Joel 2:17 - Manobo Western Bukidnon OT

¹⁷ Is menge memumuhat he ebpenilbi te Nengazen, medsineǥew sikandan diyà te pid-elangan te pemuhatà wey varkun duen te valey te Nengazen, ne med-ampù dan te iring kayi: “Nengazen, kehizuwi nu is menge etew he ǥaked nu. Kenè nu ituǥut he ebpeel-elezan sikandan wey edsudien te menge etew ziyà te zuma he menge nasyun pinaaǥi te kegkaǥi te, ‘Hendei en be is Megbevayè niw?’ ”

Joel 2:17 Խաչաձեւ Հղումներ

1 Hadì 6:3

Is keluag te varkun din, 15 he ǥiek, is keluǥayad 30 he ǥiek; iring keluǥayad duen te valey.

1 Hadì 9:7

ne ibpaawè ku sikiyu kayi te tanà he imbeǥey ku keniyu, ne ebeleǥazen ku heini is baley ku he iyan mibpilì ku he lugar he kayi a ebeǥayi te zengeg. Ne ed-un-undahan wey ed-engitan te langun he menge etew is Israel.

2 Cronica 7:20

ne ibpaawè ku sikiyu kayi te tanà he imbeǥey ku keniyu, ne ebeleǥazen ku heini is baley ku he iyan mibpilì ku he lugar he kayi a ebeǥayi te zengeg. Ne ed-un-undahan wey ed-engitan te menge etew.

2 Cronica 8:12

Ne mibpemuhat si Solomon te pemuhat he edtutungen para te Nengazen dutun te pemuhatà he mibeelan din diyà te etuvangan te varkun te valey te Nengazen.

Nehemias 9:36

Iyan heini hinungdan ke maan is menge uripen key ǥuntaan kayi te tanà he imbeǥey nu te menge kepuun dey, ne kayi zan mekekaan te menge abut kayi wey zuma pa he meupiya he menge pruduktu kayi.

Salmo 115:2

Maan is mid-insultuwan key te zuma he menge nasyun pinaaǥi te kegkaǥi te, “Hendei en is Megbevayè niw?”

Salmo 42:10

Henduen be te nerupet en is menge tulan ku tenged te kebpeel-elezi zan kedì. Egkeǥiyan e zan te, “Hendei en be is Megbevayè nu he edtavang kenikew?”

Salmo 42:11

Maan is egkeseeng a wey egkeǥiyaǥiya? Te ereg e man he edsarig kenikew, ne ed-umanan ku sikew edeliǥa is menluluwas ku he Megbevayè ku.

Salmo 42:3

Maandew wey mezukilem is kebpekesineǥew ku ne samè dà kenè ku meinum is luhè ku, ne zutun edtulung ed-insà is menge etew te, “Hendei en be is Megbevayè nu he edtavang kenikew?”

Salmo 42:4

Kenà meupiya is isip ku emun egketenuzan ku he zutun te nehuna he timpu iyan a nengulu te mezakel he menge etew te kedhendiyà te valey nu. Ne edsilibra key zuma is ked-ugyab te kegkelipey wey kebpeselamat kenikew.

Salmo 74:10

He Megbevayà, sengemenu keluǥayad is kebpeel-elezi te kuntada zey kenikew? Taman en be te taman is ked-un-undaha zan kenikew?

Salmo 79:10

Kenè nu itugut he ebpekekaǥi ziyà te kenami is menge etew ziyà te zuma he menge nasyun te, “Hendei en is Megbevayè niw?” Ipeehè nu kenami is penimales nu te menge nasyun tenged te kebpenhimetayi zan te menge etew nu he menge suluǥuen nu.

Salmo 79:4

Ebpeel-elezan key wey edsudien key te menge nasyun he nekeliǥuy kenami.

Salmo 89:41

Is menge azen dutun te inged din ne mibpenguwa te menge sumeseǥazà. Mibpeel-elezan sikandin te kesikbit din he menge nasyun.

Salmo 89:51

Iyan, is menge kuntada nu, Nengazen, edsudì te pinilì nu he hadì minsan hendei sikandin ebayà.

Exodus 34:9

Ne ke sikandin te, “Nengazen, ke tutuu he nekepenunuat a kenikew, ne edhengyuan ku sikew he zumahi key kenikew. Utew mesinupaken haazà is menge etew piru peseyluwa nu is mezaat he menge ulaula zey wey menge salè dey, ne zewata key kenikew he menge etew nu.”

Isaias 22:12

Dutun he andew mid-umew kew te Nengazen he MEGBEVAYÀ he Mekeǥeǥehem su ibperuǥur kew zin wey ibpesineǥew. Migkeǥiyan kew zin he ipetuusi niw is kedlalew niw pinaaǥi te kepevangul niw wey kebivisti niw te saku.

