Jeremias 48:2 - Manobo Western Bukidnon OT

² Kenè en edeliǥen is nasyun he Moab. Diyà te Heshbon, mibpelanu is menge kuntada te kedezaat te Moab. Ke sikandan te, ‘Agpas kew su edezeetan tew is Moab.’ Is inged he Madmen edsurungen te kuntada, ne egkehimu he mekevulungbulung.

Jeremias 48:2 Խաչաձեւ Հղումներ

Isaias 15:1

Heini he menge lalag ne mehitenged te Moab: Seled dà te sengekezukileman ne egkevengkag en is menge inged he Ar wey Kir he sakup te Moab.

Isaias 15:5

Ingkeseeng ku is menge tig-Moab. Mibpelaǥuy is menge etew zutun pehendiyà te Zoar wey Eglat Shelishiya. Midsineǥew sikandan is edtekezeg diyà te Luhit. Is duma kandan nemen-eerang dutun te kedhendiyè dan te Horonaim, tenged te nehitavù kandan.

Isaias 16:14

Ne ǥuntaan iyan en maan heini egkeǥiyen din, “Seled te tetelu he tuig egkaawà is ketiǥeyunan te Moab, ne egkepeel-elezan is menge etew kayi. Deisey zà is egkesamà he uuyag te menge etew kayi, ne heini sikandan kenè pa memelig-en.”

Isaias 25:10

Benar iyan, edtevangan te Nengazen is menge etew ziyà te Buvungan he Zion, ne edsilutan din mulà is menge tig-Moab. Edtekutakan din sikandan iring te kedtekutaki te reǥami ne ebpesegdanen en he meredak.

Jeremias 25:15

Migkaǥi kayi te kedì is Nengazen he Megbevayà te Israel te, “Kuwaa nu ziyà te velad ku is tasa he nepenù te pauk ku, ne ipeinum nu te menge etew ziyà te langun he menge nasyun he zutun ku sikew suǥùa.

Jeremias 25:17

Umbe, migkuwa ku haazà is tasa ziyà te velad te Nengazen ne impeinum ku te menge etew ziyà te langun he menge nasyun he zutun e zin suǥùa.

Jeremias 31:36

Mintras kemulu pa is langit wey is kelibutan, ne ebpedayun daan is sevaha he nasyun is Israel te wazà pidtemanan.

Jeremias 33:24

“Wazè nu ve mezineg is migkaǥi te menge etew mehitenged te menge etew ku? Migkaǥi sikandan te, ‘Inselikwey te Nengazen is dezuwa he ginhedian he mibpilì din.’ Umbe midsudì dan is menge etew ku ne wazè dan en heini isipa he sevaha he nasyun.

Jeremias 46:28

Umbe, kenè kew en egkahandek, is menge kevuwazan te suluǥuen ku he si Jacob, su zuma a keniyu. Ebpurungan ku edezeeti is langun he menge nasyun he zutun ku sikiyu ipeyapat, piru kenè ku mulà sikiyu ebpurungan edezeeti. Ebmensuwen ku sikiyu, sumalà is ereg keniyu. Kenà egkehimu he kenè ku sikiyu edsilutan. Iyan a, is Nengazen, is migkaǥi kayi.”

Jeremias 48:17

Keseeng kew is langun he nasyun he kezapig te Moab, sikiyu is langun he nesayud te kegkevantug te Moab! Keseeng kew ne ke sikiyu te, ‘Netapus en is Moab! Netamped en is tuked din, kes tuked he simbulu te kegkemekeǥeǥehem din wey kegkeventuǥan.’

Jeremias 48:42

Egkezeetan is nasyun he Moab tenged te mid-isip din is keugelingen din he lavew pa sikandin he gemhanan kenà is Nengazen.

Jeremias 48:45

Is mekehizuhizu he ebpemekepelaǥuy egkesuat dan he ed-eles diyà te Heshbon. Piru heini is Heshbon he midhedian dengan ni Hadì Sihon egkiràkirà is hapuy zuen. Egkevinsulan is menge vuvungan he mid-elesan te menge tig-Moab he zengan, utew susuaten te kebpekidtebek.

Jeremias 49:3

“Ebpekesineǥew kew taman te egkehimu niw, is menge etew ziyà te Heshbon, su egkezeetan is Ai. Ebpekesineǥew kew zaan is menge meǥinged diyà te Raba! Ebivisti kew te saku is edlikù-likù ebpelelaǥuy ziyà te kilid te verengbeng te kebpaahà he edlalew kew. Su ebihaǥen is ed-ezapen niw he si Molec duma te menge memumuhat wey te menge upisyal zin.

Jeremias 49:37

Edezeetan ku sikandan diyà te etuvangan te menge kuntada zan he egkesuat he edhimatey kandan. Uya, edezeetan ku sikandan tenged te utew ku kegkepauk. Ibpesurung ku sikandan te menge kuntada zan taman te egkaamin sikandan is langun.

Numero 32:37

Is tribu ni Reuben mid-umanan dan benguna is menge inged he Heshbon, Eleale, wey Kiriataim