Josue 22:24 - Manobo Western Bukidnon OT

²⁴ “Umbe mibeelan dey heini su nahandek key he kela ke ziyà te huziyan he timpu megkaǥi is menge kevuwazan niw ziyà te menge kevuwazan dey te, ‘Hengkey is lavet niw te Nengazen he Megbevayà te Israel?

Josue 22:24 Խաչաձեւ Հղումներ

Genesis 18:19

Mibpilì ku si Abraham su wey zin ikepenurù diyà te menge anak din wey menge kevuwazan din he med-ikul zan te ibayè ku te Nengazen pinaaǥi te ked-ul-ulaha zan te metazeng wey hustu. Pinaaǥi kayi, egketuman is menge pesarig ku kandin.”

Genesis 30:33

Ne emun egkeuǥet en, egketuenan nu ke egkeseriǥan a wey ke kenà, su edsusiyen nu haazà is menge uyaǥen he insuhul nu kedì. Emun duen egkeehè nu he kambing he kevangan etawa kerehidu he kenà meitem, keǥiya nu he tinakew ku.”

Exodus 13:14

Dutun te huziyan he timpu, emun ed-insà is menge anak niw ke hengkey is ibpesavut dutun, ne ke sikiyu te, ‘Impeǥawas kiw te Nengazen puun diyà te Ehipto su midlibri kiw zin te kegkeuripena kenitew pinaaǥi te kegemita zin te ǥehem din.

Deuteronomio 6:20

“Dutun te huziyan he timpu, emun ed-insà diyà te keniyu is menge anak niw ke, ‘Hengkey is ibpesavut te menge penurù, menge sulunuzen, wey menge kesuǥuan he inmandù keniyu te Nengazen he Megbevayè tew?’

Josue 22:23

Emun midsupak dey is Nengazen pinaaǥi te kebaal zey te keugelingen dey he pemuhatà he para te menge pemuhat he edtutungen, pemuhat he para gasa, etawa menge pemuhat he para te meupiya he kedepità, berakat he iyan en medsilut kenami is Nengazen.

Josue 22:25

Midhimu te Nengazen he dulunà tew is Wahig he Jordan te kedsivaya zin keniyu puun diyà te kenami. Sikiyu is menge tribu ni Reuben wey ni Gad wazè niw lavet te Nengazen.’ Ne kela ke zewaya te menge kevuwazan niw is menge kevuwazan dey te ked-azap te Nengazen.

Josue 4:6

Ne vurvuruna niw heini ne veeli niw he munyumintu he tedeman te mibeelan te Nengazen, su para heini te huziyan he timpu, emun ed-insà is menge anak niw ke hengkey is kehuluǥan kayi he menge vatu,