Jonas 4:5 - Manobo Western Bukidnon OT

⁵ Ne zutun midhipanew si Jonas pehendiyà te zapit te edsilaan dutun te inged he Nineve. Ne hein nekeuma zutun, midlelawig sikandin, ne zutun sikandin mebpimpinuu is edhelung. Su ebpeseseǥazen din ke hengkey is egkeulaula zutun te inged.

Jonas 4:5 Խաչաձեւ Հղումներ

1 Hadì 19:13

Ne hein nezineg haazà ni Elias, midtembunan din is buked din te samput ne migawas sikandin ne midhitindeg diyà te vèbà dutun te surung. Ne zutun duen laǥeng he migkaǥi te, “Elias, hengkey is baal nu kayi?”

1 Hadì 19:9

Midseled sikandin diyà te sevaha he surung ne zutun sikandin medlipezeng hein mezukilem en. Dutun migkaǥi is Nengazen diyà te ki Elias te, “Hengkey is baal nu kayi?”

Isaias 57:17

Nepauk a tenged te salà wey keleleǥed te menge tig-Israel, umbe midsilutan ku sikandan wey mid-iniyuǥan. Piru mibpedayun dan gihapun te kebaal te salà.

Jeremias 20:9

Usahay ebpekekaǥi a te kenà ad egkaǥi mehitenged kenikew wey ebpenudtul te menge lalag nu. Piru kenè ku egkeeǥen, su is menge lalag nu henduen be te hapuy he egkeregreg diyà te gehinawa ku wey menge tulan ku. Neveley a te ked-eǥen kayi para kenè ku pezem mekaǥi.

Jonas 1:5

Ne tenged te utew nengahandek is menge terebahanti, ne is kada sevaha kandan mid-ampù diyà te kandin he menge ed-ezapen. Ne impenimbag dan en is menge karga zutun te varku su wey mebmahagkap. Ne si Jonas mulà, nehurep diyà te zizalem he vahin te varku.

Jonas 4:4

Ne midtavak is Nengazen. Ke sikandin te, “Kenè ka engayan he egkepauk tenged kayi te mid-ulaula ku.”

Jonas 4:6

Ne mibpengelinteuwan te Nengazen he Megbevayà, he medtuvù dutun te uvey ni Jonas is tevayag he segugunà ebpenguyabpat su wey melembungi si Jonas. Ne haazà neketavang ki Jonas ne utew sikandin nelipey.