Josue 10:12 - Manobo Western Bukidnon OT

¹² Dutun te andew he mibpengelinteuwan te Nengazen he mezaag te menge Israilihanen is menge Amorihanen, mid-ampù si Josue ziyà te Nengazen diyà te etuvangan te menge Israilihanen, ke sikandin te: “Nengazen, ipepundu nu is andew ziyà te zivavew te Gibeon, wey ipepundu nu is bulan diyà te Suǥud he Ayalon.”

Josue 10:12 Խաչաձեւ Հղումներ

2 Samuel 2:12

Sevaha zutun he andew, midhendiyà si Abner te Gibeon is ebpuun diyà te Mahanaim he zuma zin is menge sakup ni Ishboshet.

2 Hadì 20:10

Midtavak si Hezekia te, “Layun edlaus is alung. Umbe ipeendud nu te sepulù he sigundu is alung!”

2 Hadì 20:11

Umbe nengemuyù si Isaias diyà te Nengazen, ne impeendud te Nengazen te sepulù he sigundu is alung diyà te urasan he mibpeveelan ni Ahaz.

2 Hadì 20:9

Midtavak si Isaias te, “Iyan heini tuus he ibpaahà te Nengazen he tutuu he edtumanen din heini is insaad din he egkeulian ka. Pilì ka kayi te zezuwa: edlaus te sepulù he sigundu is alung diyà te urasan etawa ed-endud te sepulù he sigundu?”

1 Cronica 8:13

si Beria wey si Shema. Iyan heini menge pengulu te menge pemilya zan he ziyà ed-ubpà te Ayalon. Ne midsegseg dan is menge meǥinged diyà te Gat.

2 Cronica 11:10

Zora, Ayalon, wey Hebron. Iyan heini vinerengbeng he menge inged diyà te Juda wey Benjamin.

Job 9:7

Pinaaǥi zà te kebmandù din ne egkehimu he kenà edsilà is andew wey kenà edsiǥa is menge vituen.

Salmo 148:3

Deliǥa niw sikandin, andew, bulan, wey menge vituen.

Salmo 19:4

ne ebpekeuma ziyà te minsan hendei kayi te kelibutan is tudtul zan; nekeeneb heini ziyà te minsan hendei. Mibeelan te Megbevayà diyà te kewkewangan is egkesevukan te andew.

Salmo 74:16

Iyan ka mibaal te maandew wey mezukilem, iyan ka midsavuk te andew wey vulan diyà te nesevukan dan.

Isaias 28:21

Siguradu he edsurung is Nengazen iring te mibeelan din diyà te Buntud he Perazim wey ziyà te Suǥud te Gibeon. Edhimuwen din is kezeetan he kunaan te menge etew zin ke kenà egkehitavù.

Isaias 38:8

Ibpelikù ku te sepulù he sigundu is alung te andew ziyà te urasan he mibpeveelan ni Ahaz.’” Ne netuman heini.

Isaias 60:20

Iyan a egkehimu he andew nu wey vulan nu he kenà edsanlep; iyan a kerayag nu te wazà pidtemanan. Ne egketapus en is menge kemereǥenan nu.

Jeremias 28:1

Dutun te iyan ded he tuig, hein ikelima he vulan dutun te ikeepat he tuig te kedhadì ni Zedekia ziyà te Juda, is ebpeneuven he si Hanania he anak ni Azur he tig-Gibeon, migkaǥi kayi te kediey ziyà te valey te Nengazen diyà te etuvangan te menge memumuhat wey te langun he menge etew zutun. Ke sikandin te,

Amos 2:9

Piru siak, is mibeelan ku para kandan te menge tig-Israel, iyan heini: mibpendezeetan ku is menge Amorihanen, minsan pa te memelangkew heini he menge etew he henduen be te kayu he sidru wey melig-en iring te kayu he ulayan. Mibpendezeetan ku sikandan taman te wazà nesamà kandan.

Amos 8:9

Dutun he andew te kedsiluti ku keniyu, ibpesanlep ku is andew ziyà te udtuwan, umbe ebmerusirem minsan maandew pa. Iyan a, is Nengazen he Megbevayà, migkaǥi kayi.

Habakuk 2:20

Piru is Nengazen mulà, ne ziyà sikandin te segradu he ubpeey zin he ziyà te langit. Umbe is langun he kayi te kelibutan ebpereremek diyà te etuvangan din.’ ”

Habakuk 3:11

Mibpundu is andew wey is bulan tenged te hagyung te menge vesut te panè nu wey kesinew te ed-ilak-ilak he vangkew nu.

Zacarias 2:13

Ebmelinawen is langun he menge etew ziyà te etuvangan te Nengazen, su ebpekeuma sikandin puun te segradu he ubpeey zin.

Deuteronomio 17:3

wey midsupak te suǥù din pinaaǥi te ked-azap din te selakew en he ed-ezapen etawa andew etawa vulan etawa menge vituen.

Deuteronomio 4:19

Kinahanglan he kenè kew egke-iniyat he edsimba te egkengeehè niw ziyà te langit–andew, bulan wey menge vituen. Insavuk heini te Nengazen he Megbevayè niw he para te tivuuk he keet-etawan kayì te kelibutan.

Josue 10:13

Umbe, midpundu is andew wey is bulan taman te nezaag te menge Israilihanen is menge kuntada zan. Heini he hitavù ingkesurat diyà te Libru ni Jashar. Mibpundu is andew ziyà te tengàtengà te langit, ne wazà heini medsanlep te senge andew.

Josue 19:42

Shaalabin, Ayalon, Itla,

Zatù 12:12

Ne hein minatey en sikandin, inleveng sikandin diyà te Ayalon he sakup te Zebulun.

Zatù 5:20

Kenà iyan dà nekidtebek engki Sisera is menge Israilihanen su elin is menge vituen.

1 Samuel 12:18

Ne zutun mibuyù si Samuel ziyà te Nengazen, te haazà he andew, imperuǥung wey impeuzan te Nengazen. Nengahandek dutun is menge etew te Nengazen wey ki Samuel.

1 Samuel 14:31

Dutun he andew is menge Israilihanen, te nezaag dan en is menge Filistihanen puun te Micmash taman te Ayalon, nengeveley sikandan wey nengevitil utew.