Leviticus 22:32 - Manobo Western Bukidnon OT

³² Kenè niw pendezeisaya is waǥas he ngazan ku, ne kilelaa a keniyu he waǥas. Iyan a is Nengazen midsivey keniyu su wey kew mehimu he menge etew ku,

Leviticus 22:32 Խաչաձեւ Հղումներ

Leviticus 18:21

Kenè nu iveǥey is minsan hentei te menge anak nu su wey ikepemuhat diyà te ed-ezapen he si Molec, su ebpekeveǥey heeyan kedì te Megbevayè nu te keelezan. Iyan a sikan is Nengazen.

Leviticus 22:2

he keǥiya zin heini ziyà te ki Aaron wey ziyà te maama he menge kevuwazan din: Kenè niw pendezeisaya is waǥas he ngazan ku, umbe tehuza niw is menge pemuhat he ibpemuhat te menge Israilihanen kayi te kedì. Iyan a kes Nengazen.

Leviticus 10:3

Ne migkeǥiyan ni Moises si Aaron te, “Iyan heini ibpesavut te Nengazen hein migkaǥi sikandin te, ‘Kinahanglan he egkilelaan te menge memumuhat is kegkewaǥas ku, wey kinahanglan he ebeǥayan a te zengeg te langun he menge etew ku.’ ” Wazà meketavak si Aaron.

Isaias 5:16

Piru is Nengazen mulà he Mekeǥeǥehem edeliǥen tenged te kedhukum din. Pinaaǥi te metazeng he kedhukum din, ibpeehè din he waǥas sikandin he Megbevayà.

Leviticus 21:15

Pinaaǥi te kedtumana kayi te memumuhat kenà ed-isipen he meremerik is menge anak din. Iyan a is Nengazen midsivey kandin para mehimu he lavew he memumuhat.

Leviticus 21:8

Kinahanglan he segradu is ked-isipa keniyu te zuma niw he menge Israilihanen su iyan kew ebpemuhat te menge pemuhat kayi te kediey, te Nengazen, he waǥas, ne edhimuwen ku is menge etew ku he wazà igkesewayi.

Leviticus 20:8

Tumana niw is menge sulunuzen he ibpesunud ku, su iyan a is Nengazen midsivey keniyu para kedì.

Leviticus 22:16

su wey kew kenà mekesalà dutun te kegkeena niw kayi ne wazè niw televaken. Iyan a is Nengazen midsivey keniyu su wey kew mehimu he kedì.

Leviticus 22:31

Tumana niw is menge suǥù ku. Iyan a kes Nengazen.

Leviticus 22:33

wey mibpeǥawas a keniyu puun te Ehipto su wey a mehimu he Megbevayè niw. Iyan a kes Nengazen.

Isaias 8:13

Siak, is Nengazen he Mekeǥeǥehem, kinahanglan he egkilelaan a keniyu he waǥas. Iyan a ereg he egkehendekan niw.