Numero 16:17 - Manobo Western Bukidnon OT

¹⁷ Is kada sevaha zuen te 250 he menge sumusunud nu, ipeuwit nu te teleǥuey te veyewà ne peteǥui nu kandan te veyewà, he para te ibpemuhat diyà te Nengazen. Ne sikiyu ki Aaron, uwit kew zaan te tigselimbaha he teleǥuey te veyewà.”

Numero 16:17 Խաչաձեւ Հղումներ

Exodus 27:3

Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge dezekelà he tinidur he para te usa, wey is menge selevukà te vaǥa.

Ezekiel 8:11

Ne ziyà te egkesineruwan kayi edhithitindeg is 70 he menge edumala te Israel, ne is sevaha kandan iyan si Jaazania he anak ni Shafan. Is kada sevaha kandan egawed te teleǥuey te veyewà, ne edlipuwak is mekepal he evel te veyewà.

Numero 16:16

Migkeǥiyan ni Moises si Kora te, “Keeselem, sikew wey is menge sumusunud nu, hendiyè kew te etuvangan te Nengazen diyà te Tulda he Edtelevukaayan, su edhendiyà daan si Aaron.

Numero 16:18

Umbe, migkuwa is kada sevaha kandan te keugelingen din he teleǥuey ne midteǥuan din haazà te veyewà wey vaǥa, ne midhitindeg sikandan duma ki Moises wey ki Aaron diyà te gemawan te Tulda he Edtelevukaayan.

1 Samuel 12:7

Guntaan, kenè kew awà diyà te etuvangan te Nengazen he iyan is nehitindeǥan niw ǥuntaan, su idsumbung ku sikiyu. Ibpetentenuzan ku keniyu is menge keupiyaanan he mibeelan te Nengazen diyà te keniyu wey menge kepuun niw.