1 Jɔn 3:21 - Ikan feg

²¹ Ìmbum mə̀sə̀ʼ ne mə̀ taŋ kɔ̀ŋ, àmə chəyi ìta fìŋ te sàʼa awa inga, tì kyeri gha tì we tì tì təm imbìghè abə Ŋwiye ne chəyi te bìnde.

Meta’

²¹ Mbɨ bɔŋgɔb nɨ mə̀ ghaʼi kwàʼ rɨŋgəʼ, à mɨ yeʼ ni chəi ta fîŋ ə saʼ əwa, njɨ chəi tɨ̀ berɨ bɔ ənɨ tɨ̀ yeʼ ɨfě Ŋwiə̀.

1 Jɔn 3:21 Խաչաձեւ Հղումներ

Rm 14:22

Ikɔndi we ne àghò beri imbə̀ʼ ighi mbo̰ ijìm, we buʼə ine tì Ŋwiye. Ŋwiye ziye àbɔrɔ̀bɔd igun wə̀d ne fàʼà inug ne fìŋ məd bḛ gha mbe kòʼ.

1 Kɔrèn 4:4

Chəyi mə̀ wendi anug tibɔ̀ŋ mɔ̀ʼɔ ne mə̀ ghi. Si ya gha, chəyi ze chwi gha, chəyi mə̀ ghi anug tibɔ̀ŋ. À ya Anɔŋisəg we sàʼa mə.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

Efesùs 3:12

Anjìm icheg ne tì yaʼi ane ifɔti tì Kristo fɔrɔ anjìm icheg ne tì nɔŋi ibḛfiŋ igun məd, tì fə bèrì ika ni ghò imbìghè abə Ŋwiye ne chəyi te bɔ.

1 Timotì 2:8

Mə kə̀b gha isiŋi ijìm ne bəd fète angu ni ghumni Ŋwiye, mbaŋà ijìm waʼ agaŋ bə̀ sàŋì achɔb se nɔ̀ ibo zḛ zḛ ikaŋ, chàʼrà Ŋwiye.

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

Mə̀Hibrù 4:16

Ane, tì taŋ bḛ Ŋwiye icheg chɔm, ghò ibo imbìghè, məd we ne ghìyə̀ ìchɔ̀mì ina. Tì mə ghì ane, məd biri bèrì àsɔ̀mnəfiŋ igun ina bə̀ ghì ìchɔ̀mì ina mà nyumə̀ ijìm ne te kə̀bə̀.

1 Jɔn 2:28

Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.

1 Jɔn 2:7

Ìmbum mə̀sə̀ʼ ne mə̀ taŋ kɔ̀ŋ, ikə gho̰ ne mə ŋwàʼrà inən anìŋ ya kayi ikə feg. À ya ikə anun ne mbi ya fə chwiti inən anyumə̀ ne mbə̀ ya bḛ Kristo. À ya ikə anun we ne mbə̀ ya fə zughi.

1 Jɔn 3:2

Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.

1 Jɔn 3:20

Tì ya kyère icheg ne ìta fìŋ te sàʼa awa inga. Tè kyèri gha Ŋwiye chè ìta fìŋ, wì bə̀ kyèri inug ijìm.

1 Jɔn 4:17

Icheg ne ze yaʼ ane, Ŋwiye fə taŋ kɔ̀ŋ awa ghì gha tì bere ika imbə̀ʼ ghum pum ane aneg isaʼi imbə̀ʼ icheg ne ìwa ikuchèg igun isəg gho̰ ya bə̀ kwàʼ icheg ìwi Kristo icheg ne tì yaʼi ane ifɔti tì Ŋwiye.

1 Jɔn 5:14

Aton ne chəyi te bɔ anyumə̀ ne te chàʼrà Ŋwiye ya imbə̀ʼ icheg ne tì fə kyeri gha məd we zùghə inug mbe ne te bìre anyumə̀ ne tì biri anug ne məd kə̀bi.