1 Jɔn 2:15 - Ikan feg

¹⁵ Imbə̀ʼ mbə̰ kɔ̀ŋɔ awən isəg kə̀ inug mbe ne yaʼi inga isəg. Wə̀d mɔ̀ʼɔ mə̀ kɔ̀ŋ isəg, ane ya gha, chəyi tengàŋ kɔ̀ŋi Mbaʼ.

Meta’

¹⁵ Tɨ mbə̀ ghaʼ ə ɨsɨg kɨ̀ be ghaʼ ɨghɨ mbe nɨ yeʼ ɨŋga ɨsɨg. Wə̀d mɔʼɔ mɨ ghaʼ ɨsɨg, əne chəi wɨ̀ ghaʼ ə Mbǎʼ,

1 Jɔn 2:15 Խաչաձեւ Հղումներ

Matìyò 4:8

Debrə̀ ya ywìrì niŋ aməd ghò kwàʼ ikaŋ iwum kyen ne taŋ sà ikaŋ, chwi iben ijìm igun isəg ijìm fɔrɔ ighi chɔm chɔm mbe ne yaʼi inga iben mbe ibo.

Matìyò 6:24

Yeso ya chè imbìghè gha, “Chəyi wə̀d mɔ̀ʼɔ angu ne tì wì fàʼ abə mə̀mbaʼ àfàʼì məbe. À ya ane imbə̀ʼ icheg ne wì biri bàn ifibì kɔ̀ŋ ìywin, kə̀ wì fàʼ abə ifibì ane ìzi fìŋ ijìm si kə̀nì ìywin. Chəyi tì àghò fàʼ abə Ŋwiye bə̀ ywìrì zì fìŋ ane anug ni bèrì ighi ane ighə̀m ifibì.”

Lk 16:13

Chəyi wə̀d mɔ̀ʼɔ ne tì wì fàʼ abə mə̀mbaʼ àfàʼì məbe. Tengàŋ biri kɔ̀ŋ ifibì wàʼri ìywin. Chəyi tì wə̀d zi fìŋ ni fàʼ abə Ŋwiye bə̀ zì fìŋ ni fàʼ ikab.”

Jn 15:19

Àkə ni gha mbə yaʼi abɔ̀ʼ bəd inga isəg, nji mbi ya kɔ̀ŋɔ̀ awən icheg ìmbɔb bəd. Tesiʼ ya gha, chəyi mbə̰ yaʼi abɔ̀ʼ bəd inga isəg. Mə fə chɔʼ awən chì inga isəg. À ya aton ne, bəd inga isəg mbe pàbà awən.

Rm 12:2

Imbə̀ʼ mbə̰ ghiyə awən inug icheg we ne bəd inga isəg mbe ghìyə̀. Ane, mbə̀ saŋa Ŋwiye kɔpi ìwən ikuchèg icheg ne məd we nàʼà tikɔndi feg inən. Àze biri ghì gha mbə̀ kyeri inug mbe ne məd kə̀bi. Inug mbe ne məd kəbi ya inug chɔm tì inug ne wì kɔ̀ŋi fɔrɔ inug ne koʼi ibo.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

1 Timotì 6:10

À ya ane imbə̀ʼ icheg ne anug ni taŋ kɔ̀ŋ ikab ya aghi ne ghìyə̀ bəd fàʼà tiku inug tibɔ̀ŋ ijìm. À ya anug ni noto abɔ̀ʼ ikab ze ghìyə̀ gha bəd nɔʼ nɔʼ waʼ ìwɔb ibḛfiŋ, se zə̰ aku ngəʼ ndan ndàn ne zìyè ibəʼ inɔb inga fìŋ.

Jems 1:27

Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.

Jems 4:4

Mbə̰ ya icheg mə̀yi nami ne kiri nɔ̀kɔ̀ mbaŋà ndəŋ. Àkə chəyi mbə̀ kyeri gha, wə̀d ne jə̀ghə àsə̀ʼ tì isəg ya wə̀d ìpàb Ŋwiye? Mbə̀ kyeri gha, wə̀d ne kɔ̀ŋɔ̀ anug ni jəg àsə̀ʼ tì isəg ya wə̀d ìpàb Ŋwiye.

1 Jɔn 3:17

Wə̀d ne beri ighi ne chəyi wì ya wètè bəd ne chəyi àzɔb, chəyi tì tengàŋ gha zìye kɔ̀ŋ Ŋwiye.

1 Jɔn 4:5

Bədkə̀n mbe ne ghà inug ako ya ghà məyi inug mbe ne yaʼi inga isəg. Ane, bəd inga isəg ya zùghə inug mbe ne mbɔb mbe ghà imbə̀ʼ icheg ne mbɔb ya bəd inga isəg.

1 Jɔn 5:10

Wə̀d ne bḛ Ŋwan Ŋwiye fə bə̀ bḛ anug ze ne Ŋwiye gha. Wə̀d ne chəyi wì bḛ anug ne Ŋwiye gha imbə̀ʼ ìwi Ŋwan, tengàŋ we ghà gha Ŋwiye ya wə̀d inug ako. À ya ane imbə̀ʼ icheg ne chəyi məd bḛ anug ze ne Ŋwiye gha imbə̀ʼ ìwi Ŋwan.