1 Kɔrèn 7:35 - Ikan feg

³⁵ Mə ya ghàmà anìŋ ni wètì awən, kayi mə sɔ̀bi sɔbi. À ya ni ghì gha mbə̀ chughi ane icheg ne koʼi bə̀ nɔ̀ŋì fìŋ ijìm igun Anɔŋisəg.

Meta’

³⁵ Mə wɨə ghà ənû zɔ̂ ɨmbə̀ʼ weerɨ əwən, kaʼi ni mə kə̀b ton ni tɨ mbə̀ ghɨ̀ə̀ mbə ɨnû. Mə wɨə kə̀bə̀ yeʼ ni mbə̀ chub ɨchî nɨ kuʼnɨ. Mə wɨə bə̀ kə̀bə̀ ni tɨ əghɨ ə mɔʼɔ ə ghabrɨ i tə rɨkɔndɨ ɨchî nɨ mbə̀ə fàʼ əmbɨ Ə̀nùŋɨ̀sɨg.

1 Kɔrèn 7:35 Խաչաձեւ Հղումներ

Matìyò 19:12

Iton mɔ̀ʼɔ mbe angu ne chəyi bəd mbe nàma: Bəd mɔ̀ʼɔ mbe angu ne mbi ya gwi awɔb tì akuʼi ne fə ku. Bəd ndəŋ ya bəd ne mbi zaʼi awɔb. Mə̀mbin ya bəd ne mbi dəbi ni chughi awɔb icheg bəd ne àzɔb akuʼi fə ku məyi imbə̀ʼ anug ìfɔ̀n ikaŋ. Wə̀d ne tì wì bḛ ìngam gho̰, wì bḛ.”

Matìyò 22:15

Anyumə̀ ne Yeso ya ghàmi ane, mə̀Farìsi ya dù isəg nɔ̀ŋì ichuʼri ni chè anjìm ìngam ìwi Yeso gwì aməd zì isaʼi igun məd.

Lk 21:34

Mbə̀ we awən, imbə̀ʼ ìtən fìŋ nɔ̀ʼ yaʼ ane anug ni jəg chè ndò, tì ane anug ni no be fɔrɔ anug ni ghə̀ʼrì ighi igun isəg, nji aneg ze biri yeʼe igun inən icheg ne atam ze gwìye nyam.

Lk 8:14

Titam te ne ya fendi inga ìjə̀ŋì ya chwìye bəd ne zughi Ìngam Ŋwiye bḛ. Si ya gha, icheg ne nyùmə̀ we chè, anug ni nwìʼì nyɔd imbə̀ʼ ighi igun isəg tì anug ni nwìʼì nyɔd imbə̀ʼ ikab fɔrɔ anug ne ghì ighi mbe ne nyàmnyɔd ze ghə̀ʼrə̀ ya kɔ̀rɔ awɔb bə̀ ghìyə̀ chəyi mbɔb mbe kwèghe kà ane anug Ŋwiye.

1 Kɔrèn 7:2

Si ya gha, icheg ne mbaŋà nɔʼ nɔʼ te nɔ̀kɔ̀ mə̀yi abu abu, mə̀yi nɔʼ nɔʼ bə̀ nɔ̀kɔ̀ mbaŋà abu abu, ze bɔ̀ŋ gha mbaŋà beri ìwi iweg, àyi bə bèrì ìwi inɔm.

1 Kɔrèn 7:28

Wə̀d mə nam, chəyi wì gughi anug. Ŋwan àyi ne chəyi wì kiri kyeri mbaŋà mə nam, chəyi wì bə gùg anug. Àsi bəd mbe ne nami, mbi biri chè inga ngəʼ nɔʼ nɔʼ te ne yaʼi inga isəg. Mə ya ghàmà anìŋ inən ni gha imbə̀ʼ mbə̰ nɔ̀ʼ nyi inga ngəʼ.

1 Kɔrèn 7:36

Mbaŋà ne chəyi ze ghìyə̀ inug ane icheg ne koʼi tì ŋwan àyi ne wì tàŋi inam imbə̀ʼ icheg ne chəyi mbaŋà ze kyèri nyìmbi ìwi nyɔd, wì chè imbìghè fə nam. Chəyi wì gughi anug. Mbe nam awɔb.

Efesùs 5:3

Icheg ne mbə̀ yaʼi bɔn Ŋwiye, chəyi ze bɔŋi gha afabi imbə̀ʼ inug tibɔ̀ŋ yaʼ inga ìwən ifeti icheg anug ni nɔ̀kì mə̀yi kə̀ nɔ̀kì mbaŋà abu abu kə̀ àzùnì kə̀ anug ni ghə̀ʼrə̀ ighi. Chəyi ze bɔŋi gha bəd Ŋwiye ya fàʼà tiku inug ìto̰.

Fìlipì 4:8

Ìmbum məfi fɔrɔ ìtum njàbi, anug ne si nwḭ̀yḛ̀ ya gha, anug mə̀ yaʼ àze tesiʼ, bə̀ yaʼ anug chɔm, bə̀ yaʼ anug ne koʼi, mbə̀ nɔŋɔ ikɔndi igun. Anug mə zen, tì anug ne chwìye àkɔ̀ŋì, bə̀ yaʼ anug ne tì wə̀d nen kɔ̀ŋ, bə̀ yaʼ anug ne tì wə̀d ghùmni, bə̀ yaʼ anug ne taŋ bɔ̀ŋ, mbə̀ bə nɔ̀ŋì ikɔndi igun.

1 Timotì 1:10

Mə̀nɔ̀ʼɔ̀ ya bə̀ yaʼ abə bəd ne ghìyə̀ ifanì inug tì izṵ inug tì bəd ne fèndè bəd tì bəd ne ghàmà inug ako, tì bəd ne zɔ̀mɔ̀ nyɔd kiri gha anug ako, fɔrɔ bəd ne ghìyə̀ tiku inug ndəŋ ne chəyi mbi koʼi tì tikə Ŋwiye.

Tayitùs 2:3

Àghò bə ghà abə mə̀yi kyen gha mbe ya ghìyə̀ inug ne chwìye ìzḛzḛ. Imbə̀ʼ mbi ya chàpà awɔb tikum bəd. Imbə̀ʼ mbi naʼa awɔb ìwɔb nyɔd abə mənoʼ. Mbi ya chwìte yaʼ inug chɔm abə bəd.