Numero 22:11 - Manobo Western Bukidnon OT

¹¹ ‘Duen menge etew he ebpuun diyà te Ehipto he utew mezakel. Umbe hendini ka ǥuntaan ne rewaki nu sikandan para kedì. Su kela ke mezaag ku zed sikandan ne egkesegseg ku pehendiyà te meziyù.’ ”

Numero 22:11 Խաչաձեւ Հղումներ

Genesis 27:29

Berakat he mezakel he menge tribu is egkehimu menge suluǥuen nu, wey edtahud dan kenikew. Berakat he iyan ka mehimu he egalen te menge suled nu, wey medtahud kenikew is menge hazi nu. Berakat he is edrawak kenikew ne iyan merewaki, ne tuvazi mulà is ebpenuvadtuvad kenikew.”

Numero 22:10

Midtavak ni Balaam is Megbevayà te, “Menge menunudtulà sikandan he midsuǥù ni Balak he hadì te Moab, he anak ni Zipor. Iyan heini menge lalag din:

Numero 22:12

Piru migkeǥiyan te Megbevayà si Balaam te, “Kenè ka zuma kandan. Ne kenè nu rewaki haazà is menge etew he egkeǥiyen dan, su midtuvazan ku sikandan.”

Numero 23:11

Migkaǥi si Balak diyà te ki Balaam te, “Hengkey heini is mibeelan nu kayi te kediey? Mibpeveyaan ku sikew wey nu merewaki is menge kuntada ku, piru mibpenubtuvazan nu hinuun!”

Numero 23:7

Ne migkaǥi si Balaam, “He Balak he hadì te Moab, impaangey a kenikew puun te Aram he ziyà te menge vuvungan he zapit te edsilaan. Iyan lalag he impeuwit nu kayi te kediey is, ‘Agpas ka hendini, ne rewaki nu is menge kevuwazan ni Jacob para kediey. Rewaki nu sikandan is menge etew te Israel.’

Numero 24:10

Tenged dutun utew nepeuki ni Balak si Balaam. Midsumbag din is divaluy he palad din ne migkeǥiyan din si Balaam te, “Mibpesuǥuan ku sikew su wey nu merewaki is menge kuntada ku, piru nasì nu sikandan penubtuvazi te ketetelu.

Josue 24:10

Piru wazè ku tuǥuti si Balaam te kebaal kayi ziyà te keniyu. Edrewakan kew zin pezem piru mibpepenubtuvazan ku sikiyu ki Balaam, ne midlibri ku sikiyu te kegkeiza pezem keniyu ni Balak.

1 Samuel 17:43

Migkeǥiyan din si David te, “Asu e ve he mid-uwitan nu te lagkut?” Ne midrewakan din si David pinaaǥi te ngazan te ed-ezapen din.