Josue 3:16 - Manobo Western Bukidnon OT

¹⁶ ne mid-engked he edtudà haazà is wahig. Mibpundu is wahig diyà te sevaha he lugar he egngezanan te Adam, inged heini he uvey te Zaretan. Wazè en wahig he edtudà pehendiyà te Zaǥat te Araba, umbe nekelayun haazà is menge etew ziyà te lugar he uvey te Jerico.

Josue 3:16 Խաչաձեւ Հղումներ

Genesis 14:3

Heini is lelima he hadì, ne midsevaha zan is menge sundaru zan diyà te Suǥud he Sidim he iyan guntaan sikan is Daǥat he Minatey.

1 Hadì 4:12

Si Banaa he anak ni Ahilud, is gubirnedur te Taanac, Megido, te tivuuk he Bet Shean he uvey te Zaretan he alug te Jezreel, wey te menge lugar puun te Bet Shean pehendiyà te Abel Mehola wey te leyunà te Jokmeam.

1 Hadì 7:46

Mibpeveelan heini ni Hadì Solomon pinaaǥi te selsalan diyà te Suǥud te Jordan, he ziyà te pid-elangan te Sucot wey Zaretan.

Salmo 114:3

Is Daǥat he Meriǥà mibpelaǥuy te kegkaahaa zin kandin. Ne is Wahig he Jordan mid-endud.

Salmo 114:5

Maan is mibpelaǥuy is Daǥat he Meriǥà wey mid-engked te kedtudà is Wahig he Jordan?

Salmo 29:10

Is Nengazen iyan ebmandù te zalem te menge wahig; iyan sikandin kes hadì he ebmandù te wazà pidtemanan.

Salmo 33:7

Midtingeb din is wahig te zaǥat he henduen be te intaǥù diyà te gerepun etawa insavuk diyà te budiga.

Salmo 66:6

Nekehipanew is menge kepuun tew ziyà te zaǥat, su mibpengelinteuwan din he meluwis is daǥat su wey mekelepew is tanà; ne umbe edlipey kiw.

Salmo 74:15

Iyan ka mibpetudà te menge serebseb wey te menge wahig he edtudà. Iyan ka mibpemazà te menge wahig he edtudà he kenà pezem egkemezahan.

Salmo 77:19

Midlayun nu is daǥat he nemaǥel te dezekelà he menge vaǥel, piru wazè ka maahà is edsaǥad.

Salmo 78:13

Midtevì din is daǥat ne impevayè din sikandan; diyè din isavuk te pesikilizà te nezalandalan he tanà is wahig he henduen be te menge elavat.

Exodus 14:21

Ne migketeng ni Moises is belad din diyà te zivavew zutun te zaǥat, ne zutun te tivuuk he kezukileman impehiyup te Nengazen haazà is daǥat te mevandes he keramag he ebpuun diyà te edsilaan ne zutun nevahin is daǥat ne neluwisan is nezalandalan he tanà diyà te zizalem dutun te zaǥat.

Exodus 14:22

Ne zutun mebayà is menge Israilihanen, te memaza he ibayà, ne ziyà te egkekewanan dan wey egkeǥivang dan is wahig he neiring te elavet.

Exodus 14:29

Piru is menge Israilihanen nekevayà mulà sikandan dutun te zaǥat su zuen dan med-ikul te neluwisan he nezalandalan he tanà, ne ziyà te egkekewanan dan wey egkeǥivang dan is wahig he iring te elavat.

Exodus 15:8

Pinaaǥi zà te kedhiyup nu neked-untud is wahig diyà te zaǥat ne neluwisan is tanà, ne haazà is wahig melig-en is kebpekehitindeg din he neiring te zezuwa he elavat; ne mibadtik haazà.

Isaias 50:2

Maan is hendei kew vuwa hein nekeuma a? Maan is wazà midtavak te pengumawan ku? Kenè e ve ebpekehimu he edlibri keniyu? Egkehimu ku man ganì te ebpekemaza is daǥat pinaaǥi zà te kedsuǥù ku wey kedhimu te menge wahig he iring te disirtu he egkehimu he hinungdan te kebpematey te menge isdà.

