Ne migkaǥi is Nengazen diyà te ki Josue te, “Kenè ka mahandek etawa luyahi. Tiguma nu is langun he menge sundaru nu ne umani niw surunga is Ai, su ebpeveyveyaan ku en kenikew is hadì te Ai, is menge etew zin, is inged din, wey is tanè din.
Is langun he menge maama ziyà te Ai wey ziyà te Betel midal-as dan is menge Israilihanen, umbe wazà nesamà he ebpekidtebek para kenà maaǥew haazà is inged.
