Josue 6:1 - Manobo Western Bukidnon OT

¹ Mibpurungan lekevi is Jerico te menge meǥinged duen su wey kenà mekeseled is menge Israilihanen. Wazà ebpekeseled wey ebpekeǥawas dutun te inged.

Josue 6:1 Խաչաձեւ Հղումներ

2 Samuel 10:5

Egkeeled dan he ed-ulì. Hein netuenan ni David is nehitavù te menge sakup din, ne midsuǥù sikandin te menge menunudtulà he ebpekeǥiyan haazà is menge sakup din te diyè dan dà dèpa te Jerico taman te ebmelayat haazà is menge sumpè dan, ne human dan med-ulì.

2 Hadì 17:4

Ne hein neuǥet wazè en mebayad si Hoshea te vuhis he iring duen te nehuna he kada tuig is kebayad din, ne mibpetavang sikandin ki Hadì So he hadì te Ehipto. Ne hein netuenan ni Shalmaneser he midluib si Hoshea, midakep din ne mibpirisu zin.

2 Hadì 2:4

Migkaǥi en maan si Elias diyà te ki Elisha te, “Kayi ke zà, su ibpehendiyà a te Nengazen te Jerico.” Ne mid-uman medtavak si Elisha te, “Ebpenangdù a ziyà te uuyag he Nengazen wey ziyà te kenikew he kenà a edsuwey kenikew.” Umbe mibpezumehè dan en diyà te Jerico.

Salmo 127:1

Emun kenà edtavang is Nengazen te kedtukud te valey, ne kenà ebpulus is kahaǥù te midtukud kayi. Emun kenà ebentayan te Nengazen is inged, ne kenà ebpulus is kebentayi kayi te menge vantey.

Josue 16:7

Puun te Janoa impetupang heini ziyà te Atarot wey Naara, he ebpekevayà te Jerico pehendiyà te Wahig he Jordan.

Josue 18:21

Iyan heini zezekelà he menge inged he imbeǥey ziyà te tribu ni Benjamin he mibahin diyà te kada pemilya zan: Jerico, Bet Hogla, Emek Keziz,

Josue 2:1

Ne zutun meeles he midsuǥù ni Josue is dezuwa he etew puun te kampu te menge Israilihanen diyà te Shitim su para mekepeniid diyà te Canaan, lavew en te inged he Jerico. Ne hein nekeuma ziyà te Jerico haazà is dezuwa he meniniid, ne ziyè dan medateng te valey ni Rahab; heini he vahi ebelegyà te zengeg din.

Josue 2:24

Migkaǥi sikandan te, “Tutuu iyan he imbeǥey kenitew te Nengazen is tivuuk he tanà. Is langun he etew zutun ne nengahandek kenitew.”

Josue 2:7

Ne midtelukunan diyà te ǥawas duen te menge midsuǥù te hadì sikan is dezuwa he meniniid. Kegawas dan duen te pultahan ne midlekevan dan heini. Ne nekeuma zan diyà te repasan diyà te Wahig he Jordan.

Josue 5:15

Ne midtavak haazà is peremandar te menge sundaru te Nengazen te, “Pul-uta nu is sandalyas nu su segradu he lugar heini is nehitindeǥan nu.” Ne midtuman ni Josue haazà is insuǥù kandin.

Josue 6:2

Migkaǥi is Nengazen diyà te ki Josue te, “Ibpesakup ku keniyu is Jerico ragkes is hadì kayi wey menge sundaru.