Ezekiel 47:8

Ne migkaǥi sikandin kayi te kedì te, “Heini he wahig edtudà pehendiyà te tanà diyà te edsilaan petupang diyà te Araba pehendiyà te Daǥat he Minatey. Ne ebmeupiyè en is taam te Daǥat he Minatey, ne kenè en mepait.

Nahum 1:4

Pinaaǥi te kebmandù din ne egkemezahan is menge zaǥat wey menge wahig, egkengeǥangu is menge pinemula ziyà te Bashan, diyà te Buntud he Carmel, wey ziyà te Lebanon.

Habakuk 3:8

“Nengazen, iring ka te sundaru he ed-untud te kerwahi he ibpekezaag te tebek. Andam ke en he ebpanà. Piru hentei man is egkeepesan nu? Iyan be is menge wahig wey menge zaǥat? Kenà iyan is menge wahig wey is menge zagat, kekenà, iyan is menge etew he ebpemekigkuntada kenikew. Midtevì nu is tanà ne midtudà dutun is wahig.

Numero 34:3

“Is dulunà diyà te zivavà iyan is sibsivayan he Zin, he dulunà te Edom. Ebpuun heini ziyà te zapit te zivavà he edsilaan he vahin te Daǥat he Minatey.

Deuteronomio 1:1

Heini he libru mehitenged te menge lalag ni Moises diyà te langun he menge Israilihanen hein diyà sikandan te sibsivayan he zapit te edsilaan te Wahig he Jordan. Migkampu sikandan diyà te Araba he uvey te Suf, he nekepetug-elang te Paran, Tofel, Laban, Hazerot, wey Dizahab.

Deuteronomio 3:17

Is dulunà diyà te edsenlepan iyan is Araba ragkes is Wahig he Jordan, puun te Ranew te Galilea taman te Daǥat he Minatey, he ziyà te alug te Buntud he Pisga he zapit te edsilaan.

Josue 12:3

Nesakup daan te ginhedian din is dapit te edsilaan he Araba, puun te Ranew te Galilea taman te Bet Jeshimot, he zapit te edsilaan te Zaǥat te Araba, ne taman pa ziyà te zivavà he lugtenaan te Buntud he Pisga.

Josue 15:2

Is divavà he dulunà kayi he tanà, puun te egkezivavà he vahin te Daǥat he Minatey,

Josue 16:7

Puun te Janoa impetupang heini ziyà te Atarot wey Naara, he ebpekevayà te Jerico pehendiyà te Wahig he Jordan.

Josue 3:13

Ne emun ebpekeǥiek en te wahig is menge memumuhat he ebinting duen te Kavan te Kebpekid-uyun te Nengazen he iyan teǥiǥaked te tivuuk he kelibutan, ne ed-engked he edtudà is Wahig he Jordan. Is wahig he edtudà ne ebpundu ziyà te sevaha he lugar.”

Josue 4:22

tudtuli niw sikandan he memaza he tanà is midhipenawan te menge Israilihanen hein midlayun dan te Wahig he Jordan.

Josue 5:1

Netudtulan is langun he menge hadì he menge Amorihanen he ziyà te zapit te edsenlepan te Jordan wey is langun he menge hadì he menge Canaanhen he ziyà te veyvey te Mediteraneo ke mibmenumenu te Nengazen is kebpemezahi zin te Wahig he Jordan hein midlayun is menge Israilihanen. Umbe nengahandek sikandan ne naawà is kevurut dan te kebpekidtebek te menge Israilihanen.

Zatù 7:22

Ne zutun te kebpezeǥinga zuen te 300 he menge Israilihanen te menge vudyung dan, mibpengelinteuwan te Nengazen he med-uney medtebek is menge etew zutun te kampu te menge Midianhen. Is duma kandan mibpelaǥuy pehendiyà te Bet Shita he uvey te Zerera pelaus diyà te dulunà te Abel Menola he uvey te Tabat.