Joel 1:19 - Manobo Western Bukidnon OT

¹⁹ Mid-ampù si Joel. Ke sikandin te, “Ed-umawen ku sikew, Nengazen, su nengeǥangu is menge penebtavà wey is langun he menge kayu ziyà te menge vevesukà he henduen be te nevinsulan.

Joel 1:19 Խաչաձեւ Հղումներ

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Salmo 91:15

Emun ed-umawen e zin, ne edtevaken ku sikandin; emun edlised sikandin, ne eduma a kandin; edlibriyen ku sikandin wey ebeǥayan ku te zengeg.

Jeremias 14:4

Nemeka is tanà su wazà uzan. Ne tenged te kegkeeled te menge perevasuk midtembunan dan is menge ulu dan.

Jeremias 3:9

Ne tenged te wazè din beliya is kebpekimaama he iyan is ked-azap te zuma neremerikan din is tanà pinaaǥi te ked-azap din te menge ed-ezapen he vatu wey kayu.

Jeremias 9:10

Migkaǥi si Jeremias te: Edlelendag a tenged te menge vuntud; edlalew a tenged te menge penebtavà diyà te sibsivayan. Su egkehimu en heini he mekevulungbulung ne wazè en edsaǥad kayi. Kenè en egkezineg kayi is ked-engà te menge vaka, ne mibpekeziyù en is menge tagbis wey minsan is dumezaas he menge langgam.

Jeremias 9:9

Umbe, ereg he edsilutan ku sikandan. Ereg he ebelesan ku is nasyun he iring kayi.”

Joel 2:3

Ebpekedtitinundug is ked-ataki te menge terapan he henduen be te hapuy. Hein wazè pa sikandan med-etaki, is tanà henduen be te iring te pemuleey he Eden, piru hein mid-etaki zan en heini, ne neiring heini te disirtu. Wazè en pinemula he wazè dan mezèdeeti.

Amos 1:2

Migkaǥi si Amos te, “Edhiniǥer is Nengazen he ebpuun te Zion; edraǥeb is laǥeng din puun te Jerusalem. Ne tenged kayi nengeǥangu is menge pepenebtavà te menge vantey te menge kerehidu ragkes en is menge pinemula ziyà te puntur te Buntud he Carmel.”

Amos 7:4

Heini pa is impaahà kedì te Nengazen he MEGBEVAYÀ: Neehè ku he ebpengandam is Nengazen he MEGBEVAYÀ te kedsilut te menge etew zin pinaaǥi te hapuy. Ne impememaza te hapuy is ebpuunan te wahig diyà te zizalem te tanà, ne midtutung kayi is langun he netaǥù te tanà he Israel.

Micas 7:7

“Piru siak mulà, edsarig a te Nengazen he Megbevayè ku. Edteǥazan ku sikandin is edlibri kedì. Ne ebpemineǥen din is ked-ampù ku.”