Leviticus 14:18 - Manobo Western Bukidnon OT

^18-20 Ne is egkesamè pa zuen te lana ziyà te palad duen te memumuhat, ne izazas duen te etew ziyà te ulu zin. Ne ibpemuhat dutun te memumuhat sikan is pemuhat he para idlumpiyu. Ne kegkepasad, edlepaan duen te memumuhat sikan is pemuhat he edtutungen ne ibpemuhat din heini ziyà te pemuhatà duma zuen te pemuhat he para gasa. Ne pinaaǥi kayi te ebeelan te memumuhat diyà te etuvangan te Nengazen, egkaawà is keremerik dutun te etew ne egkehimu en sikandin he lumpiyu.

Leviticus 14:18 Խաչաձեւ Հղումներ

Leviticus 4:26

Ne tutunga zin is langun he tavà diyà te pemuhatà iring ded te ebeelan duen te tavà te ibpemuhat he uyaǥen he pemuhat he para te meupiya he kedepità. Pinaaǥi te kebeeli kayi te memumuhat, egkevelukasan is etew puun te salè din, ne ebpeseyluwen sikandin te Nengazen.

Leviticus 8:12

Ne mibpetiǥisan din te lana is ulu ni Aaron he paaǥi te kebpehinunguza kandin diyà te Nengazen.

Leviticus 5:16

Ne ǥawas dutun te kerehidu, kinahanglan he ebeyazan din sikan is wazè din ikeveǥey te Nengazen, ne umani zin pa te 20 pursintu is bali zutun te wazè din ikeveǥey. Ne iveǥey zin haazà is langun diyà te memumuhat he iyan ebpemuhat duen te kerehidu para mevelukasi sikandin te salè din, ne ebpeseyluwen sikandin te Nengazen.

Leviticus 4:31

Ne kuwaa zin is langun he tavà duen te kambing iring te ebeelan duen te pemuhat he uyaǥen he pemuhat he para te meupiya he kedepità. Ne kegkepasad dutun, tutunga zin is tavà diyà te pemuhatà he mehemut he pemuhat he ebpekepenunuat te Nengazen. Ne pinaaǥi kayi te ebeelan te memumuhat, egkevelukasan is etew puun te menge salè din, ne ebpeseyluwen sikandin te Nengazen.

Exodus 29:7

Kuwa ka te lana he para zà te idlana te ebpilien ku, ne ilana nu ziyà te ulu ni Aaron.

Leviticus 14:17

Ne sikan is egkesamà dutun te lana ziyà te palad din, ne idazas din daan dutun te etew zuen te mibpendezasan din te lengesa; izazas din heini ziyà te kewanan he telinga zuen te etew, wey te tindezekelà te kewanan he velad din wey paa.

Numero 15:28

Ibpemuhat heini te memumuhat diyà te etuvangan ku su para mevelukasi haazà he etew tenged te salè din he wazè din tivevaa ne ebpeseyluwen ku sikandin.

Leviticus 4:35

Ne kuwaa zin is langun he tavà duen te kerehidu iring te ebeelan duen te pemuhat he kerehidu he pemuhat he para te meupiya he kedepità. Ne kegkepasad dutun, tutunga zin is tavà diyà te pemuhatà duma te zuma he menge pemuhat pinaaǥi te hapuy para te Nengazen. Pinaaǥi kayi te ebeelan te memumuhat, egkevelukasan is etew puun te salè din, ne ebpeseyluwen sikandin te Nengazen.