Josue 5:11 - Manobo Western Bukidnon OT

¹¹ Ne hein nepawà, nemengaan sikandan te sinandag he trigu wey supas he wazè din tapey he iyan kes menge abut dutun te tanà.

Josue 5:11 Խաչաձեւ Հղումներ

Leviticus 23:14

Emun wazè niw pa heini ikepemuhat, ne kenè kew pa megkaan te minsan hengkey he kelasi te keenen he zuma te beǥu he midraǥun niw, mehilew man heini etawa sinandag etawa midlutù he supas. Heini he sulunuzen, kinahanglan he tumana niw taman te huziyan he lapis te menge kevuwazan niw, minsan hendei kew ed-ubpà.

Leviticus 23:6

Ne ike-15 he andew zutun he vulan, ebpuun daan is Pista te Supas he Wazè din Tapey. Pitu he andew heini he pista, ne zutun he menge andew kinahanglan he iyan egkeenen niw is supas he wazè din tapey.

Numero 15:19

ebpekekaan kew te sebpet kayi. Piru kinahanglan he edtapid kew zutun te para ibpemuhat niw kayi te kedì.

Josue 5:10

Ne zutun te kegkampu te menge Israilihanen diyà te Gilgal, he ziyà te suǥud te Jerico, midsilibra zan is Pista te Kedlavey te Belinsuǥuen. Mibeelan dan heini hein mezukilem te ike-14 he andew te nehuna he vulan.

Josue 5:12

Ne puun dutun neengked en is kegkengeulug te ‘manna’, umbe puun dutun iyan en keuyaǥan dan is menge abut he ebpuun te tanà he Canaan.