Numero 16:30 - Manobo Western Bukidnon OT

³⁰ Iyan, emun edhimu is Nengazen te egkein-inuwan, ne ebeka is tanà he ed-eveleng kandan he uuyag duma te langun he menge azen dan pehendiyà te kelibutan te menge minatey, ne egketuenan niw he heini he menge etew inselikwey zan is Nengazen.”

Numero 16:30 Խաչաձեւ Հղումներ

Job 31:2

Su hengkey man is bales he ibeǥey te Mekeǥeǥehem he Megbevayà diyà te langit te ebeelan te etew?

Job 31:3

Kenè be kezeetan wey vangkit is para te ebaal te mezaat?

Salmo 124:3

mibpenhimetayan kiw zan en geina tenged te utew zan kegkepeuki kenitew.

Salmo 55:15

Berakat he medtik-ew mebpematey is menge kuntada ku. Berakat he evelenga sikandan te penlevengà minsan uuyag dan pa. Su ziyà te kandan is kelelalung wey ziyè daan te menge ubpeey zan.

Isaias 28:21

Siguradu he edsurung is Nengazen iring te mibeelan din diyà te Buntud he Perazim wey ziyà te Suǥud te Gibeon. Edhimuwen din is kezeetan he kunaan te menge etew zin ke kenà egkehitavù.

Isaias 43:19

su beǥu en is menge ebeelan ku. Ne neveelan en heini, wazè niw ve maahà? Ebaal a te zalan wey menge teheb diyà te disirtu.

Isaias 45:12

Iyan a mibaal te kelibutan, wey te etew he ed-ubpà kayi. Is menge velad ku iyan midempas te langit, ne kediey he suǥù is kedlepew te andew, bulan, wey menge vituen.

Isaias 45:7

Iyan a mibaal te kerayag wey kerusireman. Kediey he ketau is keupiyaanan wey kezeetan. Iyan a Nengazen, iyan a mibaal kayi te langun.

Jeremias 31:22

Keenu kew pe bes edlikù kayi te kedì, is menge anak ku he nengetazin. Ebaal a te veǥu kayi te kelibutan–iring te is bahi iyan en maan pengalang te maama.”

Ezekiel 31:14

Umbe puun guntaan, wazè en kayu he edlavew is ketawis din wey kerapung din te zuma he menge kayu, minsan wehiǥen pa is netuvuan din. Su egkepatey is langun he kayu iring te etew he ebpatey ne ebpehendiyà heini te dizalem te tanà.”

Numero 16:31

Ne hein nekepasad si Moises he egkaǥi, mibeka is tanà he nehitindeǥan ni Datan wey ni Abiram.

Numero 16:33

Uuyag sikandan is langun he mid-eveleng te tanà duma is langun he azen dan. Nekedlikuey is tanà ne nahanew sikandan puun te kezekelan.