Jeremias 48:17 - Manobo Western Bukidnon OT

¹⁷ Keseeng kew is langun he nasyun he kezapig te Moab, sikiyu is langun he nesayud te kegkevantug te Moab! Keseeng kew ne ke sikiyu te, ‘Netapus en is Moab! Netamped en is tuked din, kes tuked he simbulu te kegkemekeǥeǥehem din wey kegkeventuǥan.’

Jeremias 48:17 Խաչաձեւ Հղումներ

Isaias 9:4

Su ibpekeziyù nu sikandan diyà te midlupiglupig kandan. Iring sikandan te uyaǥen he ebedtien nu is id-eyuǥu zuen wey is tuked he idlagkut duen. Is ebeelan nu kandan iring te mibeelan nu zengan hein midaag nu is menge Midianhen.

Jeremias 48:39

Nezeetan en is Moab! Pemineǥa is erang te menge meǥinged kayi. Utew egkepeel-elezi is Moab, ne edsudien heini ne igkelimezangi heini te langun he menge nasyun he nekeelingkus kayi he nekaahà te nehitavù.”

Isaias 16:8

Nengezeetan is menge vevesukè diyà te Heshbon ragkes en is menge pemuleey te paras diyà te Sibma. Midezeetan te menge pengulu te menge nasyun is menge pemuleey te paras he taman en diyà te Jazer, pehendiyà te disirtu, wey taman en te Daǥat he Meriǥà.

Isaias 10:5

Migkaǥi is Nengazen te, “Mekehizuhizu is menge tig-Asiria. Iyan sikandan egemiten ku he lagkut he para te kedsilut te menge egkeepesan ku.

Salmo 110:2

Mahal he Hadì, ebpuun te Zion ibpemeluag te Nengazen is ginhedian nu, ne edhedian nu is menge kuntada nu.

Isaias 14:6

he tenged te pauk dan wazà sikandan med-engked he ebpaantus te menge etew wey utew zan mibpesipelahi is menge etew ziyà te menge inged he nelupig dan.