Jeremias 52:31 - Manobo Western Bukidnon OT

³¹ Hein ike-37 he tuig te kegkevihag ni Hadì Jehoyakin he hadì te Juda, nehimu he hadì diyà te Babilonia si Evil Merodac. Ne impeǥawas din diyà te pirisuwan si Jehoyakin hein ike-25 he andew te ike-12 he vulan dutun he tuig.

Jeremias 52:31 Խաչաձեւ Հղումներ

Salmo 3:3

Piru is tutuu, iring ka te kelasag he ebpengalang kedì. Iyan ka ebeǥey kedì te kezeeǥan wey kelig-en.

Erubasa 21:1

Is isip te menge hadì ne iring te wahig he iyan ebayàbayà is Nengazen te kedtudè din. Iyan ebayàbayà kayi sikandin sumalà te egkesuatan din.

Salmo 27:6

Umbe, egkezaag ku is menge kuntada ku he edliǥuy kediey. Ne ebpemuhat a zutun te valey te Nengazen duma is ked-uruhuy ku su utew a egkelipey. Ne egkentahan ku sikandin.

Genesis 40:13

Dutun te kenè pa egkeuma is tetelu he andew, ne ibpeǥawas ke en te hadì kayi te pirisuwan, ne ibpelikù ke zin diyà te zaan he terebahu nu he iyan is ked-uwiti nu kandin te vinu.

Job 22:29

Emun duen etew he edluyahan, ne emun id-ampù nu ziyà te Megbevayà he lig-eni sikandin, ne edtevangan din haazà is etew.

Genesis 40:20

Ne netuman iyan haazà su neketelu pa zutun iyan kedsilibra te ked-enaka te hadì te Ehipto ne midtukud sikandin te keemuran ne impetampu zin is langun he menge upisyal zin. Mid-umew zin is egalen te menge pereuwit te inumen wey is egalen te menge mememaal te supas ne impeetuvang sikandan te menge zuma zan he upisyal.

Jeremias 37:1

Midhimu ni Hadì Nebucadnezar he hadì te Babilonia si Zedekia he anak ni Josia he hadì te Juda he ilis ki Jehoyakin he anak ni Jehoyakim.