Jeremias 5:22 - Manobo Western Bukidnon OT

²² Wazà niw ve kedtahud kediey? Maan is wazè kew kerkera ziyà te etuvangan ku? Iyan a is Nengazen migkaǥi te mibeelan ku is beyvey he netemanan te zaǥat. Pirmeninti heini he dulunà ne kenà egkelapew. Edtampil kayi is baǥel piru kenè en edlavey is daǥat kayi.

Jeremias 5:22 Խաչաձեւ Հղումներ

Genesis 1:9

Ne migkaǥi zutun is Megbevayà te, “Mesevaha ziyà te sevaha he lugar is wahig kayi te kelibutan para medlepew is memaza he lugar.” Ne nehimu haazà.

1 Hadì 13:28

Migenat sikandin, ne neehè din haazà is minatey he nekesesavuk diyà te zalan wey sikan is erimaung wey asnu he edhithitindeg diyà te avey zutun. Wazà keena zutun te erimaung haazà ne wazà daan menuwa zuen te asnu.

Job 26:10

Midhimu zin is henduen be te midtelevukaayan te langit wey zaǥat, he iyan taltal te kerayag wey kerusirem.

Job 37:24

umbe, edtehuzen sikandin te menge etew. Ne kenè din edseǥipaan is menge etew he kunaan dan ke metau sikandan.”

Job 38:8

Hentei is midsavuk te dulunà te egketemanan te zaǥat dutun te kebugwak din puun te zizalem?

Salmo 104:9

Duen menge taltal he insavuk nu para zutun dà sikandan taman, su para kenè dan en meumani mesapal is kelibutan.

Salmo 119:120

Egkerkeren a te kegkahandek kenikew; ingkahandek ku utew is kedhukum nu.

Salmo 33:7

Midtingeb din is wahig te zaǥat he henduen be te intaǥù diyà te gerepun etawa insavuk diyà te budiga.

Salmo 46:3

minsan pa ke ebpurung ebpemaǥel is daǥat he iyan igkengehuyung te menge vuntud.

Salmo 99:1

Edhadì is Nengazen ne ebpimpinuu sikandin diyà te pinuuwè din te kedhadì he ziyà te teliwazà te menge kirubin. Nehuyung is kelibutan tenged te ǥehem din; ebpengerkeren is menge etew te kezekelà te kedtahud dan kandin.

Erubasa 8:29

hein midteltalan din is egketemanan te zaǥat su wey kenà medlapey, wey hein insavuk din is menge pundasyun te kelibutan.

Isaias 50:2

Maan is hendei kew vuwa hein nekeuma a? Maan is wazà midtavak te pengumawan ku? Kenè e ve ebpekehimu he edlibri keniyu? Egkehimu ku man ganì te ebpekemaza is daǥat pinaaǥi zà te kedsuǥù ku wey kedhimu te menge wahig he iring te disirtu he egkehimu he hinungdan te kebpematey te menge isdà.

Isaias 64:2

Iring te hapuy ebpeketutung te neǥangu he menge subpang wey ebpekepezìdì te wahig, is kebpekeuma nu ebpekehuyung te menge nasyun he menge kuntada nu, ne egkekilala zan ke hentei ka.

Isaias 66:5

Sikiyu is egkahandek he edsupak te lalag te Nengazen, pemineǥa niw is lalag din: “Tenged te kegkemepezumdumahan niw kediey, is duma he menge emurè niw te inged edumut wey edselikwey keniyu. Ed-un-undahan kew zan, ke sikandan te, ‘Mebpaahà is Nengazen te gehem din su wey zey maahà is kelipey niw!’ ” Piru egkepeel-elezan sikandan.

Jeremias 10:7

Hentei man is kenà edtahud kenikew te hadì te menge nasyun? Utew ke man dait he edtehuzen. Wazà ebpekeiring kenikew zuen te langun he uluwanen diyà te nekedseselekawà he menge nasyun, ne kenà ebpekeiring kenikew is langun he menge hadì dan.

Jeremias 2:19

Tenged te kelelalung niw wey ked-iniyuǥi niw kedì, edsilutan ku sikiyu. Purungi niw is-isipa ke hengkey is ikezaat wey ikereǥen te kedselikwaya niw wey kenè niw kedtehuza te Nengazen he Megbevayè niw. Iyan a, is Nengazen he MEGBEVAYÀ he Mekeǥeǥehem, is migkaǥi kayi.

Jeremias 31:35

Mid-uman pa megkaǥi is Nengazen te, “Iyan a midsuǥù te andew te kedsilà emun maandew, wey te vulan wey menge vituen emun mezukilem. Ne migkutew ku is daǥat wey medreǥuuk is menge vaǥel. Mekeǥeǥehem he Nengazen is ngazan ku.

Daniel 6:26

“Ebmandù a, he is langun he menge etew he sakup te ginhedian ku, kehendeki zan wey tehuza zan is Megbevayà ni Daniel. Su iyan sikandin uuyag he Megbevayà ne wazà pidtemanan te untung din. Ebpedayun is kedhadì din te minsan keenu. Ne wazà ebpekezezaat kayi.

Amos 4:12

“Umbe ed-umanan ku pa ebeeli heini he menge silut diyà te keniyu te menge tig-Israel. Ne ǥeina te ebeelan ku heini, pengandam kew te ked-etuvang kediey te Megbevayè niw.”

Amos 9:6

Iyan is Megbevayà mibaal te keugelingen din he ubpeey ziyà te langit. Su iyan sikandin mibaal te hewhewanan diyà te zivavew te tanà. Iyan sikandin midtiǥum te wahig te zaǥat diyà te menge ǥapun ne impeuzan din heini ziyà te tanà. Is ngazan din iyan is Nengazen.

Jonas 1:16

Ne tenged kayi he hitavù, dekelà is kedtahud te menge etew te Nengazen. Umbe mibpemuhat dan sikandin wey zuen menge penaad dan diyà te kandin.

Nahum 1:4

Pinaaǥi te kebmandù din ne egkemezahan is menge zaǥat wey menge wahig, egkengeǥangu is menge pinemula ziyà te Bashan, diyà te Buntud he Carmel, wey ziyà te Lebanon.

Deuteronomio 28:58

“Emun kenè niw ebpurungan te edtuman heini is langun he suǥù he ingkesurat kayi te libru, wey kenè niw edtehuzen is lavew wey egkein-inuwan he ngazan te Nengazen he Megbevayè niw,