Numero 4:4 - Manobo Western Bukidnon OT

⁴ “Is buluhaten te menge kevuwazan ni Kohat diyà te Tulda he Edtelevukaayan iyan is ked-atur te utew segradu he menge vutang.

Numero 4:4 Խաչաձեւ Հղումներ

1 Cronica 23:6

Mibahin ni David te tetelu he grupu haazà is menge Levihanen sumalà is menge kepuun te menge anak ni Levi he si Gershon, Kohat, wey si Merari.

Numero 10:21

Ne midtinundug kandan is menge kevuwazan ni Kohat he ed-uwit te segradu he menge gelemiten duen te Tulda he Ed-ezapan. Kinahanglan he igkepelastar en sikan is Tulda te kenè pa sikandan ebpekeuma ziyà te lugar he egkempuwan dan.

Numero 4:15

“Emun egkepasad en ni Aaron wey te menge anak din te edtambun sikan is Tulda he Edtelevukaayan wey is langun he menge gelemiten kayi, ne edtivalen heini te menge kevuwazan ni Kohat dutun te timpu te ked-awè niw puun te kampu niw. Piru kinahanglan he kenè dan semsama heini is segradu he menge vutang su wey zan kenà mebpatey. “Iyan haazà sikan is menge gelemiten duen te Tulda he Edtelevukaayan he ed-uwiten te menge kevuwazan ni Kohat.

Numero 4:19

Iyan heini veeli niw para kenà sikandan mebpematey emun ed-uvey sikandan duen te utew segradu he menge vutang: Kinahanglan he eduma kandan si Aaron wey is menge anak din emun edseled dan duen te Tulda ne egkeǥiyen diyà te kandan ke hengkey is ereg he ebeelan dan wey kinahanglan he ed-uwiten dan.

Numero 4:24

“Is buluhaten te menge kevuwazan ni Gershon iyan is ked-uwit kayi he menge vutang:

Numero 4:3

Bilanga niw is langun he maama he is penuiǥen dan 30 pehendiyà te 50 he tuig, he ebpekehimu he ebpenilbi ziyà te Tulda he Edtelevukaayan.

Numero 4:30

Bilanga nu is langun he menge maama he is penuiǥen dan 30 pehendiyà te 50 he tuig, he ebpekehimu te vuluhaten diyà te Tulda he Edtelevukaayan.

Numero 4:5

Emun ed-awè kew zutun te kampu niw, kinahanglan he edseled si Aaron wey is menge anak din duen te Tulda ne egkuwaan dan is kurtina ziyà te seled, ne idtambun dan heini zuen te Kavan te Kebpekid-uyun.

Numero 7:9

Piru wazà mulà beǥayi ni Moises te kerumata etawa vaka is menge kevuwazan ni Kohat su iyan sikandan midseriǥan te kedtiang duen te segradu he menge vutang duen te Tulda.