Josue 10:16 - Manobo Western Bukidnon OT

¹⁶ Nemelaǥuy sikan is lelima he hadì ne mid-eles dan diyà te surung he Makeda.

Josue 10:16 Խաչաձեւ Հղումներ

Salmo 68:12

“Nemelaǥuy is menge hadì wey is menge sundaru zan, ne is menge azen dan mibahin te menge vahi he tig-Israel.

Salmo 68:13

Minsan sikan is mibpetaǥak diyà te tudil te menge kerehidu nekezawat te vahin he menge ledawan he merepatik, he is menge pakpak dan mid-epizan te pelata ne mid-epizan te lunsey he vulawan is purù dutun te pakpak dan.”

Amos 9:2

Minsan med-eles pa sikandan diyà te zizalem te tanà, he ziyà te lugar te menge minatey, egkuwaan ku sikandan dutun. Minsan mebpemenahik pa sikandan diyà te langit, eguyuzen ku sikandan pehendiyà te zizalem.

Micas 7:17

Edula zan diyà te tanà iring te uled tenged te kegkeeled dan. Egawas sikandan diyà te elesè dan is egkerkeren tenged te kegkahandek dan kenikew, te Nengazen he Megbevayè dey.

Josue 10:15

Ne midlikù si Josue wey is langun he menge Israilihanen diyà te kampu zan diyà te Gilgal.

Josue 10:17

Iyan, duen nekaahà he mid-eles sikandan dutun, ne midtudtul zin haazà ki Josue.

Josue 10:5

Umbe, midsevaha heini is lelima he hadì te menge Amorihanen: is hadì te Jerusalem, Hebron, Jarmut, Lakish, wey Eglon. Midtiǥum dan is menge sundaru zan ne midsurung dan is Gibeon.

Zatù 6:2

Utew mesipala is menge Midianhen, umbe nepeǥes is menge Israilihanen te ked-eles diyà te menge vuvungan, menge surung, wey zuma pa he egkehimu he ed-elesan.

1 Samuel 13:6

Ne hein naahà te menge Israilihanen he dilikadu zan, ne nen-eles dan diyà te menge surung, wey ziyà te menge budsi, wey ziyà te menge nekesungkarub he menge vatu, wey ziyà te menge kalut.

1 Samuel 24:3

Nekeuma si Saul zuen te tudil te menge kerehidu he kilid te zalan he zuen dutun surung. Midseled dutun si Saul su ebpekeindes. Dutun bes te surung med-eles si David wey is menge sakup din.

1 Samuel 24:8

Ne migawas si David dutun te surung ne mid-umew zin si Saul, “Mahal he Hadì!” Midlilingey si Saul, ne midluhud si David su edtahud kandin.