità 2:7 Խաչաձեւ Հղումներ

Matìyò 21:42

Yeso ya ghà inɔb gha, “Àkə chəyi mbə̀ kiri kweʼì fɔŋ anug ze ne yaʼi inga Àŋwàʼrì Ŋwiye? Anug ze ya gha, ‹Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibug nəb. Anug azo̰ ya Anɔŋisəg ghi. À ya ayeti anug ina ni bàd!›

Lk 2:32

Məd ya ìzḛzḛ ne biri chwi ìwe ikuchèg abə bəd ne kayi mə̀Ju, bə̀ nàʼ ighumni abə ìmbe bəd, mə̀Izre.”

Lk 2:34

Simìyòn ya zì àbɔrɔ̀bɔd igun inɔb, si ghà abə Mèri, ngɔb ŋwan gha, “Ŋwan gho̰ ya Ŋwiye chɔ̀ʼi ni ghì gha bəd ndan ndàn biri gùg. Wì biri bə nɔ̀rì bəd ndan ndàn inga Izre. Məd ya aneni ne nɔʼi abə Ŋwiye ne bəd ndan ndàn biri chàpì aməd.

Lk 20:17

Yeso ya nèn awɔb kwàʼ igun ife, si bìri inɔb gha, “Ane, aton ane Ìngam Ŋwiye we ne gha, ‹Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibog nəb›, àkə gha?”

Jn 4:42

Mbi ya si ghà abə àyi we gha, “Chəyi tì nɔ̀ŋì ibḛfiŋ igun məd məyi imbə̀ʼ anug ne àghò gha ina. Tì fə zug kwàʼ ane ìmba ìtɔ̀ŋi. Tì bə̀ kyèri gha wə̀d gho̰ ya kwàʼ Wə̀d we ne pùmnə bəd igun isəg.”

Ɨ̀fàʼì 26:19

Ane, ifɔn Agripà, chəyi mə̀ ya to̰ ni fàʼ anug ne Anɔŋisəg ya ghà inum inga anatì njə̀m.

Rm 10:21

Àzayà ya si ghà imbə̀ʼ mə̀Izre gha, “Ŋwiye ya ghà gha, ni ko isusu ghò pè ikwikwiri mə fìʼì ìmbum ibo ni niŋ bəd ne kà atog bə̀ tàŋà inug.”

Rm 15:31

Mbə̀ chaʼra Ŋwiye gha wì pumnə mə chì abə bəd mbe ne yaʼi a Jùdeyà ne chəyi mbi bḛ Kristo. Mbə̀ bə chàʼra Ŋwiye gha bəd Ŋwiye mbe ne yaʼi a Jèrusalèm mbe niŋ ighi mbe ne mə̀ biri nàʼ inɔb.

2 Kɔrèn 2:16

Abə bəd mbe ne nìme, ifɔ gho̰ ya nyòʼo, zwète awɔb. Àsi abə bəd mbe ne pùmə, ifɔ gho̰ ya nyòʼro nàʼà ìtḛ̀. Àkə we ne taŋ kòʼ ni fàʼ iku àfàʼì gho̰?

Kòlosè 2:10

Ane, Ŋwiye fə nàʼ ìtḛ̀ tesiʼ inən icheg ne mbə̀ yaʼi ane ifɔti tì Kristo. Kristo bèrì ika chè izwighi ijìm fɔrɔ tika tijìm igun isəg.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

Mə̀Hibrù 11:31

À ya anjìm ibḛfiŋ ne chəyi mbi ya zweti Rahàb ne ya yaʼi àkwàrì abɔ̀ʼ bəd mbe ne ya ghi tìzughə̀ abə Ŋwiye. Chəyi mbi ya zweti aməd imbə̀ʼ icheg ne wì ya niŋ mə̀Ju mbe ne ya ghò ni nyaʼ nwendi inug imbə̀ʼ Jèrikò, nə̀mbì ibo inga nəb.

Mə̀Hibrù 4:11

Ane, tì kirə ika ni nyi inga asiŋi àzwètì ze ne Ŋwiye we nàʼà abə bəd məd, ni gha imbə̀ʼ wə̀d mɔ̀ʼɔ nɔ̀ʼ ghì tìzughə icheg ne ìmba mə̀mbaʼ aneg ya ghi tìzughə̀ abə Ŋwiye si sam àzwètì ze.

1 Pità 1:8

Mbə̰ mbe kɔ̀ŋɔ̀ aməd ka chəyi mbə̀ kiri bari aməd. Ka chəyi mbə̰ mbe bàrà aməd; mbə̰ nɔ̀ŋì ibḛfiŋ igun məd, bə̀ se taŋ gyènde ane ikuchèg ne chəyi tì wə̀d gha.

1 Pità 2:4

Mbə̀ yèʼe abɔ̀ʼ məd, məd we ne yaʼi iteg we ne yaʼi izɔm. Bəd ya to̰ awɔb məd, si ya gha, Ŋwiye ya chɔʼ aməd. À ya iteg ne taŋ bɔ̀ŋ imbìghè abə Ŋwiye.

1 Pità 2:8

A ze bə̀ inga Àŋwàʼrì Ŋwiye gha, “Iteg gho̰ ya we ne biri ghì bəd tə̀ngə̀. À ya bə̀ igho ne biri ghì bəd gùg.” Mbɔb biri gùg imbə̀ʼ icheg ne chəyi mbɔb bḛ ìngam we. À ya icheg ne Ŋwiye ya fə nɔ̀ŋì gha ze biri yaʼ.