Jeremias 9:12 - Manobo Western Bukidnon OT

¹² Mid-insaan ku is Nengazen, “Hentei is uluwanen he etew he ebpekesavut kayi he menge hitavù? Hentei is midseysayan nu mehitenged kayi he iyan ebpekepesavut kayi? Ke maan is nezeetan heini he tanà he henduen be te nehimu he sibsivayan he wazè en duen ebayà?”

Jeremias 9:12 Խաչաձեւ Հղումներ

Salmo 107:34

Midhimu zin he wazà pulus duen te meupiya he tanà, su ǥeina te menge lalung is nen-ubpà duen.

Salmo 107:43

Is menge uluwanen ereg he ebpurung ed-isip-isip mehitenged kayi; ereg he ed-isipen dan is dekelà he ǥaǥew te Nengazen.

Isaias 42:23

Duen be keniyu egkesuat he ebpemineg etawa edseǥipà kayi te nezineg niw puun guntaan?

Jeremias 23:10

Nepenù en is tanà te menge etew he ed-azap te tarù he menge megbevayà, su mibaal te mezaat is menge ebpeneuven wey mezaat is kegemita zan te ǥehem dan. Ne tenged kayi midrewakan te Nengazen is tanà, umbe mibmemaza heini ne nengeǥangu is menge pinemula.

Jeremias 23:16

Migkeǥiyan te Nengazen he Mekeǥeǥehem is menge etew ziyà te Jerusalem te, “Kenè kew pemineg te egkeǥiyen kayi te teruen he menge ebpeneuven. Ibpeperateng kew zan dà te tarù. Is egkeǥiyen dan he nengelewasan dan ne kenà diyà ebpuun te kediey su ziyè dà te isip dan.

Jeremias 23:22

Emun pezem netuenan dan ke hengkey is diyà te isip ku, midtudtul zan en pezem is menge lalag ku ziyà te menge etew ku, su para meengkezi zan is mezaat he menge vetasan dan wey menge vaal zan.

Jeremias 23:28

Bey-ani en heini he menge ebpeneuven ke ebpenudtul zan te menge teǥeinep dan, piru sikan is menge ebpeneuven he nekezineg te lalag ku kinahanglan he edtudtulen dan heini te tinutuuwà. Su zuen kebpekedselekawà te teǥeinep dan wey is lalag ku iring te kebpekedselekawà te reǥami wey veǥas din.

Jeremias 9:20

Guntaan, sikiyu is menge vahi, pemineǥa niw is migkaǥi te Nengazen. Purungi niw heini pemineǥa. Penurua niw is menge anak niw he menge vahi wey menge zuma niw te kedruǥur wey te kegkanta para te minatey.

Ezekiel 14:23

Uya, egkaawà is kegkeseeng niw emun egkeehè niw is betasan dan wey menge ulaula zan, ne egkesavut niw he zuen hinungdan te kedsilut ku ziyà te Jerusalem. Iyan a, is Nengazen he MEGBEVAYÀ, is migkaǥi kayi.”

Hoseas 14:9

Berakat he is duen din kedsavut keniyu metueni zin wey mesavut din is menge ingkesurat kayi. Utew hustu is menge paaǥi te Nengazen ne ed-ikulen heini te menge metazeng, piru igkeseligkat mulà heini te menge merepasen.

Hoseas 4:10

Tutuu he egkaan kew, piru kenè kew egkahantey. Ed-azap kew te menge ed-ezapen he midtuuwan niw he ebpekeveǥey te anak, piru kenè kew ebpekaanak su inselikwey a keniyu

Joel 1:11

Sikiyu is menge perevasuk, keseeng kew! Sikiyu is ed-atur te pemuleey te paras, habet kew sineǥew! Su wazè en menge abut diyà te menge vevesukà; wazè en menge trigu wey menge barli.

Zefanias 3:6

“Guntaan migkaǥi is Nengazen te, ‘Midezeetan ku is menge nasyun; midwaǥey ku is menge inged dan ragkes is menge verengbeng wey menge turi kayi. Wazà nesamà he menge meǥinged dutun, umbe wazè en etew he egkaahà he edhiphipanew ziyà te menge zalan dan.

Deuteronomio 32:29

Ke metau zan pa pezem ne egkesavut dan ke hengkey is egketemanan dan diyà te menge egkehuziyan he timpu.