Leviticus 16:22 - Manobo Western Bukidnon OT

²² Umbe, ed-uwiten dutun te kambing is langun he salà te menge Israilihanen diyà te sibsivayan.

Leviticus 16:22 Խաչաձեւ Հղումներ

Micas 7:19

Egkeumanan key kenikew egkehizuwi ne id-awè nu is langun he menge salè dey. Iring dà te edtekutakan nu heini ne idtimbag nu ziyà te kezeleman te zaǥat.

Salmo 103:12

Ke sengemenu keziyù is edsilaan diyà te edsenlepan, iyan daan kebpekeziyua zin kenitew puun te menge salè tew.

Salmo 103:10

Wazè kiw zin siluti te silut he zait te menge salè tew. Wazè kiw zin belesi te sungkad te kelelalung tew.

Ezekiel 18:22

Kenà en sikandin edsukutan tenged te langun he menge salà he nehimu zin te nehuna he timpu, tenged te mibeelan din he metazeng ebpedayun is kegkeuyag-uyag din.

Leviticus 16:21

Ne idampè din is dezuwa he velad din diyà te ulu zuen te kambing ne idtug-an din is langun he menge salà wey kedsupak te menge Israilihanen. Pinaaǥi kayi ebpekahalin is menge salè dan diyà te ulu zutun te kambing. Ne ibpepaawà ni Aaron haazà is kambing diyà te sibsivayan te etew he midseriǥan te kebaal kayi.

Leviticus 16:23

Ne edseled si Aaron dutun te tulda ne edluwasen din is bisti zin he visti te lavew he memumuhat he imbivisti zin hein wazè pa sikandin medseled diyà te Utew Segradu he Lugar, ne idtaǥak din heini zutun te tulda.

Ezekiel 4:4

“Kegkepasad nu kayi, hizeǥè ka he edtengkilid dapit te givang nu. Simbulu heini he edtiangen nu is salà te menge etew te Israel. Tianga nu is salè dan seled te kahabet te menge andew te kedhizeǥè nu.

Leviticus 14:7

Ne haazà is wahig he zuen duen lengesa ne ibpirik din te kepipitu ziyà te etew he neulian te zaru zin te lundis, ne kegkepasad ibpeseyuzan din he lumpiyu en haazà is etew. Ne ibpaawà dutun te memumuhat sikan is uuyag he tagbis.