Ruth 1:1 - Manobo Western Bukidnon OT

¹ Dengan te timpu he zatù pa is edumala te menge tig-Israel duen mid-aǥi he utew mepait he vitil. Ne zuen maama he meǥinged diyà te Betlehem he inged diyà te prubinsya he Juda he tenged dutun te vitil miduma zin is esawa zin wey is menge anak din he maama he zezuwa ne midteǥaad dan medhalin diyà te tanà he Moab.

Ruth 1:1 Խաչաձեւ Հղումներ

Genesis 12:10

Ne mid-aǥi is bitil zutun te tanà ne tenged dutun midhipanew si Abram pehendiyà te tanà he Ehipto su wey zan mekeubpà diyà.

Genesis 26:1

Ne mid-aǥi en is bitil zutun te lugar he mid-ubpaan ni Isaac, kenà haazà kes bitil te kaazen pa ni Abraham. Midhendiyà si Isaac te ki Abimelec, sikan is hadì te menge Filistihanen he ziyà te inged he Gerar.

Genesis 43:1

Ne utew en mid-iseg haazà is bitil ziyà te Canaan.

2 Samuel 21:1

Dutun te kedhadì ni David, duen nehitavù he vitil seled te tetelu he tuig. Ne zutun nekidlalag si David diyà te Nengazen. Migkaǥi is Nengazen te, “Neulaula is bitil tenged te kebpenhimetayi ni Saul wey te pemilya zin te menge Gibyunhen.”

1 Hadì 18:2

Umbe, midhendiyà si Elias te ki Ahab. Dutun utew en mepait is bitil ziyà te Samaria.

1 Cronica 2:51

si Salma he amey ni Betlehem, wey si Haref he amey ni Bet Gader.

1 Cronica 2:54

Is menge kevuwazan ni Salma, ne iyan is menge tig-Betlehem, is menge tig-Netofa, is menge tig-Atrot Bet Joab, is ketengà te Manahatnen, is menge Zurhanen,

Salmo 105:16

Mibpengelinteuwan te Megbevayà he mehitavù is bitil ziyà te Canaan. Mid-amin din kuwaa is langun he keuyaǥan dan.

Salmo 107:34

Midhimu zin he wazà pulus duen te meupiya he tanà, su ǥeina te menge lalung is nen-ubpà duen.

Jeremias 14:1

Iyan heini migkaǥi te Nengazen kayi te kedì mehitenged te meluǥayad he ǥulavung:

Ezekiel 14:13

“Sikew is etew, emun ebpekesalà kayi te kediey is menge etew ziyà te sevaha he nasyun pinaaǥi te kedluivi zan kediey, edsilutan ku sikandan, ne id-awè ku is ebpuunan te keenen dan. Ebpeeǥiyan ku sikandan te vitil su wey zan mebpematey duma te menge uyaǥen dan.

Ezekiel 14:21

“Benar iyan, siak, is Nengazen he MEGBEVAYÀ migkaǥi he mekehizuhizu is menge tig-Jerusalem emun ebpeeǥiyan ku sikandan te heepat he meveǥat he menge silut he iyan is: tebek, bitil, dumezaas he menge langgam, wey menge zaru he edhimatey te menge meǥinged kayi wey te menge uyaǥen dan.

Leviticus 26:19

Edhimuwen ku he kenà medlampus is gehem he ibpahambug niw; ne kenè ku sikiyu ebpeuzanan, umbe ebpurung ebadtik is menge tanè niw.

Amos 4:6

“Iyan a mibpaaǥi te vitil ziyà te langun he menge inged niw, piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Micas 5:2

Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Deuteronomio 28:38

“Dekelà is ibpemula niw piru zeisey zà is egkeraǥun niw su edterepanen heini.

Zatù 12:8

Hein minatey en si Jefta, iyan nekeilis kandin te kebpengulu te Israel si Ibzan he tig-Betlehem.

Zatù 17:7

Duen sevaha he vetan-en he maama he tig-Betlehem he sakup te Juda. Sevaha sikandin he Levihanen he midteǥaad med-ubpà duma te tribu ni Juda.

Zatù 17:8

Ne sevaha he andew, midhipanew sikandin is ebpen-ahà te egkeubpaan din diyà te zuma he lugar. Dutun te kedhipanew zin, nekeuma sikandin diyà te valey ni Micas he ziyà te vuvungan te Efraim.