Leviticus 27:17 - Manobo Western Bukidnon OT

¹⁷ Emun inhalad din is bevesukè din dutun te sikan pa meipus is Tuig te Kebeǥey te Bayàbayà wey Ked-ulì, is bali kayi ne iyan ded.

Leviticus 27:17 Խաչաձեւ Հղումներ

Leviticus 27:14

Emun inhalad te etew is baley zin diyà te Nengazen, ne edsusiyen te memumuhat haazà is baley ke meupiya pe be wey ke kenè en, ne ebeliyan din heini te vali he kenè en egkahalinhalin.

Leviticus 27:16

Emun inhalad te etew ziyà te Nengazen is bahin te tanè din he nepengevilin din puun te menge kepuun din, ebeliyan heini te memumuhat te vali he ibpesikad te kezekelà te venì he igkepemula zutun te tanà: is kada egkepemulaan te liwazà te saku he venì ne iyan bali zin is 20 he vuuk he pelata.

Leviticus 27:18

Iyan emun neuǥet en is kegkeliwas dutun he tuig ne human din heini ihalad, ebeliyan heini te memumuhat te vali he mevavà dutun, sumalà te kahabet te menge tuig he nesamà he egkeume en maan is Tuig te Kebeǥey te Bayàbayà wey Ked-ulì.

Leviticus 25:10

Pekeveǥata niw is ike-50 he tuig, su timpu heini te kebeǥey te vayàbayà diyà te menge uripen su wey zan mekelikù en diyà te pemilya zan wey te ked-ulì diyà te teǥiǥaked te menge azen he ingkevelegyè din.

Leviticus 25:11

Kayi he Tuig te Kebeǥey te Bayàbayà wey Ked-ulì, kenè kew pemula wey kenè kew zaan raǥun; kenè kew penrupù te menge veǥas te ulì, piru egkehimu he ebpenguwa kew para te egkeenen niw. Segradu heini he tuig para keniyu.

Leviticus 25:13

Kayi he tuig is azen he imbelegyà diyà te keniyu iulì niw ziyà te mibelegyà duen.