Josue 9:13 - Manobo Western Bukidnon OT

¹³ Heini is lundis he teleǥuey zey beǥu pa heini hein midteǥuan dey te vinu, iyan, guntaan egkevindas en. Is menge visti zey wey menge sandalyas dey ne nengezaan en tenged te kegkeuǥet te kedhipanew zey.”

Josue 9:13 Խաչաձեւ Հղումներ

Deuteronomio 29:5

Seled te 40 he tuig te kebpenguluwi ku keniyu ziyà te sibsivayan, wazà mezaan is menge visti niw wey menge sandalyas niw.

Josue 9:12

Ahaa niw man heini is uwiten dey he supas. Meinit pa heini te kegenat dey, piru ǥuntaan mibmezesen en ne nengepugpug en.

Josue 9:14

Midsusi te menge Israilihanen haazà is menge lutù dan piru wazà sikandan mebpekisambag te Nengazen ke hengkey is ereg he ebeelan dan.

Josue 9:4

neuyun dan he edterteruan dan si Josue. Impehendiyè dan te ki Josue is menge etew he zuen dan menge asnu he migkergahan te zaan he menge saku wey nengevindas wey menge tinepikan he lundis he teleǥuey te vinu.

Josue 9:5

Midsesendalyas daan sikandan te menge tinepikan wey mibivisti te utew en daan he menge visti. Memaza wey egkengepugpug en is menge supas he lutù dan.