Jonas 3:8 - Manobo Western Bukidnon OT

⁸ Is langun kinahanglan he mebivisti te saku, wey kinahanglan daan he ebelhenan te saku is menge uyaǥen. Kinahanglan he med-ampù diyà te Megbevayà is uman sevaha te ked-ampù he utew hustu. Ne kinahanglan daan he engkezi te uman sevaha is mezaat he menge ulaula wey kebpendaagdaag.

Jonas 3:8 Խաչաձեւ Հղումներ

Job 16:17

Wazà neveelan ku he salà, wey tinutuuwà is ked-ampù ku.

Job 36:10

Ibpepemineg din sikandan te petizaan din, wey idsuǥù din kandan is ked-engked te kelelalung dan.

Isaias 58:6

Is kelasi te puasa he egkesuatan ku iyan is puasa he egkezumahan te metazeng he ulaula: Engkezi niw is kebpendaagdaag wey kebpepirisu te menge wazà mekesalà, wey libriya niw is menge edèdaaǥen.

Jeremias 18:11

“Umbe keǥiyi nu is menge etew ziyà te Jerusalem he iyan heini migkaǥi ku: ‘Pemineg kew! Mid-andam ku is mibpelanuwan ku he kezeetan para keniyu. Umbe engkezi niw en is mezaat he vetasan niw. Beǥuwe en te kada sevaha keniyu is menge vetasan din wey menge ulaula zin.’

Jeremias 25:5

Migkaǥi is Nengazen pinaaǥi te menge ebpeneuven din te, “Engkezi niw en is mezaat he menge vetasan niw wey menge ulaula niw su para meubpai niw taman te taman heeyan is tanà he imbeǥey ku keniyu wey te menge kepuun niw.

Jeremias 26:3

Su kela ke mebpemineg ded sikandan kenikew ne ed-engkezan dan is mezaat he vetasan dan. Su emun ebeelan dan heeyan, ne kenè ku edleusen is kezeetan he mibpelenuwan ku te ebaal ziyà te kandan tenged te mezaat he menge vaal zan.

Jeremias 36:3

Su kela ke mahalin is isip te menge etew ziyà te Juda emun egkezineg dan is menge kezeetan he mibpelenuwan ku te ebaal ziyà te kandan ne ed-engkezan dan is mezaat he menge vetasan dan. Emun egkeulaula heini, ebpeseyluwen ku sikandan te kelelalung dan wey menge salè dan.”

Ezekiel 33:11

Ne ǥuntaan keǥiyi nu sikandan he siak, is Nengazen he MEGBEVAYÀ he uuyag, migkaǥi a he kenà a egkelipey emun duen ebpatey he lalung he etew. Iyan suat ku he engkezi zan is mezaat he menge vaal zan su wey zan meuyag-uyag. Umbe sikiyu is menge etew te Israel, engkezi niw en is mezaat he menge vaal niw. Maan is egkesuat kew he ebpatey?

Daniel 4:27

Umbe, deyzey ke edewaten nu is sambag ku kenikew, Mahal he Hadì: Engked ka he ebaal te salà ne metazeng is beeli nu wey kehizuwi nu is menge pubri. Emun ebeelan nu heeyan ne kela ke ebmeuswaǥen ka ǥihapun.”

Joel 1:14

Keǥiyi niw is menge edumala te Juda wey is langun he meǥinged kayi, he medtiǥum dan is langun diyà te valey te Nengazen he Megbevayè niw ne mebpuasa zan. Mebuyù dan te tavang diyà te Nengazen.

Jonas 1:14

Umbe, midhangyù dan diyà te Nengazen he ke sikandan te, “He Nengazen, kenè nu himuwa he mebpatey key tenged te kebpatey kayi te etew pinaaǥi te kedtimbaǥa zey kandin diyà te zaǥat. Kenè key kenikew siluti tenged te kegkehimetayi zey kandin, su heini is nehitavù, Nengazen, kenikew he ulaula su midhimu nu is egkesuatan nu.”

Jonas 1:6

Ne midhendiyà te kandin is kepitan dutun te varku. Ke sikandin te, “Maan is iyan nu zà is kedlipezeng nu? Enew ka, wey medhangyù diyà te kenikew he ed-ezapen. Su kela ke mehizuwi kiw zin ne kenè kiw zed egkeǥerà.”