Numero 22:3 - Manobo Western Bukidnon OT

³ ne nahandek sikandin wey is menge Moabitanhen tenged te kahabet te menge Israilihanen.

Numero 22:3 Խաչաձեւ Հղումներ

Nehemias 13:2

Su ǥeina te wazè dan beǥayi te keenen wey inumen is menge Israilihanen hein migawas is menge Israilihanen puun te Ehipto. Kekenà, midsuhulan dan si Baalam su wey zin rewaki is menge Israilihanen. Piru is rawak kandan midhimu te Megbevayà he penuvadtuvad.

Salmo 53:5

Piru egkengeheratan sikandan. Egkeǥezam dan is kegkahandek he wazè dan pa keenu meseǥazi, su ibpeyapat te Megbevayà is menge tulan dan. Sikandan is menge edsurung keniyu te menge tig-Israel, ebpeel-elezan niw sikandan, su inselikwey sikandan te Megbevayà.

Exodus 1:12

Iyan, dutun te utew sikandan edèdaaǥa, nasì en sikandan mebmahabet ne mid-iseg en mebmeluag is egkeubpaan dan, ne tenged kayi egkahandek kandan is menge tig-Ehipto.

Exodus 15:15

Is menge pengulu te Edom wey Moab, egkeheratan utew te kegkahandek, ne is pengulu ziyà te Canaan, ne edliyasen te kegkahandek.

Exodus 23:27

“Epelihendeken ku wey edliveǥen ku is menge kuntada niw he zutun te egkesineruwan niw ne ebpemekepelaǥuy zan.

Isaias 23:5

Egkeseeng is menge Ehiptohanen emun egkezineg dan is nehitavù diyà te Tyre.

Deuteronomio 2:25

Puun guntaan ebpengelinteuwan ku he mahandek keniyu is menge etew ziyà te langun he menge nasyun kayi te tivuuk he kelibutan. Ebpengerkeren te kegkahandek is ebpekezineg mehitenged keniyu.’

Josue 2:24

Migkaǥi sikandan te, “Tutuu iyan he imbeǥey kenitew te Nengazen is tivuuk he tanà. Is langun he etew zutun ne nengahandek kenitew.”

Josue 9:24

Ne midtavak dan si Josue te, “Mibeelan dey heini tenged te nahandek key he kela ke penhimetayi key keniyu. Su netuenan dey he midsuǥù te Nengazen he Megbevayè nu si Moises he suluǥuen din he ibeǥey ziyà te keniyu heini he menge tanà ne egeraan is langun he meǥinged kayi.