Josue 15:4 - Manobo Western Bukidnon OT

⁴ ne nekevayà diyà te Azmon, he nekeikul te zal-ug he dulunà te Ehipto taman te Zaǥat he Mediteraneo. Iyan heini dulunà te Juda ziyà te zivavà.

Josue 15:4 Խաչաձեւ Հղումներ

Genesis 15:18

Ne zutun he andew, midtukud is Nengazen te kebpekid-uyun din ki Abram. Ke sikandin te, “Ibeǥey ku te menge kevuwazan nu heini he tanà. Puun diyà te wahig te Ehipto pehendiyà te zekelà he Wahig he Eufrates.

1 Hadì 8:65

Midsilibra si Solomon wey is langun he menge Israilihanen is Pista te Kebaal te menge Lawig seled te pitu he andew. Utew mezakel he menge etew is nevurun he ebpuun te Lebo Hamat he zapit te zizaya pehendiyà te zal-ug te Ehipto he zapit te zivavà. Haazà is kedsilibra zan diyà te etuvangan te Nengazen he Megbevayè dan 14 he andew pudu, pitu he andew is para te kebpehinunguza zuen te valey te Nengazen, ne pitu zaan he andew is kedsilibra he para zuen te Pista te Kebaal te menge Lawig.

Exodus 23:31

“Is egketemanan te tanà he ibpaangken ku keniyu ne ebpuun diyà te Zaǥat he Meriǥà pehendiyà te Zaǥat he Mediteraneo, wey ebpuun te disirtu pehendiyà te Wahig he Eufrates. Ebpengelinteuwan ku he mezaag niw is menge etew he ed-ubpà keniyan he tanà su wey niw sikandan mesegseg.

Isaias 27:12

Emun egkeume en haazà, edtiǥumen te Nengazen is menge Israilihanen puun te Wahig he Eufrates taman te zal-ug te Ehipto he iring te kedtiǥum te ginunas he trigu.

Numero 34:5

ne ebulegkù pehendiyà te zal-ug te Ehipto, ne edunggù diyà te Zaǥat he Mediteraneo.

Josue 13:3

he sakup te menge Canaanhen. Heini puun te wahig he Shihor ziyà te zapit te edsilaan he vahin te Ehipto taman te zulunà te Ekron diyà te zizaya, ragkes en is lelima he menge inged te menge Filistihanen he: Gaza, Ashdod, Ashkelon, Gat, wey Ekron. Elin is tanà te menge Aybihanen

Josue 15:3

pehendiyà te egkezivavà te Beyeey te Akrabim taman te sibsivayan he Zin, pehendiyà heini te egkezivavà te Kadesh Barnea, ebpekevayà heini te Hezron petekezeg diyà te Adar, ne mibulegkù pehendiyà te Karka,

Josue 15:47

Neragkes daan kayi is Ashdod wey Gaza, wey is malù dezekelà wey is dezeisey he menge inged kayi taman te wahig he dulunà te Ehipto wey te veyvey te Zaǥat he Mediteraneo.