Joel 3:8 - Manobo Western Bukidnon OT

⁸ Ibelegyè ku is menge anak niw ziyà te menge etew te Juda, ne ibelegyè dan haazà diyà te menge tig-Saba, he ed-ubpà diyà te meziyù he lugar. Egkehitavù heini, su iyan a, is Nengazen, is migkaǥi kayi.”

Joel 3:8 Խաչաձեւ Հղումներ

Job 1:15

ne midtik-awan key surunga te menge Sabyanhen. Mibpen-uwit dan is menge uyaǥen nu, ne mibpenhimetayan dan is menge suluǥuen nu. Ne sebsevaha ku zà te nekepelaǥuy para te kedtudtul kenikew.”

Salmo 72:10

Berakat he is menge hadì diyà te Tarshish, menge pulu, wey te Sheba, ebeǥey ziyà te kandin te menge ǥasa te kebpekilala he ebpesakup sikandan kandin.

Isaias 60:14

Is menge kevuwazan te menge midaagdaag kenikew, ed-uvey ziyà te kenikew is edunghuy. Edluhud diyà te uvey te menge paa nu is menge midsudì kenikew, ne egngezanan ke zan he ‘Inged te Nengazen,’ etawa ‘Zion he Inged te Waǥas he Megbevayà te Israel.’

Jeremias 30:16

“Piru is langun he midezaat keniyu edezeetan daan; is langun he menge kuntada niw ebihaǥen. Is langun he midsurung keniyu wey mid-aǥew te menge azen niw ne edsurungen daan, ne ed-eǥawen is menge azen dan.

Jeremias 6:20

Kenè ku ebeliyen is edtutungen dan he veyewà he ebpuun pa te Sheba, wey is menge pehemut he ebpuun pa ziyà te meziyù he lugar. Kenè ku egkezawat is menge pemuhat dan he edtutungen. Is menge pemuhat dan kenà ebpekelipey kedì.

Ezekiel 23:42

Egkezineg puun te ruǥu zan is keǥurub te egkengelangut wey kedlipeylipey te menge etew, he ebpemuun diyà te sibsivayan. Midrintian wey migkurunahan sikandan kayi te menge etew.

Ezekiel 38:13

“Egkaǥi ziyà te kenikew is menge etew ziyà te Sheba wey Dedan, wey is menge nigusyanti ziyà te menge inged diyà te Tarshish te, ‘Midtiǥum nu en be is menge sundaru nu su para ed-eǥawen en is menge pelata, menge vulawan, menge uyaǥen wey menge azen te menge Israilihanen?’ ”

Deuteronomio 32:30

Ebmenmenuwen man te kedal-as te sevaha he etew is nengkelibu he menge Israilihanen? Ebmenmenuwen te zezuwa he etew he melupig dan is sepulù he libu ziyà te kandan? Eghimu zan dà haazà emun idtuǥut kandan te Nengazen he iyan endilungè dan he iring te vatu.

Zatù 2:14

Ne tenged te pauk te Nengazen te menge Israilihanen, mibey-anan din sikandan he surunga te menge tulisan he egkuwa te menge azen dan.

Zatù 4:2

Umbe, impesakup en maan sikandan te Nengazen ki Hadì Jabin he Canaanhen, he midhadì diyà te inged he Hazor. Is pengulu te menge sundaru ni Jabin iyan si Sisera he meǥinged diyà te Haroshet Hagoyim.

Zatù 4:9

Midtavak si Debora te, “Uya, eduma a kenikew; iyan, kenà kenikew is dengeg su vahi is ebpengelinteuwan te Nengazen he ebpekezaag ki Sisera.” Ne miduma si Debora ki Barak ne midhendiyè dan te Kedesh.