Isaias 37:20

Umbe ǥuntaan, Nengazen he Megbevayè dey, libriya key puun te ǥehem te menge tig-Asiria, su para metueni te langun he ginhedian kayi te kelibutan he iyan ke zà Nengazen he Megbevayà.”

Ezekiel 20:9

Piru wazè ku heini himuwa, su midlevanan ku is dengeg ku su wey a kenà mependezeisey te menge etew ziyà te menge nasyun he nekeelingkus te Israel su netuenan dan he impahayag ku ziyà te menge Israilihanen he ibpeǥawas ku sikandan puun te Ehipto.

Ezekiel 8:16

Ne mid-uwit e zin diyà te seled he lama duen te valey te Nengazen. Ne ziyà te ǥemawan te valey te Nengazen he ziyà te pid-elangan te varkun wey pemuhatà, duen 25 he menge etew. Ed-iniyug sikandan duen te valey te Nengazen he edsinaru ziyà te edsilaan su ed-ezapen dan is edsilà he andew.

Hoseas 14:2

Likù kew ziyà te Nengazen ne kaǥi kew ziyà te kandin te, ‘Nengazen, peseyluwa nu is langun he menge salè dey, ne zewata key kenikew tenged te keupiya nu, su wey key mekepemuhat kenikew te menge kedalig he ebpuun te menge vèbè dey.

Joel 1:13

Sikiyu is menge memumuhat he ebpenilbi ziyà te pemuhatà he para te Megbevayè ku, bivisti kew te saku ne hendiyè kew te valey te Nengazen ne sineǥew kew seled te tivuuk he kezukileman. Su wazè en menge trigu wey menge vinu he igkepemuhat diyà te valey te Megbevayè niw.

Joel 1:9

Su wazè en trigu wey vinu he igkepemuhat diyà te valey te Nengazen; umbe edlalew is menge memumuhat he ebpenilbi te Nengazen.

Amos 7:2

Ne zutun migkaan te terapan is langun he pinemula, ne wazè en nesamà. Ne zutun migkaǥi a te, “Nengazen he MEGBEVAYÀ, edhangyù a ziyà te kenikew he peseyluwa nu is menge kevuwazan ni Jacob. Egkemenumenu is kegkeuyag-uyag dan emun egkehitavù heeyan he silut? Meluya zan ne kenè dan ebpekegaga.”

Amos 7:5

Ne zutun migkaǥi a te, “Nengazen he MEGBEVAYÀ, edhangyù a ziyà te kenikew he kenè nu heeyan beeli. Egkemenumenu is kegkeuyag-uyag te menge kevuwazan ni Jacob emun egkehitavù heeyan? Meluya zan ne kenè dan ebpekegaga.”

Micas 7:10

Egkaahà heini te menge kuntada tew ne egkepeel-elezan sikandan. Su hein aney ne edsudien kiw zan he ke sikandin te, ‘Hendei en is Nengazen he Megbevayè niw?’ Kenà egkeuǥet egkeehè tew is kegkezeeti zan. Egkeiring sikandan te vasak diyà te kersada he edtekutakan.”

Malakias 1:9

Migkaǥi si Malakias, “Guntaan, sikiyu is menge memumuhat, hengyua niw is Megbevayà he mehizuwi kiw zin. Piru heeyan he kelasi te menge pemuhat ne ibpemuhat niw kandin, siguradu he kenè kew zin ebpaahaan te keupiya zin. Iyan heini migkaǥi te Nengazen he Mekeǥeǥehem.”

Numero 25:6

Duen sevaha he Israilihanen he miduma zin is bahi he Midianhen diyà te pemilya zin. Naahà heini ni Moises wey te tivuuk he keet-etawan te Israel dutun te edsineǥew sikandan diyà te gemawan te Tulda he Edtelevukaayan.

Deuteronomio 28:37

Igkelimezangi kew, edhimuwen kew he peǥuseyanà, wey edsusudien kew te menge meǥinged diyà te menge nasyun he ebihag keniyu.

Deuteronomio 32:27

Ne minsan pa zutun, ne kenè ku idtuǥut he mekepezalig is menge kuntada he edhenduen te, ‘Nezaag tew sikandan te kenitew he ketau ne kenà iyan is Nengazen midhimu kayi.’ ”

Josue 7:9

Emun egkezineg heini te menge Canaanhen wey zuma pa he meǥinged kayi ne edliǥuyan key zan, ne ebpenhimetayan key zan. Ne emun iyan haazà, hengkey is ebeelan nu para kenà mezeeti is dengeg nu?”