1 Kɔrèn 13:5 - Ikan feg

⁵ Chəyi àkɔ̀ŋì ze ghìyə̀ gha bəd ya ghìyə̀ ichug, kə̀ gha wə̀d ya kə̀bə̀ gha nji ighi ijìm yaʼ ìmbi məd. Chəyi àkɔ̀ŋì ze ghìyə̀ gha wə̀d ya zàmbà gàŋa, kə̀ gha wə̀d ya nìŋə inug tibɔ̀ŋ ijìm ne bəd mbe ghìyə̀ ibo nyìme inga fìŋ.

Meta’

⁵ Ka ɨghaʼi wɨə ghɨ̀ i ni wə̀d seenɨ, kɨ̀ ni wə̀d kəb əghɨ àmei əmbɨ i nyamnyod, kɨ̀ ni wə̀d kɨə sə ɨtəm, kɨ̀ ni wə̀d nuŋ ɨnû rɨbɔ̀ŋ jìm mbe nɨ mbɨ ghɨ ənɨ məd.

1 Kɔrèn 13:5 Խաչաձեւ Հղումներ

Matìyò 5:22

Anug ne mə ghà inən amad anìŋ ya gha: Wə̀d mɔ̀ʼɔ mə̀ gaŋ tì ìwi ifi, mbi biri saʼ aməd. Wə̀d mɔ̀ʼɔ mə̀ zɔ̀mbì ìwi ifi, itog bəd ne sàʼa aben biri saʼ aməd. Wə̀d mə ghà abə ìwi ifi gha, ‹Àghò ya anen!› Wə̀d we ne gha ane kyeri gha mbi biri màʼ aməd inga iywid nɔʼ mèg, ne ya asiŋi ichə.

Matìyò 9:4

Yeso ya kyeri anug ne mbɔb yaya kɔ̀ndɔ, si ghà inɔb gha, “Aton ne mbə̀ kɔ̀ndɔ inug tibɔ̀ŋ inən inga fìŋ àkə gha?

Mk 3:5

Wì ya nḛ̀ awɔb kad chuʼ, gaŋ, ze bə̀ ywìrì taŋ naʼ ngəʼ ibo imbə̀ʼ icheg ne ìtɔb fìŋ ya tu. Wì ya si ghà abə mbaŋà ze gha, “Sème àze abo.” Wì ya sèmì. Ane, abo məd ya ywìrì sèmbè si yaʼ icheg chɔm.

Lk 7:39

Anyumə̀ ne Farìsi we ne ya kàʼi Yeso ya bàri àfàʼì ne àyi we fàʼi, wì ya ghàm ibo inga fìŋ gha, “Wə̀d gho̰ kə kwàʼ wə̀dkə̀n Ŋwiye nji wè kyèri iku wə̀d ne àyi gho̰ ne bètè aməd yaʼi ìwiwən. Nji wè kyèri gha à ya kwàʼ àyi inug tibɔ̀ŋ.”

1 Kɔrèn 10:24

Imbə̀ʼ mbə̰ ziye awən atog ni nèn məyi inug ne biri bɔ̀ŋ inən. Mbə ziye atog ni nèn fɔrɔ inug ne biri bɔ̀ŋ abə bəd ndəŋ.

1 Kɔrèn 10:33

Mə ya kə̀bə̀ iku icheg ijìm ni ghì inug ane icheg ne koʼi abə bəd məjìm. Kayi mə ghìyə̀ məyi anug ne bɔŋi inum. Mə ya ghìyə̀ yaʼ anug ne biri bɔ̀ŋ fɔrɔ abə mə̀mbin, ni ghì gha mbe pum.

1 Kɔrèn 11:18

Anug mbègtog ya gha, mə fə zug gha, mbə̰ ya mə̀ fète aseg icheg bəd Kristo, àghàpì ze yàʼa inga inən. Mə we tì mə bḛ gha à ya anug tesiʼ.

1 Kɔrèn 12:25

Ŋwiye ya ghì ane ni gha isiŋi nyɔd imɔʼ imɔʼ ya kyèʼrè mbin, ni ghì gha imbə̀ʼ àghàpì yaʼ yi inga nyàmnyɔd.

1 Kɔrèn 7:36

Mbaŋà ne chəyi ze ghìyə̀ inug ane icheg ne koʼi tì ŋwan àyi ne wì tàŋi inam imbə̀ʼ icheg ne chəyi mbaŋà ze kyèri nyìmbi ìwi nyɔd, wì chè imbìghè fə nam. Chəyi wì gughi anug. Mbe nam awɔb.

2 Kɔrèn 5:19

Ane ya gha, Ŋwiye ya chè anjìm Kristo mànì achɔb tì bəd ni gha tì yaʼ bəd məd. Chəyi wì ya taŋi inug tibɔ̀ŋ bəd zì igun inɔb. Wì ya zì ikən imbə̀ʼ anug ni mànì achɔb inga ìta tikye ibo gha tì se ghà abə bəd.

Gàlesìyà 5:13

Àsi awən, ìmbum məfi fɔrɔ ìtum njàbi, Ŋwiye ya kàrì awən chì ane anug ìbòʼì abə mə̀nɔ̀ʼɔ̀ Muse. Si ya gha, imbə̀ʼ mbə̰ si niŋə awən icheg ne chəyi mbə̀ ywiri yaʼ ìbòʼì abə mə̀nɔ̀ʼɔ̀ Muse se ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ ya se fàʼà yaʼ abə mə̀mbin ane àkɔ̀ŋì,

Fìlipì 2:21

Bəd ndəŋ məjìm ya zìyè atog yaʼ igun ìmbɔb inug kayi igun anug ne Yeso Kristo kə̀bi.

Fìlipì 4:8

Ìmbum məfi fɔrɔ ìtum njàbi, anug ne si nwḭ̀yḛ̀ ya gha, anug mə̀ yaʼ àze tesiʼ, bə̀ yaʼ anug chɔm, bə̀ yaʼ anug ne koʼi, mbə̀ nɔŋɔ ikɔndi igun. Anug mə zen, tì anug ne chwìye àkɔ̀ŋì, bə̀ yaʼ anug ne tì wə̀d nen kɔ̀ŋ, bə̀ yaʼ anug ne tì wə̀d ghùmni, bə̀ yaʼ anug ne taŋ bɔ̀ŋ, mbə̀ bə nɔ̀ŋì ikɔndi igun.

2 Tès 3:7

Mbə̀ fə kyeri kwàʼ icheg chɔm gha, mbə bèrì ni fàʼ kwàʼ məyi icheg ne tì yaya fàʼà. Anyumə̀ ne tì ya yaʼi abɔ̀ʼ inən, chəyi tì yaya ghìyə̀ igwed.

2 Timotì 2:10

Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.

2 Timotì 4:16

Ane, ighəm mbègtog ne mə̀ ya gho təm gha mbe saʼ amə, chəyi wə̀d mɔ̀ʼɔ ne ya yeʼe ni kə̀ŋì amə. Wə̀d ijìm ya waʼ amə. Imbə̀ʼ Ŋwiye niŋ yi inug mbo̰ zì isaʼi igun inɔb.

Jems 1:19

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ ya tɔ àtɔ̀ŋi ane anug. Imbə̀ʼ mbə̰ ya kə ghàmà awən. Imbə̀ʼ mbə̰ ya bə̀ kə gàŋa awən.